Tuesday, December 29, 2009

ဗိုလ်မှူးချုပ် ကျော်ဇော

ဗိုလ်မှူးချုပ် ကျော်ဇော
ဗိုလ်မှူးချုပ် ကျော်ဇော
ဘိုဘိုကျော်ငြိမ်း | အင်္ဂါနေ့၊ ဒီဇင်ဘာလ ၂၉ ရက် ၂၀၀၉ ခုနှစ် ၁၄ နာရီ ၂၆ မိနစ်


ဗိုလ်မှူးချုပ် ကျော်ဇောကို လူချင်းတွေ့ရတော့ ကွန်မြူနစ်ရယ်၊ ဆိုရှယ်လစ်ရယ် ခွဲမမြင်နိုင်တော့ဘူး။ ကွယ်လွန်သွားတဲ့ ကျေးဇူးရှင် (အဖေ) တို့နဲ့ လွတ်လပ်ရေးအတွက် တိုက်ပွဲဝင်ခဲ့တဲ့ တော်လှန်ရေး ရဲဘော်တဦးအဖြစ်ပဲ မြင်မိတယ်။ အဖေကိုလည်း သတိရတာနဲ့ ကျနော် ရိုသေစွာ ထိုင်ကန်တော့ခဲ့ပါတယ်။ ဗိုလ်မှူးချုပ်ကျော်ဇောရဲ့ ရိုးသားမှုကို တွေ့ရတော့လည်း ကျနော် လေးစားမိတာအမှန်ပါ။

kz2ဒါပေမဲ့ ကျနော့်ဆီမှာ မပြီးသေးတဲ့ မိသားစုတာဝန်က ကျန်နေသေးတယ်။ အဲဒါကတော့ ဗိုလ်မှူးချုပ်ကျော်ဇော ရေးခဲ့တဲ့ သူရဲ့ ကိုယ်ရေး ရာဇဝင်မှာ ရေးသားထားတဲ့ ဦကျော်ငြိမ်း အကြောင်းပါ။ ကျနော်နဲ့ ခင်တဲ့ မိတ်ဆွေက ဘာကြောင့် ပြန်မရေးတာလဲလို့ အရေးဆိုကြတယ်။ တချို့ကလည်း ထားလိုက်ပါတော့ဗျာလို့ အကြံ ပေးကြတယ်။

အသက်ကြီးပြီဖြစ်တဲ့ တော်လှန်ရေးသမားကြီးကို လေးစားမိတာတကြောင်း၊ ဗိုလ်မှူးချုပ်ကျော်ဇော မိသားစုနဲ့တွေ့ပြီး ခင်မင်မိတာတကြောင်းကြောင့် မရေးဖြစ်ခဲ့ဘူး။ ဗိုလ်မှူးချုပ်မောင်မောင်ဆုံးသွားတဲ့ သတင်းကြားမှ သင်္ခါရကို မကျော်နိုင်ကြတာ တွေးမိတယ်။ အချိန်က လူကို မစောင့်ပါလားဆိုပြီး သတိဝင်လာတယ်။ ဒီ့အပြင် ပြန်လည်ဖြေရှင်းမှုမရှိခဲ့ရင် ရာဇဝင်ကိုရေးရာမှာ အချက်အလက်မှန်ဖို့ အရေးကြီးတယ်ဆိုတာကို နားမလည်နိုင်တဲ့၊ ပုဂ္ဂိုလ်ရေးမုန်းတီးမှုကိုသာ အခြေခံရင် အမှန်တရားဟာ ဖုံးကွယ်သွားနိုင်တယ် မဟုတ်လား?

ကြယ်တွေ၊ စကြာဝဋ္ဌာအကြောင်း လေ့လာတဲ့ (Astronomy) ဘာသာရပ်အရ ကျနော်တို့ စကြာဝဋ္ဌာ Universe ကြီးဟာ လွန်ခဲ့တဲ့ နှစ်ပေါင်း ၁၃.ရ ဘီလျံလောက်က (Big Bang) ဆိုတဲ့ ပေါက်ကွဲမှုကြီးက မွေးဖွားခဲ့တယ်။ ဒီ Big Bang ရဲ့ နောက်ခံ (Background Radiation) ကို မပျောက်မပျက်ရှာတွေ့မှ BigBang ဆိုတာကို လက်ခံခဲ့ကြတယ်။ ဒီလိုပဲ အဖြစ်အပျက်တွေရဲ့ နောက်ခံသမိုင်းဆိုတာ ဖျောက်ဖျက်လို့မရပါဘူး။ ရာဇဝင်ဆိုတာ အရေးကြီးပါတယ်။

ဗိုလ်ချုပ်ကျော်ဇောရေးတဲ့ ကာလမှာ ကျနော့်အဖေဟာ ကွယ်လွန်သွားခဲ့ပါပြီ။ သူ့ဖြေရှင်းခွင့် မရတော့ရှာပါဘူး။ ဒါကြောင့် ဗိုလ်ချုပ်ကျော်ဇော အသက်ထင်ရှားရှိစဉ်မှာ ဒီဆောင်းပါးကို ရေးရတာပါ။
အဆိုတခုကို သက်သေနဲ့ နှစ်ဖက်ကြည့်တတ်ရပါမယ်။ နောင် - ရာဇဝင်ဆရာတွေ သုံးသပ်နိုင်အောင် တင်ပြရခြင်းပါ။ ကျနော် ပြန်ဖြေရှင်းရမယ် ဆိုတာကိုလည်း ဗိုလ်မှူးချုပ်ကျော်ဇောနဲ့ မိသားစုကို ကူမင်းမှာ တွေ့စဉ်က အသိပေးခဲ့ပြီးဖြစ်ပါတယ်။

ဗိုလ်မှူးချုပ်ကျော်ဇောနဲ့ မိသားစု ကျနော့် အမြင်ကို နားလည်နိုင်ပါစေ။

အရေးကြီးတဲ့ တချက်က ကျနော် ယုံကြည်တာက လစ်ဘရယ်ဒီမိုကရေစီပါ။ ကျနော့်အမြင်အရ ဘယ်နိုင်ငံရေး သဘောတရားမှ ပြီးပြည့်စုံတယ်ဆိုတာ မရှိပါဘူး။ လစ်ဘရယ်ဒီမိုကရေစီမှာလည်း ချို့ယွင်းချက်တွေ ရှိတာပဲ။ ဒါပေမဲ့ ချို့ယွင်းချက်တွေကြားက ဘာကြောင့် အခုထိ လစ်ဘရယ်ဒီမိုကရေစီဟာ ကမ္ဘာကြီးမှာ ရှင်သန်ကြီးထွားလျက်ရှိပြီး ကွန်မြူနစ်ဝါဒဟာ ကျဆုံးခဲ့ရသလဲ?

kzကွန်မြူနစ်ဝါဒရဲ့ ဗဟိုဦးစီးစနစ်မှာ ငါ့ဝါဒသာ အမှန်၊ ဝါဒမတူသူဟာ ရန်သူ၊ တိုက်ထုတ်ထား - ဆိုတဲ့ (တဖက်သတ်) အမှန်တရားကို ဆုပ်ကိုင်ထားတတ်တယ်။ လစ်ဘရယ်ဒီမိုကရေစီမှာတော့ လွတ်လပ်မှုနဲ့အတူ လွတ်လပ်စွာ တွေးခေါ်ခွင့်ရှိတဲ့ Critical Thinking ဟာ အရေးပါလှပါတယ်။ Critical Thinking အရ အတွေးအခေါ်ဖြစ်စေ၊ အဆိုပြုချက်တခုကိုဖြစ်စေ ဘက်စုံက ငြင်းဆိုခွင့် ရှိတယ်၊ ထောင့်စုံက ကြည့်ပြီးမှ လက်ခံခွင့် ရှိတယ်။ အခု ဂရိုဘယ်လိုက်ဇေးရှင်းခေတ်ကြီးမှာ လူငယ်လေးတွေဟာ တယူသန် မတွေးတော့ဘူး။ မေးခွန်းတွေ မေးမယ်၊ အဖြေရှိမှ လက်ခံကြမယ်။ ဒါကြောင့် ကျနော့်ရဲ့ အမြင်ကို ဘက်စုံကကြည့်ပြီး တင်ပြချင်တာလည်း ပါပါတယ်။ လူငယ်လေးတွေ စဉ်းစားနိုင်အောင်ပါ။

ဗိုလ်မှူးချုပ်ကျော်ဇော်ဟာ တနိုင်ငံလုံးကလေးစားရတဲ့ အထင်ကရပုဂ္ဂိုလ်တဦး ဖြစ်ပါတယ်။ အမျိုးသားအဆင့်ရှိတဲ့ ပုဂ္ဂိုလ်ဖြစ်လာရင် စိတ်(နု)၍မရ အပြောအဆိုဖြစ်စေ အရေးအသားဖြစ်စေ စိတ်(နု) ၍ မရပါ၊ ဒေါ်သပါ၍ မရပါ။ ၂ဝဝ၉ သြဂုတ်လဆန်း ကျော်ကျော်က အမေရိကန်သမ္မတလောင်းအဖြစ်အရွေးခံခဲ့တဲ့ ယ္ခုလက်ရှိ နိုင်ငံခြားရေးးဝန်ကြီး ဟင်လရီကလင်တန်ဟာ လူထုနဲ့တွေ့ဆုံပွဲ Town-Hall-Meeting တခုမှာ ကျောင်းသားတယောက်ရဲ့ မေးခွန်းကို စိတ်ဆိုးပြီး ဆတ်ကနဲ ပြန်ဖြေခဲ့တဲ့အတွက် အဲဒီဖြစ်ရပ်ဟာ ကမ္ဘာကျော်ခဲ့ရတယ်။ ပြီးခဲ့တဲ့ ပြင်သစ်သမ္မတ ရွေးကောက်ပွဲအကြို အခြေအတင် စကားပြောပွဲမှာ အမျက်ထွက်လွယ်သူ၊ စိတ်ဆတ်သူလို့ နာမည်ကြီးတဲ့ စာကိုးဇီး (Sarkozy) ကို ပြိုင်ဘက် လွိုင်ရွယ် (Royal) က စိတ်လိုက်မာန်ပါ ပြောဆိုလာပါတယ်။ စာကိုးဇီးက “အိုမဒန်လွိုင်ရွယ်ရယ်၊ သမ္မတပီသပါစေ” လို့ လေအေးအေးနဲ့ ခွန်းတုံ့ပြန်ခဲ့ရာ နိုင်ငံရေး လေ့လာသူတွေနဲ့ ဝေဖန်သူတွေရဲ့ အမြင်အရ ပရိသတ်နဲ့ ပြည်သူတွေက စာကိုးဇီးကို ပိုယုံခဲ့တယ်လို့ သတ်မှတ်ခဲ့ကြပါတယ်။ အခြေအတင်ပြောပွဲ (Debate) အပြီးမှာ စာကိုးဇီးကို ထောက်ခံသူတွေ ပိုများလာပြီး သမ္မတအဖြစ် အရွေးခံခဲ့ရတယ်။

အမျိုးသားအဆင့် နိုင်ငံရေးခေါင်းဆောင်ဖြစ်လာခဲ့ရင် ကျနော်တို့ အညတရတွေလို စိတ်လိုက်မန်ပါ ဒေါသရှေ့မထားသင့်တော့ပါ။


ဗိုလ်မှူးချုပ်ကျော်ဇောရဲ့ ကိုယ်ရေးရာဇဝင်မှာ၎င်း၊ တွေ့ဆုံမေးမြန်းခန်းတွေမှာ၎င်း ဆိုရှယ်လစ်ခေါင်းဆောင်တွေနဲ့ ဆိုရှယ်လစ်စစ်ဗိုလ်ချုပ်တွေနဲ့ ဆက်စပ်လာရင် ကွန်မြူနစ်ဒေါသကို ဖုံးကွယ်နိုင်ပုံ၊ ကျော်လွှားနိုင်ပုံ မမြင်ရပါ။ ကွန်မြူနစ်ဆိုရင် အကောင်း၊ ဆိုရှယ်လစ်ဆိုရင် အဆိုး၊ တလမ်းသွား အတွေးအခေါ်က ထင်ပေါ်လွန်းတယ်။ လွပ်လပ်ရေးတိုက်ပွဲကာလနဲ့ လွတ်လပ်ရေးရပြီးစ ကာလတွေမှာ ဆိုရှယ်လစ်နဲ့ ကွန်မြူနစ်တွေအကြား ပြိုင်ဆိုင်မှု ပြင်းထန်ခဲ့ကြတယ်။ ရန်အငြိုး ကြီးထွားခဲ့ကြတာကိုး။

kz1နောက်တချက် ကျနော်မြင်တာက လွတ်လပ်ရေး ရပြီးကာစ ကာလ တပ်တွင်းပြိုင်ဆိုင်မှုမှာ ဆိုရှယ်လစ် ဗိုလ်မှူးချုပ် ၂ ဦးဖြစ်တဲ့ ဗိုလ်မှူးချုပ် မောင်မောင်နဲ့ ဗိုလ်မှူးချုပ် အောင်ကြီးတို့နဲ့ ဗိုလ်မှူးချုပ် ကျော်ဇောတို့ရဲ့ တိုက်ပွဲဟာ ပြင်းထန်ခဲ့ကြတယ်။ ဗိုလ်မှူးချုပ် ကျော်ဇောတို့ မိသားစုနဲ့ စကားပြောကြည့်တဲ့အခါ ဗိုလ်မှူးချုပ် အောင်ကြီးဟာ မာနနဲ့ အင်္ဂလိပ်လို့ (arrogant) လူပါးဝတယ်။ ဗိုလ်မှူးချုပ် အောင်ကြီးဟာ ဗိုလ်ချုပ် နေဝင်းနဲ့ ခင်ရုံမက ဝန်ကြီးချုပ် ဦးနုနဲ့လည်း နီးတာကြောင့် မာနထောင်ခဲ့တယ်။ Mary Callahan ရေးတဲ့ Making Enemies စာအုပ်မှာ ဦးကျော်ငြိမ်းကိုပါ ခြိမ်းခြောက်ခဲ့တယ်လို့ ဆိုထားတယ်။ (မှတ်ချက်။ စာမျက်နှာ ၁၈ဝ - အခန်း (၇) ကို ကြည့်ပါ။)

ကျနော် မြန်မာနိုင်ငံက မထွက်ခင် ငယ်စဉ်ကျောင်းသားဘဝက ဗိုလ်ချုပ်မောင်မောင်ကို ကြည့်မရခဲ့ပါ။ “ဒီလူကြီး ငါ့အဖေကို အမြဲဆူပူအောင် အော်ပစ်နေတာပဲ” လို့ ကလေးပီပီ တွေးမိခဲ့တယ်။ ကျနော် လူကြီးဖြစ်တော့ ငယ်စဉ်က အတူခင်ခဲ့တဲ့ ကျနော့်အကိုရဲ့ ငယ်ပေါင်း (သွား) ဆရာဝန်တယောက်နဲ့ နယူးယောက်မြို့မှာ ပြန်လည်ဆုံဆည်းခဲ့မိတယ်။ တွေ့တိုင်း အမြဲဆူပူအော်ဟစ်နေတယ်။ ငယ်ပေါင်းလည်းဖြစ် အပေါက်ကလည်း ဆိုးတာကြောင့် အထင်မကြီးမိပါ။ တနေ့ (သွား)နာမှ မပြချင်ပြချင်နဲ့ ပြမိတယ်။ ဒီတော့မှ ကျနော့် မိတ်ဆွေဟာ လူတွေအထင်ကြီးကြတဲ့ အမေရိကန်ပေါက် အဖြူသွားဆရာဝန်တွေထက် များစွာ (သာ) ကြောင်း သိခဲ့ရတယ်။ ကျနော်တွေ့ဖူးတဲ့ သွားဆရာဝန်တွေအထဲမှာ အတော်ဆုံးတယောက်အဖြစ် အသိအမှတ်မပြုချင်ဘဲ အသိမှတ်ပြုခဲ့ရတယ်။ ဒီတော့မှ ကျနော့်ဖခင်ကြီးဟာ ဗိုလ်မှူးချုပ်မောင်မောင်ကို ဘာကြောင့် စိတ်မတိုရကြောင်း နားလည်ခဲ့ရတယ်။ အားကိုးရတဲ့ လူတော် သို့သော် အပေါက်ဆိုးတယ်။ “သြော် သူ့ဝသီ“ ပဲလို့ ပြုံးရင်း နားလည်ခဲ့ရတယ်။

ဒါပေမဲ့ ပဋိပက္ခပြင်းထန်နေတဲ့ အချိန်ကာလမှာ ဒီပြိုင်ဘက် ဗိုလ်မှူးချုပ် ၃ ယောက်ကြားမှာ ခံစားမှုတွေ ရှိခဲ့ရမယ်ဆိုတာကို နားလည်နိုင်ပါတယ်။ တယောက်က အပေါက်ဆိုးတယ်၊ နောက်တယောက်က မောက်မာတယ်။ ဗိုလ်မှူးချုပ်ကျော်ဇောဟာ ဒီနှစ်ယောက်ကြားမှာ ညပ်နေမယ်ဆိုတာ တွေးကြည့်နိုင်ပါတယ်။

ဗိုလ်ချုပ်နေဝင်းက လူရည်လည်တယ်။ ဗိုလ်မှူးချုပ်ကျော်ဇောကို အသားလွတ် ရန်ရှာပုံ မပေါ်ဘူး။ ဗိုလ်မှူးချုပ် ကျော်ဇော ပင်စင်ယူပြီး ဗိုလ်ချုပ်နေဝင်း အုပ်ချုပ်နေတဲ့ ကာလမှာ ရဲဘော် သုံးကျိပ်နဲ့ ပတ်သက်ခဲ့တဲ့ ဂျပန် တယောက် ရန်ကုန်ရောက်အလာမှာ ကျင်းပတဲ့ ညစာစားပွဲကိုတက်ဖို့ ဗိုလ်မှူးချုပ်ကျော်ဇောကို ဗိုလ်ချုပ် နေဝင်းက ဖိတ်တယ်။ ဗိုလ်မှူးချုပ်ကျော်ဇောက မတက်ခဲ့ဘူး။ လာဖိတ်တဲ့ ဗိုလ်မှူးကြီးက ဗိုလ်ချုပ်နေဝင်းက စိတ်မကောင်းကြောင်း လာသတင်းပေးရင်း ဗိုလ်မှူးချုပ်ကျော်ဇောကို သွားမလုပ်ကြနဲ့၊ ဗိုလ်မှူးချုပ်ကျော်ဇောက သူ့ကို ဒုက္ခမပေးရင် ဘာမှမလုပ်ဘူးဆိုပြီး ဗိုလ်ချုပ်နေဝင်းက မှာထားကြောင်း ပြောသွားသေးတယ်တဲ့။ ဒါ ဗိုလ်မှူးချုပ်ကျော်ဇောကိုယ်တိုင် ကျနော် ကူမင်းကိုရောက်တုန်းက ပြန်ပြောပြလို့ သိရတာပါ။

ကြားလိုက်ရတော့ ဗိုလ်မှူးချုပ်ကျော်ဇောကို သတင်းပါး၊ message လာထည့်သွားတယ်ဆိုတာကို ချက်ချင်း ရိပ်မိလိုက်တယ်။ ဗိုလ်ချုပ်နေဝင်းရဲ့ နိုင်ငံရေးအကွက်တွေကိုလည်း သွားသတိရမိတယ်။
ဗိုလ်မှူးချုပ်ကျော်ဇောမှာ ပြောစရာ အားနည်းချက်ဆိုလို့ တကွက်ပဲရှိတယ်လို့ ကျနော်တို့ အဖေတွေဘက်က လူကြီးတွေ ပြောခဲ့ဖူးတယ်။ ဗိုလ်မှူးချုပ်ကျော်ဇောဟာ နိုင်ငံရေး သိပ်ရိုးလွန်းတယ်တဲ့။ Politically Naïve ဖြစ်တယ်လို့ ဆိုတာပါ။

ဗိုလ်မှူးချုပ်ကျော်ဇောပာာ ကွန်မြူနစ်ပါတီရဲ့ စစ်ဗိုလ်အားလုံး တောခိုရမယ်ဆိုတဲ့ အမိန့်ကို ဖီဆန်ပြီး စစ်တပ်ထဲမှာ ကျန်ခဲ့ကတည်းက ကွန်မြူနစ်ပါတီနဲ့ အဆက်အသွယ် ပြတ်နေခဲ့တယ်။ ၁၉၅၆ ခုလောက်မှာ ပုဒ်မ (၅) နဲ့ ထောင်ထဲရောက်ပြီး ကျန်းမာရေးချို့တဲ့ ဒုက္ခရောက်နေတဲ့ ဂျပန်ခေတ်က ရဲဘော်(ဦး)ကြီးမြင့်ကို ဗိုလ်ချုပ်နေဝင်း အကူအညီနဲ့ ထောင်ထဲက လွတ်အောင်လုပ်ပြီး အိမ်မှာတင်ထား၊ ဆေးကုသပေးခဲ့ပါတယ်တဲ့။ (မှတ်ချက် - သခင်တင်မြ၏ ဘုံဘဝမှာဖြင့် ထက်ချပ်မကွာ၊ စာမျက်နှာ ၂၄၉-၂၅၂ ကို ကြည့်ပါ။)

ဗိုလ်မှူးချုပ် ကျော်ဇော (ရှေ့ဆုံးတန်း၊ လက်ဝဲဘက်မှ ရေတွက်လျှင် ဒုတိယမြောက်)

ဗိုလ်မှူးချုပ် ကျော်ဇော (ရှေ့ဆုံးတန်း၊ လက်ဝဲဘက်မှ ရေတွက်လျှင် ဒုတိယမြောက်)
ဦးကြီးမြင့်ကို ထောင်က လွှတ်ပေးဖို့ ဗိုလ်ချုပ် နေဝင်းကို အကူအညီ တောင်းတော့ နိုင်ငံရေး မြေခွေး ဗိုလ်ချုပ် နေဝင်းက အသာလေး ကြိုးရှည်ရှည်နဲ့ လွှတ်ထား ပေးလိုက်တာပေါ့။ တပ်ထဲမှာ ယှဉ်နိုင်တာ ရဲဘော် သုံးကျိပ်ဝင်ဆိုလို့ ဗိုလ်ချုပ် ကျော်ဇော တယောက်သာ ကျန်တာပဲ။

ဦးကြီးမြင့်ဟာ ကွန်မြူနစ်ပါတီရဲ့ စီစီ (ဗဟိုကော်မတီဝင်) ဦးကြီးမြင့်ကပဲ ဗိုလ်မှူးချုပ် ကျော်ဇောကို ပြန်လည် စည်းရုံးသွားတာပဲ။ ကွန်မြူနစ်ပါတီရဲ့ စီစီ တယောက်ကို ကွန်မြူနစ် ပါတီဝင်ဟောင်း စစ်ဗိုလ်ချုပ် အိမ်မှာ တင်ထားတာ သတိမထားမိဘဲ နေကြပါ့မလား? စစ်တပ်နဲ့ ရင်ဆိုင်တိုက်နေရတာက ကွန်မြူနစ်ပါတီ။ နောက်ဆုံး စီစီ (ဦး)ကြီးမြင့်ကို ထောင်ထဲမှာ ပီဘီ (PB) ဖြစ်လာတဲ့ (ဦး)လှသောင်းက ညွှန်ကြားပြီး စစ်ဗိုလ်ချုပ်ကြီး အိမ်ကနေပြီး ပါတီလုပ်ငန်းကို လျှို့ဝှက်လုပ်နေကြပါတယ်တဲ့။

ဗိုလ်ချုပ်နေဝင်းက အသာလေးအဆင်းတွန်းပေးပြီး ငါးကြင်းဆီနဲ့ ငါးကြင်းကြော်နိုင်ခဲ့တာပါ။

ဒါ့အပြင် ကျနော်ရဲ့ ဖခင်ဟာ ကွန်မြူနစ်တွေနဲ့ အားပြိုင်နေရတာကြောင့် ဗိုလ်ချုပ်နေဝင်းနဲ့ ပေါင်းရပေမယ့် တယောက်နဲ့ တယောက် မျက်စ်ိဒေါက်ထောက် ကြည့်နေရတာပဲ။ ကွန်မြူနစ်တွေ အားသာပြီး ရန်ကုန်အစိုးရဖြစ်တော့ ကျုပ် ကွန်မြူနစ်တွေနဲ့ ပေါင်းတော့မယ်လို့ ဗိုလ်ချုပ်နေဝင်း ပြောခဲ့တာကိုလည်း ဦးကျော်ငြိမ်း မမေ့ဘူး။

လက်ဝဲညီညွတ်ရေး ဖွဲ့စဉ်က ဗိုလ်ချုပ်နေဝင်းက ဥက္ကဋ္ဌ၊ ဦးသိန်းဖေမြင့်က အတွင်းရေးမှူးအနေနဲ့ အာဏာသိမ်းဖို့ ကြံစဉ်က ဗိုလ်ချုပ်နေဝင်းက လေတပ်ကို သုံးရင်သုံးဖို့ ဗိုလ်သိန်းတန်ကို ကိုင်ထားတယ်။ သစ္စွာရှိတဲ့ တပ်ကြပ်တယောက်က သတင်းပေးတာကြောင့် ဗိုလ်ချုပ်နေဝင်းကို ဗြောင်မေးခဲ့တယ်။ ဗိုလ်ချုပ်နေဝင်း မပါတော့ အာဏာသိမ်းဖို့ အစီအစဉ်ပျက်သွားတယ်။ ဗိုလ်ချုပ်နေဝင်းက တခါ ဦးကျော်ငြိမ်းရဲ့ ညီတဝမ်းကွဲ ဦးထွေးမြင့် ကွန်မြူနစ်ဖြစ်နေတာနဲ့ ပြန်ကိုင်တဲ့အတွက် မဖမ်းချင်ဘဲ ဦးထွေးမြင့်ကို ဖမ်းရတယ်။ ဒါတွေက လူမသိသူမသိ (အာဏာ) ရဲ့ အားပြိုင်မှုတွေပဲ။ ဒါကြောင့် ဦးကျော်ငြိမ်းက ဗိုလ်ချုပ်နေဝင်းကို Balance လုပ်ဖို့ ဗိုလ်မှူးချုပ်ကျော်ဇောကို နိုင်ငံခြားမစ်ရှင်မှာ ခေါ်ခဲ့တယ်။
ဗိုလ်ချုပ်ကျော်ဇောက နိုင်ငံရေးရိုးလွန်းတော့ မအောင်မြင်ခဲ့ဘူး။

ဗိုလ်ချုပ်ကျော်ဇော အမြင်က ရန်ရှာတဲ့ ဗိုလ်မှူးချုပ်အောင်ကြီးတို့ကို ရန်မရှာတဲ့ ဗိုလ်ချုပ်နေဝင်းထက် အန္တရာယ်ကြီးတယ်လို့ သတ်မှတ်ခဲ့ပုံရတယ်။

ဗိုလ်ချုပ်နေဝင်းရဲ့အောက်မှာ ဆိုရှယ်လစ်ဗိုလ်မှူးချုပ်တွေနဲ့ ဗိုလ်မှူးကြီးတွေရှိတယ်။ ဒါ့အပြင် ဗိုလ်မှူးကြီး ကြည်ဝင်းက ဦးဗဆွေကြီးရဲ့ မယားညီအကို၊ ဒုဗိုလ်မှူးကြီးကြည်ဟန်က ဦးကျော်ငြိမ်းရဲ့ ယောက်ဖ။ ဗိုလ်မှူးကြီးခင်ညိုက ဗိုလ်ခင်မောင်လေးရဲ့ ညီ။ ဗိုလ်မှူးချုပ်ကျော်ဇောသာ ဦးကျော်ငြိမ်းနဲ့ မဟာမိတ်ဖွဲ့မိရင် ဗိုလ်ချုပ်နေဝင်းကို Check mate လုပ်ဖို့ ကစားကွက်လှနိုင်တာပေါ့။

ဒါပေမဲ့ ကွန်မြူနစ်၊ ဆိုရှယ်လစ် အက်ကြောင်းနဲ့ သံသယတွေကြောင့် မရခဲ့ကြဘူး။ ဝါဒရေး လွှမ်းမိုးမှုက ကြီးမားတာကိုး။

အနေဝေးကြတော့ တယောက်အကြောင်း တယောက်မသိတာလည်း ပါနိုင်ပါတယ်။ ကျနော်တို့ ညီအကို ဦးသန့် အရေးအခင်းမှာ ပါဝင်မှုနဲ့ အဖမ်းခံရတော့ ကျနော့်အဖေက ဗိုလ်ချုပ်နေဝင်းကို သားတွေအတွက် စာရေးပြောလိမ့်မယ်လို့ ဗိုလ်ချုပ်ကျော်ဇော မိသားစုက ထင်ခဲ့ကြတယ်။ တချို့နိုင်ငံရးသမားတွေကလည်း ဗိုလ်ချုပ်နေဝင်းဆီ စာရေးကြတဲ့ သာဓကတွေကလည်း ရှိကြတာကိုး။

ကျနော်တို့ရဲ့ ဖခင်ကြီးက နိုင်ငံရေး ဒူးမထောက်ခဲ့သလို ကျနော်တို့ကလည်း ထောင်ထဲမှာ အလံမလှဲခဲ့ကြဘူး။ လွတ်ရက်စေ့မှ ရင်ကော့ပြီး ထွက်ခဲ့ကြတာပါ။
ကျနော်က ဗိုလ်မှူးချုပ် ကျော်ဇောကို ၃ ပိုင်းခွဲ မြင်မိတယ်။
- (၁) လူသားထဲက လူတယောက်
- (၂) စစ်ဗိုလ်ချုပ်
- (၃) ကွန်မြူနစ်

(၁) ဗိုလ်မှူးချုပ်ကျော်ဇောဟာ ရိုးသားတဲ့ လူသားတယောက်၊ ဖြောင့်မတ်တဲ့ လူသားတယောက်၊ တိုင်းပြည်ချစ်တဲ့ မျိုးချစ်တယောက်။ လေးစားစရာပါ။
(၂) စစ်တိုက်တော်တဲ့၊ ရိုးသားတဲ့၊ ဖြောင့်မတ်တဲ့ စစ်သားတယောက်။ ချီးကျူးစရာပါ။
စစ်တိုက်တော်တဲ့ စစ်ဗိုလ်ချုပ်ကို ကျနော် သိချင်တာမို့ မေးမိတယ်။ အန်ကယ်က Strategy မဟာဗျုဟာမှာ တော်တာလား? logistic တောက်ပံ့ရေးမှာ တော်တာလား? Tactics နည်းဗျူဟာမှာ တော်တာလားလို့? ဗိုလ်မှူးချုပ်ကျော်ဇောက ရိုးရိုးကြီး ဖြေတယ်။ အားလုံးမှာ တော်တာတဲ့။ ဟန်ဆောင်တာ မရှိဘူး။ ကျနော် လက်ခံပြုံး ပြုံးမိတယ်။

(၃) ကွန်မြူနစ်တယောက်အနေနဲ့တော့ ကျနော် အရိုးသားဆုံး ဝန်ခံရရင် စိတ်မကောင်း ဖြစ်မိတယ်။
တကယ့်အတွင်းနက်နက် လေ့လာကြည့်ရင် ဗိုလ်မှူးချုပ်ကျော်ဇောနဲ့ ကွန်မြူနစ်ပါတီတို့ရဲ့ ဆက်ဆံရေးဟာ အပေါ်ယံ၊ မီဒီယာမှာ မြင်ရထာထက် ရှုပ်ထွေးပါတယ်။ ကျနော့်အမြင်အရ ပြောရရင် ဗိုလ်ချုပ်ကျော်ဇောဟာ အသုံးချခံလိုက်ရတယ်လို့ မြင်မိတယ်။

ကွန်မြူနစ်ပါတီ ဗဟိုက ဗိုလ်မှူးချုပ်ကျော်ဇောမိသားစုကို တော်ဖြောင့်မှန်ကန်စွာ မဆက်ဆံခဲ့ဘူးလို့ မြင်မိတယ်။

ဗိုလ်မှူးချုပ်ကျော်ဇောဟာ သခင်းစိုးအပြောကောင်းတာနဲ့ ကွန်မြူနစ်ဖြစ်ခဲ့ပုံရတယ်။ ဒုတိယအကြိမ် ပါတီညီလာခံမှာ ဗဟိုကော်မတီဝင် ဖြစ်နေပြီ။ သခင်စိုးက လက်နက်ကိုင် တော်လှန်ရေးသမား။ ဒါကြောင့် စစ်ဗိုလ်ဆိုရင် အလေးပေးဆက်ဆံတယ်။

ဗိုလ်မှူးချုပ်ကျော်ဇော ဘာကြောင့် တောမခိုသလဲ ?

ဗိုလ်မှူးချုပ်ကျော်ဇောက သူ တီဘီ (အဆုတ်) ရောဂါနဲ့ ဆေးကုနေရလို့ တောမခိုခဲ့ဘူးလို့ ရေးခဲ့တယ်။ သခင်တင်မြရဲ့ ဘုံဘဝမှာဖြင့် ထက်ချပ်မကွာ စာမျက်နှာ ၂၅၁ မှာ ကွန်မြူနစ်ပါတီ ပေါလစ်ဗျူရိုက တောခိုဖို့ ညွှန်ကြားတော့ လက်နက်ကိုင် တောခိုတာ မှားတယ်လို့ မြင်ပြီး ငြင်းလိုက်တယ်။ ဒါနဲ့ သူ့ကို ပါတီဝင်အဖြစ်က ထုတ်ပယ်ခဲ့တယ်လို့ ဆိုတယ်။ မိသားစုတဦးရဲ့ အဆိုအရ သခင်သန်းထွန်းကို မယုံတာကြောင့်လို့ သိရတယ်။

ကျနော် ယူနန်ရောက်မှ သိရတာက ဗိုလ်ချုပ်အောင်ဆန်းကို ကြည်ညိုစိတ်ကြောင့် သခင်သန်းထွန်းတို့အုပ်စု ဗိုလ်ချုပ်အောင်ဆန်းကို ပုဂ္ဂိုလ်ရေးတိုက်ခိုက်တာကို အမြင်မကြည်တာလို့ သိရတယ်။

ဒါကြောင့် ဗိုလ်မှူးချုပ်ကျော်ဇောဟာ ပါတီနဲ့ အဆက်အသွယ်ပြတ်နေရုံမက စိတ်နာပြီး သခင်တင်မြ မြေအောက်လှုပ်ရှားစဉ်က အတွေ့မခံခဲ့ဘူး။ ဦးကြီးမြင့်ကို ကယ်ပြီးမှ ပြန်လည်စည်းရုံးခြင်း ခံခဲ့ရတာပါ။ ထောင်ထဲမှာပဲ ပီဘီ (PB) ပေါ်လစ်ဗျုရိုဝင် ဖြစ်လာတဲ့ ဦးလှသောင်းရဲ့ ညွှန်ကြားချက်နဲ့ ထောင်ထဲမှာ စီစီ (CC) ဖြစ်လာတဲ့ ဦးကြီးမြင့်က ဗိုလ်ချုပ်ကျော်ဇော အ်ိမ်မှာနေပြီး၊ ရတဲ့ သတင်းတွေကို ပို့ခဲ့ပါတယ်တဲ့။ ဗိုလ်ချုပ်ကျော်ဇောနဲ့ ပတ်သက်တဲ့ စာရွက်စာတမ်းတွေ ဘယ်လိုမိသွားသလဲဆိုတာ သခင်တင်မြစာအုပ်မှာ ဖက်ကြည့်ကြပါ။ စိတ်ဝင်စားစရာ ကောင်းသလို၊ သင်္ခန်းစာယူစရာ ကောင်းတာတွေ တွေ့ရပါလိမ့်မယ်။

ဒီစာရွက်စာတမ်းတွေ မိတာသိလျက်နဲ့ သခင်သန်းထွန်းတို့က ဗိုလ်မှူးချုပ်ကျော်ဇောကို အသိမပေးခဲ့ဘူး။ ဗိုလ်မှူးကြီးကြည်ဝင်းက ဗိုလ်မှူးချုပ်ကျော်ဇော ရုံးခန်းအရှေ့ကဖြတ်ပြီး ဒီစာရွက်စာတမ်းတွေကို လာယူသွားခဲ့တာတဲ့။ ကြိုသိရင် IO (Intelligence-Officer) စစ်ဗိုလ်ကို ဗိုလ်မှူးချုပ်ကျော်ဇောအနေနဲ့ တားနိုင်ရင် တားနိုင်မှာပေါ့။ ဒါလည်း ကူမင်းရောက်မှ သိခဲ့ရတာပါ။
ဗိုလ်ချုပ်ကျော်ဇောဟာ သူရဲကောင်း (ဟီရိုး) မို့လို့ ကွန်မြူနစ် ဝါဒဖြန့်ချိရေးအရ Larger Than Life ပုဂ္ဂိုလ်ဖြစ်အောင် မြှင့်တင်ဖန်တီးခဲ့ပေမယ့် တကယ်တမ်း တောခိုလာတော့ ဗဟိုက အပြည့်အဝ မယုံကြည်ခဲ့ဘူးလို့ ထင်တယ်။

တောခိုကျောင်းသားဟောင်းတွေ ရေးတဲ့ ထို့ကြောင့်ဤသို့ (သံပတ်ပေးထားသော စက်ရုပ် သို့မဟုတ် ဗိုလ်မှူးချုပ် ကျော်ဇောရဲ့ စာမျက်နှာ ၅၄၃ အဆိုအရ) ဗိုလ်ချုပ်ကျော်ဇောခမျာ စစ်မြေပြင်၊ ပကတိအခြေအနေတောင် ပေးသိမခံရလို့ ဆိုထားပါတယ်။ ဗမာပြည် ကွန်မြူနစ်ပါတီ ဗဟိုကော်မတီ အခြေစိုက်ရာ ပန်ဆိုင်းကို စွန့်စွန့်စားစားသွားခဲ့ပြီး ကွန်မြူနစ်ခေါင်းဆောင်တွေနဲ့ အတူနေကာ (လ) နဲ့ချီပြီး ဆွေးနွေးခဲ့တဲ့ ဗာတဲလ်လစ်တနာ Bertil Litner ရေးတဲ့ Land of Jade, The Rise & the fall of CPB, Burma in Revolt တို့ကို ဖတ်ကြည့်ပါ။ ပါတီဗဟိုက ဗိုလ်ချုပ်ကျော်ဇောကို ထိုက်ထိုက်တန်တန် တပ်နီတော်ကြီးကို ဗိုလ်ချုပ်ကျော်ဇောလက်ထဲကို ယုံယုံကြည်ကြည် အပ်နှံပြီး ဦးစီးမှူးတာဝန် မပေးခဲ့တာကို သိရပါလိမ့်မယ်။

ဗိုလ်မှူးချုပ်ကျော်ဇော ကွန်မြူနစ်နယ်မြေကို လွတ်မြောက်လာတာဟာ ဗိုလ်ချုပ်နေဝင်းက တမင်လွှတ်ပေးလိုက်တာလို့ Bertil Litner က သူ့အမြင်ကို စာရေးသူကို ဆွေးနွေးဖူးပါတယ်။
ကွန်မြူနစ် - ပီဖီရဲ့ အမိန့်ကို ဆန့်ကျင်ပြီး ဆိုရှယ်လစ် စစ်ဗိုလ်တွေ ဦးစီးတဲ့ စစ်တပ်မှာ တဦးထဲ ကျန်ခဲ့တဲ့ ကွန်မြူနစ် ဗိုလ်ချုပ်ဟာ ဆိုရှယ်လစ်စစ်တပ်မှာ တပ်ကို ကိုင်ပြီး တိုက်ခွင့်ရသေးတယ်။
ကွန်မြူနစ်တပ်နီတော်မှာ တိုက်ခွင့် မရတော့ပါ။

ရာဇဝင်ကြီးခဲ့တဲ့ နာမည်ကျော် စစ်ဗိုလ်ချုပ်ကြီးကို ဘာကြောင့် ဦးစီးပြီး မတိုက်ခိုင်းတာလဲ?

တိုက်ပွဲအတွေ့အကြုံနုတဲ့ လူက စစ်ဦးစီးချုပ်နေရာယူပြီး စစ်ပွဲအတွေ့အကြုံ ဝါရင့်သဘာရင့် စစ်ဗိုလ်ချုပ်ကိုတော့ ဒုစစ်ဦးစီးချုပ်ဆိုပြီး သုတေသနလုပ်ခိုင်းထားပါတယ်တဲ့။

ကွန်မြူနစ်ဗဟိုကသာ အာဃာတစိတ်ကို ရှေ့တန်းမတင်ဘဲ ဗိုလ်ချုပ်ကျော်ဇောလို ပုဂ္ဂိုလ်မျိုးကို တပ်ကို ယုံယုံကြည်ကြည် ပုံအပ်ပြီး စိတ်တိုင်းကျ တိုက်ခွင့်ပေးခဲ့ရင် ဗမာပြည်ရာဇဝင် ပြောင်းနိုင်တဲ့ အခြေအနေ ရှိခဲ့တာပေါ့။

ကွန်မြူနစ်တွေရဲ့ အနောက်မြောက်က တပ်တွေနဲ့ ပဲခူးရိုးမက တပ်တွေ ချိပ်မိခဲ့ရင် …။

ကွန်မြူနစ်ပါတီအတွင်း သခင်သန်းထွန်းရဲ့ အာဃာတအမျက်ဟာ အတော်ပြင်းထန်တယ်။ အခုထိ အကျိုးသက်ရောက်လျက်ရှိတယ်လို့ ဆိုနိုင်ပါတယ်။

အမိန့်ဖီဆန်မှုနဲ့ ဗိုလ်မှူးချုပ်ကျော်ဇောကို ပါတီဝင်အဖြစ်က ထုတ်ပစ်ခဲ့တယ်။ အကျိုးဆက်က ပါတီကို အကျိုးပြုခဲ့တဲ့ ဗိုလ်မှူးချုပ်ကျော်ဇောကို ဗဟိုက မယုံလို့ တပ်ကိုင်ခွင့် မရခဲ့ရှာဘူး။
xxxxxxxx

အခုထိ ဆိုရှယ်လစ်တွေကို အခဲမကြေနိုင်ကြသေးဘူး။ ဦးကျော်ငြိမ်းကြောင့် အာဏာလက်လွတ်ခဲ့ရတယ်လို့ ခေါင်းထဲ စွဲနေကြတုန်းပဲ။ ဦးကျော်ငြိမ်းကို ပြည်တွင်းစစ် တရားခံဖြစ်အောင် ဝိုင်းတိုက်ကြတုန်း။

ကွန်မြူနစ်တွေနဲ့ ဆိုရှယ်လစ်တွေရဲ့ ပဋိပက္ခက နက်ရှိုင်းခဲ့တာကိုး။ အာဏာပြိင်ပွဲမှာ ရှုံးခဲ့သူတွေက ပိုနာကြည်းမယ်ဆိုတာကို သိပေမယ့်လည်း …။

ဗိုလ်ချုပ်နေဝင်း ၂၆ နှစ် အုပ်ချုပ်ပြီးတော့ နအဖနဲ့ ဗိုလ်ချုပ်သန်းရွှေခေတ်ပဲ အနှစ် ၂ဝ ရှိခဲ့ပြီ။ ကွန်မြူနစ် ဒေါသက မပြယ်နိုင်သေးပါလား။

ကျနော် စိတ်မကောင်း ဖြစ်မိတာက ကျနော်လေးစားတဲ့ ဗိုလ်မှူးချုပ်ကျော်ဇောမှာပါ ဒေါသကျန်နေတာကို တွေ့ရလို့ပါ။

ဗိုလ်ချုပ်ကျော်ဇောက သူရဲ့ ကိုယ်တွေ့မှတ်တမ်းမှာ ---
ဦးကျော်ငြိမ်းဟာ ဂျပန်တော်လှန်ရေးတုန်းက တိုင်း ၆ မှာ တာဝန်ကျတာကို မသွားခဲ့ဘူး၊ သူရဲဘောနည်းတယ်လို့ စွပ်စွဲခဲ့တယ်။
ကျနော် ဘာကြောင့် ပြန်ဖြေရှင်းသင့်သလဲ ?
Critical Thinking ကို လက်ခံတဲ့ လူတယောက်အနေနဲ့ ဖခင်ဖြစ်လို့ မျက်စိမှိတ် ထောက်ခံခြင်း မဖြစ်သင့်ပါ။ အချက်အလက် Facts ပေါ်မှာ အခြေခံရင် ဝေဖန်ရုံမက တိုက်ခိုက်လာရင်တောင် လက်ခံရမှာပဲ။

ကူမင်းမှာ အခြေအတင် ဆွေးနွေးကြရင်း ဒေါက်တာလှကျော်ဇောက ဆိုရှယ်လစ်တွေ သတင်းစာတိုက်တွေကို ဝင်ရိုက်တာကို ဖော်ထုတ်လာတယ်။ ကျနော်က မကာကွယ်ခဲ့ပါ။ ဒီလုပ်ရပ်ဟာ မှားတယ်ဆိုတာကို လက်ခံတယ်။ ဗိုလ်ချုပ်အကို ဦးအောင်သန်းရေးတဲ့ ၁၆ နှစ် နိုင်ငံရေးအတွေ့အကြုံ စာအုပ်မှာ ဦးကျော်ငြိမ်းကိုယ်တိုင် နောင်တရကြောင်း ဖော်ပြခဲ့တာပဲ။ ဒါက အာဏာရဲ့ ကြောက်စရာကောင်းတဲ့ သာဓက တခုပဲ။

ဒီမိုကရေစီအောက်မှာ အာဏာလွန်တော့ သတင်းစာတိုက်တွေ အရိုက်ခံရတယ်။ပစ္စည်းမဲ့ အာဏာရှင်စနစ်အောက်မှာ အာဏာလွန်တော့ ဖြုတ်-ထုတ်-သတ်တွေ ဖြစ်ကုန်ရော မဟုတ်ပါလား?

ကြုံလို့ပြောရရင် - သခင်တင်မြဟာ ဘုံဘဝမှာဖြင့် ထပ်ချပ်မကွာစာအုပ်မှာ ဦးကျော်ငြိမ်းဟာ ရက်စက်လိုက်တာလို့ ထောင်တွင်း အဖြစ်အပျက်ကို ရည်ညွှန်း - ဖော်ပြရင်းစွပ်စွဲခဲ့တယ်။
ဒါက သူ့ရဲ့ သဘောထား ထောင်တွင်းမှာ ကိုယ်တိုင် ခံစားမှုအရ ဖြစ်ပေါ်လာတဲ့ ခံစားမှု တင်ပြခံစားခွင့် ရှိတယ်လို့ မြင်မိတယ်။

တဖက်က ပြန်ကြည့်ရင် အစိုးရနဲ့ သူပုန် အပြန်အလှန် ချေမှုန်းရမယ်။ ဒါ ပကတိ (အာဏာ) ရဲ့ ဖြစ်ရပ်။ အစိုးရဖြစ်ပြီဆိုရင် ငြိမ်ဝပ်ပိပြားရေးနဲ့ လုံခြုံရေးတာဝန် ရှိလာတယ်။ စပ်တပ်ရှိရမယ်။ ပုလိပ်ရှိရမယ်။ ပြည်ထဲရေးဝန်ကြီး တာဝန်ယူရရင် ဖမ်းမိန့်ပေးရမယ်။ ဒီမိုကရေစီပေါ်ထွန်းရုံမက ဒီမိုကရေစီ အခြေတွယ်မှ (ဥပဒေ) အရ ဆိုတာတွေနဲ့ ထိန်းကွပ်နိုင်မယ်။ သူပုန်တွေ ဝိုင်းနေတဲ့ ခေတ်ဦးကာလမှာ (ဥပဒေ) နဲ့ အာဏာရှိသူတို့ကို ထိန်းကွပ်ဖို့ အခြေအနေက မပေးလှ - အသက်ရှင်ရေးက အဓိက ပိုကျလာတယ်။

ဒီမိုကရေစီခေတ်က (ထောင်) အခြေအနေ၊ မဆလခေတ်နဲ့ ယနေ့ နအဖ ခေတ် ထောင်အခြေအနေကို ယှဉ်ကြည့်ပါ၊ သုံးသပ်ကြည့်ပါ၊ သခင်တင်မြရာလို့သာ တင်ပြချင်ပါတယ်။

နဝတ-နအဖ ထောင်တွင်း ငရဲခန်းတွေအကြောင်း ကွက်ကွက်ကွင်းကွင်း ဖော်ပြပြီး သတ္တိရှိရှိ ဗိုလ်ချုပ်သန်းရွှေ ရက်စက်တယ်ဗျာလို့ ကြွေးကြော်ပေးပါဦးလို့သာ တော်လှန်ရေး ရဲဘော်ဟောင်းကြီး သခင်တင်မြကို တောင်းဆိုချင်ပါတယ်။

ဦးကျော်ငြိမ်းက ပြည်ထဲရေးဝန်ကြီးဖြစ်ဖို့ ကြိုးစားခဲ့တာ မဟုတ်ရပါ။

ဆိုရှယ်လစ် ဥက္ကဋ္ဌကြီး သခင်မြကို ဦးစားပေးခဲ့ပါတယ်။ ကွန်မြူနစ်တွေ ဆူပူမှုကို ကိုင်တွယ်ဖို့ ပြတ်သားတဲ့ အုပ်ချုပ်မှု (နိုင်) တဲ့ လူ လိုတယ်။ ဥက္ကဋ္ဌကြီးသခင်မြက သဘောကောင်းလွန်း၊ (ပျော့) တယ်လို့ ဗိုလ်ချုပ်အောင်ဆန်းက ယူဆတယ်။ ကျော်ငြိမ်း မင်းကိုင်လို့ ဗိုလ်ချုပ်က ဆိုလာတယ်။ ဦကျော်ငြိမ်းက သူ့ဥက္ကဋ္ဌကို မကျော်ချင်။ ဦကျော်ငြိမ်းရဲ့ Latin လို (Modus Operandi)၊ အင်္ဂလိပ်လို Mode of Operation လုပ်နည်းကိုင်နည်းက နောက်ကွယ်ကသာ ကြိုးဆွဲချင်တယ်။ ရှေ့ထွက်နေရာ မလိုချင်။ ဦကျော်ငြိမ်း ဇနီး ဒေါ်နွဲ့နွဲ့ရီက နိုင်ငံရေးနားလည်တယ်။ “ရှင် … ပြည်ထဲရေးဝန်ကြီးနဲ့ စထွက်ရင် နာမည်ပျက်မယ်” လို့ သတိပေးတယ်။ အစည်းအဝေးမှာ ဦးကျော်ငြိမ်းက ငြင်းလိုက်တယ်။

ဗိုလ်အောင်ကြီးက ဒေါ်နွဲ့နွဲ့ရီကို လာဆူပူအပြစ်တင်တယ်။ (မှတ်ချက် - ဒေါ်နွဲ့နွဲ့ရီ၏ ကိုယ်ရေးမှတ်တမ်းမှ)

ဒါ ပါတီက ဆုံးဖြတ်တာလို့ ဆိုတယ်။ နောက်ဆုံး ဖဆပလ အီးစီ (EC) ဆုံးဖြတ်ချက်ကို လက်ခံ လိုက်ရတယ်။ ကွန်မြူနစ်တွေ ဦးစီးတဲ့ ဆန္ဒပြပွဲ ဆန်လုပွဲမှာ အရှေ့က မိန်းမနဲ့ ကလေးတွေကို မပစ်နဲ့၊ နောက်က ကွန်မြူနစ်တွေကို ပစ်လို့ ဗြောင်ကြေညာမှ ရပ်သွားတယ်။

ထင်တဲ့အတိုင်း ပြည်ထဲရေးဝန်ကြီး အလုပ်က နာမည်ပျက်တယ်။ ဦးကျော်ငြိမ်း မသိလို့မဟုတ် တာဝန်ကို မရှောင်နိုင်။

ဗိုလ်ချုပ်အောင်ဆန်းက သတ္တိရှိတယ်။ ဦးကျော်ငြိမ်း ကိစ္စဆိုပြီး မိန့်ခွန်းပေးရင်း အစိုးရအဖွဲ့ရဲ့ ညွှန်ကြားမှုနဲ့ ဦးကျော်ငြိမ်း လုပ်ရတာလို့ တာဝန်ခံတယ်။ မရတော့ (မှတ်ချက်။ ဗိုလ်ချုပ်အောင်ဆန်း၏ မိန့်ခွန်းများစာအုပ် (မကျေနပ်ရင် ထွက်ပေးမယ်) မိန့်ခွန်း စာမျက်နှာ ၃၂၁ -၃၂၂ တွင် ကြည့်ပါ။)
ကွန်မြူနစ်တွေရဲ့ ပစ်မှတ် အဖြစ်ခံရပြီ။

အာဏာဆိုတာက ကြောက်စရာကောင်းတယ်။

တိုင်ပြည်အာဏာ မပြောနဲ့ တောထဲမှာပင် လူ လေးရာ ထောင်ဂဏန်းထဲမှာတောင် အာဏာကြောင့် အချင်းချင်း ဖြုတ်ထုတ်သတ်လုပ်ခဲ့ကြတယ် မဟုတ်ပါလော? ရဲဘော်ဋ္ဌေးခမျာ မိမိသားအရင်း လက်ချက်နဲ့ သေခဲ့ရတယ် မဟုတ်ပါလော?

ဗိုလ်မှူးချုပ်ကျော်ဇောသာ ဦးကျော်ငြိမ်းနဲ့ တိုက်ပွဲမှာ အတူရှိလို့ ကိုယ်တွေ့ အတွေ့အကြုံအရ - ဦးကျော်ငြိမ်းကို သတ္တိမရှိလို့ စွပ်စွဲလာရင် ငြင်းဆိုစရာ မရှိပါ။
အခု ဗိုလ်မှူးချုပ်ကျော်ဇောက တိုင်း ၄ ပဲခူး၊ ဦးကျော်ငြိမ်းက ရန်ကုန်မှာ။

ဦးကျော်ငြိမ်း ဘာကြောင့် တိုင်း ၆ ကို မသွားဘဲ ရန်ကုန်မှာ နေရတယ်ဆိုတဲ့ အကြောင်းတွေထဲမှာ အရေးပါတဲ့ အကြောင်းတခုက ရန်ကုန်မှာ လုပ်ဖော်ကိုင်ဖက် ဦးဘဆွေကြီး အဖမ်းခံရတယ်။ ဦးကျော်ငြိမ်းရဲ့ အားနည်းချက်က ရဲဘော်ထိရင်မရ။ ဆိုရှယ်လစ် ရဲဘော်အချင်းချင်း အသေမခံနိုင်။ အထူးသဖြင့် ဦးဗဆွေလို ရောင်းရင်းမျိုး၊ တဖက်မှာ ကွန်မြူနစ်တွေရန်က ရှိသေးတယ် မဟုတ်ပါလား? ဦးနုကို ကပ်ပြောကာ၊ ဒေါက်တာဘမော်ကို အကူအညီ တောင်းရတယ်။ ဝင်လုဖို့ ကြံစည်ရတယ်။ အဲဒီတုန်းက ဇနီးသည်က ကိုယ်ဝန် နေ့စေ့လစေ့ကြီးနဲ့။ ကိုကို သေခဲ့ရင် ကလေးတွေကို ချစ်ကြောင်း ပြောပေးပါလို့ မှာခဲ့ရှာတယ်။ သေမယ်၊ မသေမယ် မပြောနိုင်။ (မှတ်ချက်။ ဒေါ်နွဲ့နွဲ့ရီ၏ ကိုယ်တွေ့မှတ်တမ်းမှ)

ကင်ပေတိုင်ကလာအဖမ်း နောက်ပေါက်ကနေ ထွက်ပြေးခဲ့ရတယ်။ ဦးနုရဲ့ တာတေစနေသားမှာလည်း ဖော်ပြထားပါတယ်။

ထိုစဉ်က ဖြစ်ရပ်တွေမှာ ဆိုရှယ်လစ်နဲ့ ကွန်မြူနစ်တို့ တဦးကိုတဦး မယုံကြည်မှုများလည်း ပါပါတယ်။ တပ်ကိုကိုင်ထားသူက ပြိုင်ဘက်အဖွဲ့က ဖြစ်နေရင် မိမိလုံခြုံရေးကို စိတ်မချနိုင်။

ဖက်ဆစ်တော်လှန်ရေး စစ်တိုင်းတွေခွဲကြတော့ ပထမ စစ်တိုင်းမှူးတွေကို ရွေးပြီးမှ နိုင်ငံရေးမှူးတွေကို ရွေးပါတယ်။ ဦးကျော်ငြိမ်းရဲ့ ကိုယ်တွေ့မှတ်တမ်းအရ ဗိုလ်မှူးချုပ်ကျော်ဇောက ဦးကျော်ငြိမ်းကို သူ့တိုင်းလာဖို့ ဖိတ်ခေါ်တယ်။ ဦကျော်ငြိမ်းအတွေးက ဗိုလ်ချုပ်ကျော်ဇောက ကွန်မြူနစ် ဗိုလ်ရဲထွဋ်က ကွန်မြူနစ် အပြည့်အဝ မဖြစ်သေး။ ဗိုလ်ရဲထွဋ်က ပိုစိတ်ချရနိုင်တယ်တွေးလို့ ဗိုလ်ရဲထွဋ်တိုင်း သွားမယ်ဆိုပြီး ပြောခဲ့တယ်။ သခင်ချစ်က ဒါဆို ကျုပ် ဗိုလ်ကျော်ဇောဆီ သွားမယ်ဆိုပြီး အဆင်ပြေသွားကြတယ်။ (မှတ်ချက်။ ဦးကျော်ငြိမ်း၏ ကိုယ်တွေ့မှတ်တမ်းမှ)

တိုင်းတွေအတွက် စစ်ရေးတာဝန်ခံ၊ နိုင်ငံရေးတာဝန်ခံတွေ ခွဲပြီးပြီ။ တကယ်တိုက်ကြတော့ အားလုံးစီစဉ်တဲ့အတိုင်း ဖြစ်မလာ။

ဗိုလ်ချုပ်အောင်ဆန်းက တိုင်း ၁ စစ်ရေးတာဝန်ခံ၊ ကိုဗဟိန်းက တိုင်း ၁ နိုင်ငံရေး တာဝန်ခံ။

လက်တွေ့ကျတောာ့ ဗိုလ်ချုပ်ဟာ တော်လှန်ရေးတခုလုံးကို ခေါင်းဆောင်နေရလို့ ဗိုလ်မောင်မောင် (ဆိုရှယ်လစ်) ကို စစ်တိုင်းတာဝန်ယူစေတယ်။ သခင်ဗဟိန်းက တိုင်း ၁ ကို မသွားတော။့ ဦးကျော်ငြိမ်းကိုယ်တိုင် ရေးသွားတဲ့အတွက် သိခဲ့ရတာပါ။ ဒီအဖြစ်က ရာဇဝင်မှာ သိပ်မထင်ပေါ်ခဲ့။

စာပေသမားအများစုက လက်ဝဲယိမ်းတာမို့ ဖုံးဖိခဲ့ကြသလားမသိ? ကျနော် ဗိုလ်မှူးချုပ်ကျော်ဇောနဲ့ တွေ့တော့ ဒီဖြစ်ရပ်ကို မေးကြည့်တယ်။
ဒါတော့ သူ နေမကောင်းလို့ သူ့နေရပ် သူပြန်သွားတာဖြစ်မှာပေါ့လို့ ချက်ချင်း ဖြေတယ်။

ကိုကျော်ငြိမ်းက ဦးဗဆွေကြီးကို ကယ်ဖို့ ရန်ကုန်မှာ ကျန်ခဲ့တယ်။ တာဝန်ကျရာ တိုင်း ၆ ကို မသွား။ သခင်ဗဟိန်းက တိုင်း ၁ ကို မသွား။ တယောက်က သတ္တိနည်းသူတဲ့၊ တယောက်ကျတော့ ကျန်းမာရေးကြောင့်တဲ့။

ကျနော်အမြင်အရ ဗိုလ်ချုပ်ကျော်ဇောအနေဖြင့် တယောက်အကြောင်းမှ အတိအကျ မသိနိုင်ပါ။ ကိုယ့်တာဝန်နဲ့ ကိုယ် အလုပ်များနေကြသူတွေ ဖြစ်တယ်။ အန်ကယ် မသိဘူးဆိုရင် ပိုအဖြေမှန်ပါလိမ့်မယ်။

ကျနော့်အမြင်ကို ဖြည့်စွက်ရရင် ဦးကျော်ငြိမ်း ကွန်မြူနစ် စစ်ဗိုလ်တွေကို စိတ်မချသလို ကိုဗဟိန်းက ဆိုရှယ်လစ် စစ်ဗိုလ်ကို စိတ်မချ။ တဖက်နဲ့တဖက် မယုံနိုင်ကြ။ ရာဇဝင်ကို အမှန်အတိုင်း ဖြစ်စေချင်လို့ တင်ပြခြင်းသာ ဖြစ်ပါတယ်။ စောဒက တက်စရာရှိပါသေးသည်။ ဒီကနေ့ အပြင်မှာ အော်နေကြသူတွေနဲ့ အထဲမှာ လှုပ်ရှားနေကြသူတွေမှာ ဘယ်သူတွေက အန္တရာယ်ကြီးမားတယ်လို့ ထင်ပါသလဲ။ သတ္တိရှိသူလို့ ယူဆနိုင်ပါသလဲ။ ဖက်ဆစ် ဂျပန်ကြားမှာ လှုပ်ရှားရခြင်းက အန္တရာယ်မသေးပါ။

(သတ္တိ) ဆိုသည်မှာ ရင်ဆိုင်တိုက်ရတဲ့ စစ်ပွဲတွင်မှမဟုတ်၊ ထောင်ထဲမှာ ရန်သူရဲ့ အညှဉ်းဆဲခံရတော့ (သတ္တိ) ရှိမရှိ ပေါ်လာပြန်ပါတယ်။

တော်လှန်ရေးကောင်စီ အာဏာသိမ်းပြီးစကာလ နိုင်ငံရေးခေါင်းဆောင်တွေကို ဖမ်း၊ နိုင်ငံရေးပါတီတွေကို နှိမ်နင်းစဉ်၊ ထိပ်တန်း နိုင်ငံရေးခေါင်းဆောင်တွေထဲမှာ ဦးကျော်ငြိမ်းဟာ အညှဉ်းဆဲ အခံရဆုံး နိုင်ငံရေး ခေါင်းဆောင်တယောက်လို့ ဆိုနိုင်ပါတယ်။ cage လို့ ခေါ်တဲ့ လှောင်အိမ်ထဲမှာထားပြီး အညှဉ်းခံခဲ့ရပါတယ်။

အာဏာသားကတော့ ဗိုလ်မှူးကြီ်းသန်းညွန့်ပါ။ ထိုစဉ်က စစ်တပ်ထဲမှာ သန်းညွန့် ၂ ယောက် ရှိပါတယ်။ အရမ်းသန်းညွန့်နဲ့ ရှီကာဂို သန်းညွန့်။ ဦးကျော်ငြိမ်းကို နှိပ်စက်သူမှာ အရမ်းသန်းညွန့် ဖြစ်ကြောင်း မှတ်တမ်းတင်ပါရစေ။ ဦးတင်မောင်ဝင်းရဲ့ (နိုင်ငံရေးသမားနဲ့ နိုင်ငံရေး) စာအုပ်၊ စာမျက်နှာ ၃၃၁ မှ ၃၃ရ၊ ရေကြည်အိုင်မှ ဇာတ်လမ်းများတွင်လည်း တပိုင်းတစ ဖော်ပြထားပါသည်။)

ဦးကျော်ငြိမ်းရဲ့ သွေးစွန်းနေတဲ့ ကော်လာပြတ် အဖြူရောင် ရှပ်အင်္ကျီကို ယနေ့ထက်တိုင် အမှတ်တရ သိမ်းထားပါတယ်။ ဒါ ကျနော်တို့ မိသားစုအတွက် မမေ့ပျောက်နိုင်တဲ့ သက်သေတခုပါ။

ကျနော်သိသမျှ တင်ပြရပါရင် ဦးကျော်ငြိမ်းနဲ့အတူ ဗိုလ်လကျာ်၊ ဗိုလ်စင်္ကြာ၊ ဗိုလ်မှူးထွန်းတင်နဲ့ UMP တပ်မှူးဟောင်းတွေ၊ အောင်ပင်လယ်ဦးသိန်းဖေ အစရှိတဲ့ စစ်အာဏာရှင် ဆန့်ကျင်ကြသူတွေက စစ်အာဏာရှင် ပြုတ်ကျရေးကို စဉ်းစားခဲ့ကြပါတယ်။

စစ်တပ်က နောင်မလုပ်ရဲအောင် ကျနော့်အဖေကို ရှေ့တန်းတင်ကာ Show Trial လုပ်ပြီး အပြစ်ပေးဖို့ အစီအစဉ် လုပ်လာပါတယ်။ (မှတ်ချက်။ ဗိုလ်ကြီးအုန်းကျော်မြင့်ကို စတေးခဲ့သည့်အတွက် ယနေ့အထိ စစ်တပ်တွင် တန်ပြန်အာဏာသိမ်းမှု မပေါ်ပေါက်တော့ပါ။ ဦးနေဝင်း၏ တွေးနည်းနှင့် လုပ်ကွက်ကို ချင့်ချိန်အောင် တင်ပြခြင်းပါ။)

ဦးကျော်ငြိမ်းအမှုကြီးတာကတော့ တကယ် မှန်ပါတယ်။ ဦးဝင်းကို အပြည့်အစုံ ထုတ်မပြောခဲ့တာက လေးစားမှုကြောင့် အမှုမပတ်သက်စေချင်လို့ပါ။ ဗိုလ်စင်္ကြာ ဝင်တည်းသွားတဲ့အမှုနဲ့ ဗိုလ်မှူးကြီးတင်မောင် (မြတ်ထန်) အဖမ်းခံရပါတယ်။

ကျနော်က အဲဒီတုန်းက ၈ တန်းကျောင်းသား။ အဖေက နောက်ဆုံးကောင်းမှု လုပ်ဖို့ စိတ်ဖြစ်လို့ ထင်ပါတယ်၊ သားတွေကို ရှင်ပြုလိုက်ပါတယ်။ အမေက သာသနာ့ရိပ်သာမှာ ကျနော်တို့ ညီအကိုတွေကို သင်္ကန်းစီးပေးခဲ့ပါတယ်။

ကျနော့်ဖခင်ကြီးခမျာ နောက်ဆုံး သတ်သေဖို့ ကြိုးစားခဲ့ရာ ဗိုလ်ချုပ်နေဝင်း ချက်ချင်း ရောက်လာပြီး ကြမ်းပြင်ပေါ်မှာ ခွေခွေလေး ပုံလျက်လဲနေတဲ့ ကျနော့်အဖေကို တွေ့သွားရာ စိတ်လည်ပြီး အစီအစဉ်အားလုံးကို ဖျက်မိန့်ပေးလိုက်တယ်လို့ သိရပါတယ်။

တချိန်က ဖဆပလ အဖွဲ့ကြီးမှာ အပြိုင်ဖြစ်ခဲ့ကြလို့ ရန်ဆောင်ခဲ့ကြတဲ့ ဦးတင်မောင်ဝင်းရဲ့ ဖခင်ကြီး ဦးဝင်းနဲ့ ဦးကျာ်ငြိ်မ်းတို့ ထောင်ထဲမှာ ယုံကြည်မှုအပေါ် ရပ်ခဲ့ကြတဲ့ နိုင်ငံရေးသမားအချင်းချင်း ပြန်လည်သင့်မြတ် အပြန်အလှန် လေးစားခဲ့ကြတယ်။

“ဒီကနေ့ နိုင်ငံရေးသမားတွေတွေထဲမှာ ဘယ်သူ့ကို မင်း အလေးစားဆုံးလဲ” လို့ မေးလာရင် “ဦးကျော်ငြိမ်းတယောက် ထိပ်ဆုံးက ပါသည်” လို့ ဖြေပါမယ်လို့ ဦးတင်မောင်ဝင်းက ရေးသွားခဲ့ပါတယ်။

နိုင်ငံရေးသမားတွေ လောကမှာ အတိအကျ မသိကြပေမယ့်လည်း အနည်းနဲ့ အများ ဦးကျော်ငြိမ်း အနှိပ်စက်ခံခဲ့ရတာကို သိကြပါတယ်။ ကွန်မြူနစ်တွေအကြားတော့ မသိပါ? မသိတာလား? မသိချင်တာလား? ဆိုတာကို ခွဲခြားဖို့ ခက်ပါတယ်။

ဗိုလ်မှူးချုပ်ကျော်ဇောနဲ့ ကွန်မြူနစ်တွေသာ သံသယနဲ့ အမြင်စောင်းကြတယ်လို့ မဆိုနိုင်ပါ။ ဆိုရှယ်လစ်တွေမှာလည်း အပြစ်မကင်းလို့ ဆိုနိုင်ပါတယ်။ ရန်ကုန်ဗဆွေနဲ့ ဗိုလ်မှူးချုပ် မောင်မောင်တို့ရဲ့ ရေးသားချက်တွေမှာလည်း ကွန်မြူနစ်တွေကို အထင်သေးတာတွေ ရှိပါတယ်။

ဂျပန်တော်လှန်ရေး မစခင်ပင် သခင်သန်းထွန်းနဲ့ ကွန်မြူနစ်တွေ ဂျပန်ရန်က ကင်းလွတ်ဖို့ ရန်ကုန်ကနေ ရှောင်ပြေးကြပြီလို့ ဦးကျော်ငြိမ်းကိုယ်တိုင် သံသယနဲ့ ရေးခဲ့ဖူးပါတယ်။

အမှန်က တော်လှန်ရေးကို ဘယ်ပါတီကမှ (မပိုင်) ပါ။

ပုဂ္ဂိုလ်တဦးတယောက်ထဲကလည်း (မပိုင်) ပါ။

တိုင်းပြည်နဲ့ လူမျိုးကို ချစ်စိတ်နဲ့ အရဲစွန့်၊ အသက်စွန့်ကာ တော်လှန်ရေးကြီးမှာ ကိုယ်နိုင်တဲ့ အခန်းကဏ္ဍ ကနေ ဝင်ပါခဲ့ကြတာပါ။

လွတ်လပ်ရေးကာလ ရာဇဝင်ကို ရေးကြရာမှာ စာရေးသူအများစုက ကိုယ်ပါခဲ့တဲ့ အခန်းကဏ္ဍနဲ့ သိဖူး ကြားဖူးတာလေးတွေပဲ ရေးကြတာပါ။ အပိုင်းအစတွေသာ ဖြစ်ကြပါတယ်။

ရာဇဝင် သုတေသီတွေကမှ စာအုပ်စာတမ်း မြောက်မြားစွာကို ဖတ်ရှုလေ့လာပြီး ဘက်လိုက်မှုမပါဘဲ (Professional ဖြစ်ခဲ့ရင်) မှတ်တမ်းအတွက် တင်ပြကြရပါတယ်။

ကျနော်ဟာ အဖေ့အကြောင်းကို ရေးနိုင်ဖို့ စာအုပ်စာတမ်း မြောက်မြားစွာကို ရှာဖွေဖတ်ရှုရုံမက အချိန်ပေး သုတေသန ပြုခဲ့ရပါတယ်။ အဖေတို့ခေတ်က လူကြီးတွေ ပြန်ပြောကြတာတွေ၊ ဆွေးနွေးကြတာတွေ ကတဆင့် သိခဲ့ရတာတွေ ရှိခဲ့ပါတယ်။ အများကို မထုတ်ဖြစ်တဲ့ စာတမ်းတွေ (Unpublished documents) ကို ကျနော် စုဆောင်းထားပါတယ်။

လူငယ်တွေကိုလည်း ဘက်စုံအမြင်ကို ယူပြီးမှ Full-Context အနေနဲ့ ကြည့်စေချင်ပါတယ်။

အမှန်က ရဲဘော်သုံးကျိပ်ကို တာဝန်ယူ လွှတ်သူများမှာ ယူဂျီလို့ခေါ်တဲ့ မြေအောက် တော်လှန်ရေးသမား ဖြစ်ပါတယ်။ တကသ ကောလိပ်ကျောင်းသားတွေနဲ့ သခင်မြရဲ့ တို့ဗမာ အစည်းအရုံးဝင်တွေ ဖြစ်ကြတယ်။ ဗိုလ်ချုပ်အောင်ဆန်း၊ ဗိုလ်လက်ျာ၊ ဗိုလ်ဇေယျ၊ ကိုဗဆွေ၊ ကိုကျော်ငြိမ်း၊ ကိုဗဟိန်း၊ သခင်ချစ်တို့ ပါဝင်ခဲ့ကြတယ်၊ ပြည်သူ့ အရေးတော်ပုံ ပါတီလို့ ခေါ်ကြတယ်။

ဗိုလ်ချုပ်အောင်ဆန်းက အမြော်အမြင်ကြီးတယ်။ ဂျပန်အတွက် လူလွှတ်တော့ အဖွဲ့စုံအောင်ပါဖို့ သတိပေးတယ်။ ဒေါက်တာဘမော် အဖွဲ့ကိုတောင် လျှို့ဝှက် အစည်းအဝေးကို ဖိတ်ပါတယ်။ အကြောင်း အမျိုးမျိုးကြောင့် ဦးကျော်ငြိမ်းနဲ့ သခင်ချစ်တို့ ရန်ကုန်မှာ ခေါင်းဆောင်အဖြစ် ကျန်ခဲ့ကြတယ်။ သခင်ချစ်ဟာ ကွန်မြူနစ်ပါတီမှာ ယူဂျီ ဘိုးအေဖြစ်လာပါတယ်။ သတ္တိမရှိဘဲ၊ဲအသက်မစွန့်ရဲဘဲ ယူဂျီခေါင်းဆောင် မဖြစ်နိုင်ပါ။ ဗိုလ်မှူးချုပ်ကျော်ဇောရဲ့ သားမက် - ၈၈၈၈ အပြီး အဖမ်းခံရတဲ့ ကွန်ုမြူနစ်ပါတီ် (အထက်ဗမာပြည်) ယူဂျီခေါင်းဆောင် ဦးသက်ခိုင် တယောက်ကိုသာ မေးကြည့်ကြပါ။

အသက်ပေး လုပ်ခဲ့ရတဲ့ ရောင်းရင်းတွေဖြစ်လို့ ဦးကျော်ငြိမ်းဟာ သခင်ချစ်ကို သံယောဇဉ်ကြီးရှာတယ်။ အမေကလည်း သခင်ချစ် မိန်းမကို ခင်ရှာတယ်။ မမေ့နိုင်ကြ။ သခင်စိုး၊ သခင်သန်းထွန်းတို့က ဂျပန်နဲ့ ပေါင်းရမှာကို လက်မခံခဲ့ကြ။ ဒါ့ပြင် သူတို့က သခင်နုနဲ့အတူ ထောင်ထဲမှာ ယူဂျီသမားတွေစွန့်ပြီး မြေအောက် တော်လှန်ရေး လုပ်ခဲ့ကြလို့ ရဲဘော်သုံးကျိပ် ဂျပန်ရောက်ခဲ့ကြပါတယ်။

ရဲဘော်သုံးကျိပ်ကြောင့် တော်လှန်ရေးကြီး အစရလို့ အရှိန်ကောင်းခဲ့တယ်။ သခင်သိန်းဖေ အိန္ဒိယပြည်ကို စွန့်သွားခဲ့လို့ Force 136 နဲ့ ချိပ်မိခဲ့တယ်။ ကွန်မြူနစ်၊ စစ်တပ်၊ ပြည်သူ့အရေးတော်ပုံပါတီ စုမိလို့ ဖဆပလ ပေါက်ဖွားခဲ့ပါတယ်။ ဗိုလ်ချုပ်အောင်ဆန်းကြောင့်လည်း အားလုံး စုမိကြပါတယ်။ အားလုံး …. အားလုံး ….. အချိပ်အဆက်တွေ ဖြစ်ကြပါတယ်။ လူမသိ သူမသိ ပေးစပ်ခဲ့သူုတွေက အနန္တ။ လူသိ သူတချို့သာ ကျော်ကြားခဲ့ကြပါတယ်။

အစက်တစက်ထဲကို ကွက်မကြည့်နိုင်ပါ၊ မကြည့်သင့်ပါ၊ အစက်အားလုံးကို ဆက်ကာ …. ဆက်ကာ …. ကြည့်ရပါမယ်။

ဒီလို ခြုံကြည့်တတ်ရင် သူတော်တယ်၊ ငါတော်တယ်၊ ငါ့ပါတီက ဦးဆောင်ခဲ့တယ်၊ သူ့ပါတီက ဦးဆောင်ခဲ့တယ်လို့ မဏ္ဌပ်တိုင် တက်ပြနေစရာ မလိုတော့ပါ။ တော်လှန်ရေးဆိုတာက တယောက် အားနဲ့ ယူလို့ မရပါ။ အများအားနဲ့ ယူမှ ရနိုင်ပါတယ်။

ရှစ်လေးလုံး အရေးတော်ကြီး မဖြစ်ခင် နှစ်များမှာ ကွန်မြူနစ်ပါတီက ပြည်တွင်းရှိ နိုင်ငံရေးသမားကြီးတွေကို ဆက်သွယ်ခဲ့ပါတယ်။ ဘယ်သူတွေ ဘယ်နှစ်ယောက် သတ္တိရှိရှိ ပြန်ကြားခဲ့တယ်ဆိုတာကို ထုတ်ဖော် စေချင်ပါတယ်။ ဦးကျော်ငြိမ်းရဲ့ ပြန်စာကိုဖတ်ပြီး သခင်ဗသိန်းတင် မျက်ရည်လည်သွားတယ်လို့ သိရပါတယ်။

ကျနော်တို့ မြန်မာနိုင်ငံသားတွေမှာ မှားယွင်းတဲ့ အယူအဆ ရှိတယ်လို့ မြင်မိပါတယ်။ သူရဲကောင်း ကိုးကွယ်တဲ့ ဝါဒ အကျင့် ဖြစ်ပါတယ်။ မိမိ အထင်ကြီးသူကိုသော်၎င်း၊ ကိုးကွယ်သူကိုသော်၎င်း အပြစ်မမြင်ကြတော့၊ ပြန်မမေးရဲ ပြိုင်မဆွေးနွေးရဲကြ။ သူရဲကောင်းဆိုသူတွေမှာ ဘုရားရဟန္တာ မဟုတ်ကြပါ။ ပါတီစုံ ဒီမိုကရေစီကို တကယ်ယုံပါရင်၊ Critical-Thinking တကယ်ရှိပါရင် မိမိတို့ ခေါင်းဆောင်တွေကို မေးခွန်းထုတ်ရဲရပါမယ်။

ကျနော့်အမြင်အရ မြန်မာပြည်ကို ဖျက်ဆီးခဲ့တာက ဦးနေဝင်းရဲ့ စစ်အာဏာရှင်စနစ်ဆိုးကြီးနဲ့ စစ်ဗိုလ် ချည်းသက်သက် မဟုတ်ရပါ။

မဆလကို ကျောထောက်နောက်ခံအားပေးခဲ့ကြတဲ့ ကွန်မြူနစ်တွေလည်း ပါကြပါတယ်။ ၎င်းတို့ ထောက်ခံကြရာမှာ ဦးနေဝင်းက ပါတီစုံ ဒီမိုကရေစီအစား ဗဟိုဦးစီးစနစ်ကို ရွေးချယ်ခဲ့လို့ ဖြစ်ပါတယ်။ Marx ဝါဒ Marxism ကို လက်ခံသောကြောင့် ဖြစ်ပါတယ်။

ဒီကနေ့ လူငယ်တွေကို သတိရှိစေချင်ပါတယ်။

ကျနော် ဗိုလ်မှူးချုပ်ကျော်ဇောကို လေးစားမှု လျှော့မသွားပါ။ ဗိုလ်မှူးချုပ်ကျော်ဇောကို သိစေချင်ပါတယ်။ ဗိုလ်ချုပ်ကျော်ဇောသာမက ဒေါက်တာလှကျော်ဇောနဲ့ ဦးအောင်ကျော်ဇောတို့ကိုလည်း လေးစား ခင်မင်မိပါတယ်။ ဗိုလ်မှူးချုပ်ကျော်ဇောနဲ့ မိသားစုအနေနဲ့ ကျနော့်အမြင်နဲ့ တင်ပြချက်ကို နားလည် စေချင်တယ်။

ကွန်မြူနစ်၊ ဆိုရှယ်လစ်ရယ်မဟုတ် လွတ်လပ်ရေးအတွက် တိုင်းပြည်ကိုချစ်လို့ အသက်ပေး တိုက်ခဲ့ကြ သူချည်းတွေပဲ ဖြစ်ခဲ့ကြပါတယ်။ ကိုယ်သာတယ်၊ သူသာတယ်လို့ မမြင်ပါ။ ယုံကြည်မှု၊ ပုဂ္ဂိုလ်နဲ့ တာဝန်ကို ခွဲခြားမြင်စေလိုပါတယ်။

နောက်ခေတ် လူငယ်တွေ ပိုနားလည်လို့ ညီညွတ်စေလိုတာက စာရေးသူရဲ့ စေတနာပါ။

အားလုံး ကိုယ်စိတ်နှစ်ဖြာ ကျမ်းမာချမ်းသာကြပါစေ။

Sunday, December 6, 2009

နှင်းဆီရောင် တော်လှန်ရေး ရုပ်ပုံလွှာ {၂}



ဆောင်းပါး သရုပ်ဖေါ် © သိန်းလှိုင် ( လှိုင်းဘွဲ့ )

ရဲဘော် ဇော်ဝင်းလှိုင် ကတော့ တော်လှန်ရေးတာဝန် ကျေသွား ခဲ့ချေပြီ ။ တာဝန်မကျေ သေးတဲ့ ကျနော်တို့ စစ်ကြောင်း ကတော့ မုနော်လေး တောင်ကုန်းမှာ

တိုက်ပွဲတွေ ဖြစ်လို့ ကောင်းတုန်း။ ကျနော်တို့ စစ်ကြောင်း ၊ မဟာမိတ် စစ်ကြောင်းများ တဖြည်းဖြည်း ဆုတ်ပစ် ပစ်ပြီး မုနော်လေး တောင်ကုန်းကို အဆုံး ခံလိုက်ရသည်။

တချို့အဖွဲ့က ဆုတ်၍ မရသေး။ ရန်သူက ပစ်လေတက်လေ ဖြစ်နေ၍ ဖြစ်သည်။ ကျနော်တို့ စစ်ကြောင်းသည် - ရာထာ - (သံလွင်ကမ်း-ဘေး) နှင့် တဆက်တည်း သစ်ဆွဲရန် ဖောက်လုပ် ထားသော မြေညီ ကားလမ်းတွင် ခေတ္တအနားယူ ကြသည်။ ကားလမ်းအတိုင်း ညနေ လေးနာရီတွင် စစ်ကြောင်း ချီတက်ရသည်။ မည်သည့်နေရာကို ချီတက်နေမှန်း မသိပါ။ စစ်ကြောင်းမချီမှီ ရဲဘော်အားလုံးအား ရိက္ခာခြောက်များ ဝေပေးသည်ကို ရိက္ခာခြောက်မှန်း မသိ ။ ငွေရောင်စက္ကူဖြင့် သေသေသပ်သပ် ထုတ်ထားသော ထိုရိက္ခာခြောက်ကို ဖြည်၍ စားသည်။ ငတ်နေ၍လား မသိ စား၍ အလွန်မြိန်လှ၏။ ရိက္ခာခြောက် စားပြီးသည်နှင့် နောက်က ရေလိုက်ဖြည့်၍ မျှောမှ ဗိုက်ထဲ ရောက်သွားတော့သည်။ ဗိုက်ထဲသို့ ရေနှင့်အတူ ရောက်သွားသော အခါ ဗိုက်ပွ၍ ဗိုက်ဝသလို ခံစားရသည်။

စစ်ကြောင်း ချီတက်ရာတွင် မိမိ၏အရှေ့၊ အနောက် သတိအမြဲ သတိပြုရသည်။ ပွိုင့်မှရှေ့တွင် ထူးခြားမှုရှိလျှင် နောက်သို့ ချက်ချင်း သတင်း တဆင့်ပြီးတဆင့် ပို့ရသည်။ ကျနော်တို့ စခန်းချရမည့် နေရာသို့ မှောင်ရီပြိုးစ အချိန်တွင် ရောက်သည်။ တောင်ခြေမှ လှန်တက်ရသော - သံခမောက်-ကုန်းကြီးပေါ်သို့ လေးဆယ့်ငါးမိနစ်ခန့် တက်ရသည်။ အီကွစ်မန့် ခါးပတ်က ခါးတွင်ကြပ်၍ တောင်တက်လျှင် ပေါင်ရင်းကို ထောက်မိသည်။ ထို့ကြောင့် ခြေထောက်များမှာ ပူ၍ နားရွက်များတွင် လေများပင် ထွက်ကုန်၏။ သံခမောက် ကုန်းပေါ်ရောက်မှ ကျောပိုးအိတ်ကို ပစ်ချပြီး အမောဖြေ ရသည်။ ထိုည အင်တိုင်းပင်များမှ အင် အရွက်စိမ်းများ ခူးပြီး ကျောတနေရာစာ အတွက် ခင်းကျင်းရသည်။ စစ်ကြောင်းမှူးမှ မီးမမွှေးရန်၊ သစ်ပင် မခုတ်ရန်၊ စကားကျယ်ကျယ် မပြောရန် ကြိုတင်စည်းကမ်း ထုတ်ထားသည်။ မကြာလိုက်ပါ။ ရန်သူ့စခန်းမှ မီးရောင်တွေ့ ရသည်ကို ပြသသောကြောင့် ရန်သူနှင့်မိမိတို့ စခန်းချသည့်နေရာ အနီးကလေး ပါလားဟု အစက မထင်ထားသော အတွေးကို သတိချပ်ရန် မိမိစိတ်ထဲ ပိုမို အသိချပ်မိသည်။

သံခမောက် ကုန်းပေါ်တွင် မဟာမိတ် တပ်မှူးအချို့နှင့် ကျနော်တို့ တပ်မှူးအချို့တို့ အစည်းအဝေး ခေတ္တပြုလုပ်ပြီး မကြာမီ တပ်စိတ်များ ခွဲ၍ တာဝန်ကိုယ်စီနှင့် ထွက်ခွာ သွားကြရသည်။ ကျနော်တို့ နှင့် ရဲဘော်ဆန်းလင်းမှာ လက်နက်ကြီး လုံခြုံရေးအတွက် ကျန်ရစ်ခဲ့ကြသည်။ ကတုတ်ကျင်းများ ကိုယ်စီတူးကြသည်။ မနက် မိုးမလင်းခင် အရုဏ်တက် ငါးနာရီလောက်ရှိမည်။ ကျနော်တို့ နရာယူထားသည့် နေရာ အရှေ့တည့်တည့်မှ သေနတ်သံ စတင်ကြားရသည်။ ချက်ချင်း အီကွစ်မန့်ပတ်၍ ကိုယ့်ကျင်းထဲ ပြေးဝင်ပြီး ရန်သူကို သေနတ်ချိန်၍ စောင့်ကြည့်နေမိသည်။ တပ်ရင်းမှူးမှ ရဲဘော်အားလုံးကို အဆင်သင့် ရှိထားကြရန် မှာကြားနေသည်။ ရှေ့၌ တိုက်ပွဲဖြစ်နေသည့် အဖွဲ့မှာ ကျနော်တို့တပ်မှ တပ်စိတ်ရဲဘော်များ၊ မဟာမိတ် ရဲဘော်များ ပူးတွဲနေရာယူထား ကြသည့်နေရာတွင် ဖြစ်သည်ဆိုတော့ စိတ်တော့ ပူပန်မိသား။

တိုက်ပွဲမှာ အကြီးအကျယ် ပစ်ခတ်သံများ၊ ဟိုဘက် သည်ဘက် ဆူပူဆဲရေး တိုင်းထွာသံများ လွှမ်း၍နေသည်။ တချက်တချက် ရန်သူဘက်မှ ပစ်လိုက်သော ကာဘိုင် ကျည်ကွဲသည်ကျနော်တို့ နေရာယူထားသည့် ဘက်သို့ ရောက်လာတတ်သည်။ ထိုအခါ ကျနော့် စိတ်ထဲမယ် ရန်သူက ကျနော်တို့အနီး ကပ်လာပြီ အထင်နှင့် သတိဝိရိယ အတန်တန် ထားနေသလို ဇောကပ်နေသည်၊ မကြာခင် ကျနော်၏ ကတုတ်ကျင်းဘေးတွင် စက်ဖွင့်၍ နားထောင်နေသော တပ်ရင်းမှူး ရဲဘော်ဆန်းလင်းထံ သတင်းထူး တခုကြားရသည်။

( ဆီးကျိုလောကွားကြား )၂ - ( ကြားရင် အကြောင်းပြန် …… ဒါပဲ )
( ကြားတယ် - ဘာရှိမလဲ-ဒါပဲ )
( ဒေါင်းတကောင် ခွေးကိုက် ခံရတယ်။ ဟန်းကော တလုံး ပေးပါ )

ရဲဘော်ကျော်စိုး - ခင်ဗျားရှေ့ ကိုသွားပြီး အင်အားဖြည့်ဖို့ ပြင်ဆင်ပါ။ တပ်ရင်းမှူးမှ စေလွှတ်သည့် ရဲဘော်သည် ချက်ချင်း အေအာရ်(၁၆)ကို ကျည်ထိုးပြီး၍ ချိန်ရွယ်ပြီး ကုန်းကုန်းနှင့် ပြေးတက် သွားတာ တွေ့ရသည်။ ကျည်ထိ သွားသူသည် မည်သူ ဖြစ်သနည်း ဆိုသည်ကို အတိအကျ မသိရသေး။ တပ်ရင်းမှူး၏ မျက်နှာမှာ စိုးရိမ်ပူပန်နေသည့် လက္ခဏာ၊ စိတ်က မသိမသာ လှုပ်ရှားနေမှန်း သူ့ရဲဘော်တွေ မသိအောင် ထိမ်းသိမ်းနေပုံက သိသာနေသည်။ မကြာပါ။ ကျည်ထိသွားသည့် ရဲဘော်ကို ထမ်းထုတ်လာသည့် ရဲဘော်တယောက်။ ကျနော်တို့ နေရာ ရောက်သည်နှင့် ကျည်ထိထားသည့် ရဲဘော်ကို သိလိုဇောနှင့် လှမ်းကြည့်လိုက်မိသည်။

အလို ….! ရဲဘော် မြင့်သိန်း ပါလား။ ဒီ ရဲဘော်နှင့် ဒီမနက်ခင်းကပင် ထမင်းအတူတူ စားခဲ့ကြသေးသည်။ ဟင်းက ဟန်းကောထဲတွင် ချက်ပြီးသား ခွေးသား ဟင်းကို ကျနော့်အား စားစေခဲ့သည်။ အစ်ကိုက မကြာခင် နောက်တန်း ပြန်ရတော့မယ်လို့ ပြောတယ်။ အစ်ကိုက မပြန်ချင်သေးဘူး၊ မပြန်ခင် တိုက်ပွဲတပွဲလောက်တော့ တိုက်သွားပါရစေလို့ ခွင့်တောင်းထားတယ်။ အတော်ပဲ ဒီနေ့မှ တိုက်ပွဲက ဖြစ်တယ်။ အေကေ စက်လတ်ကို လွယ်ထားသည့် ထိုရဲဘော်။ မျက်စေ့ထဲက မထွက်ပါ။ သူက တိုက်ပွဲဖြစ်သည့် နေရာသို့ သွားကာနီး ကျနော့အား နှုတ်ဆက် သွားသေးသည်။ ခုတော့ - အခုမြင်ပြီး အခုပျောက် သွားခဲ့ရတဲ့ ထိုရဲဘော်ကို ကြည့်ပြီး တိုက်ပွဲဆိုတာ ကိုယ်ပဲအနိုင် အမြဲရနေတာ မဟုတ်၊ ကိုယ်က ခံရတဲ့ အလှည့်ရှိပါသေးလား ဆိုသည့် ပေါ်ပေါက်လာသည့် စိတ်က အံကိုကြိတ်၊ ကိုင်ထားသည့် အေကေသေနတ်ကို ခပ်ကျစ်ကျစ် ဆုတ်ကိုင်ရင်း သူ့အလောင်းပေါ်က မိုး၍ ငုံ့ကြည့်နေမိသည်။ ဘေးမှ ရဲဘော်ကြီးတွေ တိတ်တဆိတ် ကြေကွဲနေသူက ကြေကွဲနေလေပြီ။ ထိမ်းချုပ် ထားနိုင်စွမ်း မရှိတော့တဲ့ ရဲဘော်တယောက်က - ဟေ့ကောင်ကြီး မင်းငါတို့ကို ပြစ်သွားပြီလား … ကွ၊ မင်းရဲ့ သားလေးကို စစ်နိုင်လို့ နာမည်ပေးဆို။ ဆိုးလိုက်တဲ့ မင်းအဖြစ်၊ အိုရဲဘော်တွေ အားလုံး တသိမ့်သိမ့် ဖြစ်ကြရသည်၊ တိုက်ပွဲကား နေ့လည်(၁၂)နာရီ အထိ ဖြစ်နေသည်။ ရန်သူမှ၎င်းတို့  ထိုး၍မရတော့သည့် အဆုံး နောက်ပြန်ခေါက် သွားသည်။

ထိုတိုက်ပွဲတွင် ရန်သူမှာ အတုံးအရုန်း ကျဆုံးသည်။ ၄င်းတို့ ဆုတ်ခွာသွားသည့် လမ်းကြောင်းကို ပစ်ရှင်း ရှင်းသည့်အဖွဲ့မှ တက်၍ ဒါဏ်ရာရသော ရန်သူ တပ်သားများကို သွေးသံ တရဲရဲနှင့် ဆွဲထုတ်သွားသည့် လမ်းကြောင်းမှာ နွားတွေ စွတ်ကြောင်း ဆွဲထားသည့် လမ်းကြောင်းအလား ဖြစ်နေသည်။ ထိုတည ကျနော်နှင့်အတူ ထမင်းလက်ဆုံ စားပြီး တိုက်ပွဲဝင်ရင်း ကျဆုံးသွားသည့် ရဲဘော်ကြီး အကြောင်းတွေးရင်း ညာသိုလ်ဆေးလိပ် (ပွတ်ချွန်း) ကို ဖိဖွာနေမိသည်။ ထိုစဉ် အနီးအနား ပတ်ဝန်းကျင် တခုလုံး စိတ်ချမ်းမြေ့စရာ စိုးစဉ်းမျှကို မရှိချေ။

မြူခိုးတွေက ပိန်းပိတ်ပြီး တောင်ခိုးတွေ ဝေနေသည်။ ရဲဘော်တွေ အတွေးမှလဲ ကျဆုံးသူတွေ အတွက် အလွမ်း မျက်ရည်တွေ ဝေသီနေမည်၊ တောတောင်ထဲတွင် တခါတခါ ငှက်အော်မြည်သံ မှတပါး အခြား အသံမကြား ရတော့။ သရဲ၊ ဘီလူးစီးသလို ဝုန်းဒိုင်းကျဲခဲ့သည့် နေရာတခု။ ခုတော့ သူမဟုတ်သလိုပင်။ မာယာပရိယယ် ကြွယ်ဝစွာနှင့် တိတ်ဆိတ် ငြိမ်သက်နေ သလို၊ သေနတ်ကလေးကို ရင်ခွင်မှာပိုက်ပြီး အတွေးတွေက တောင်စဉ်ရေမရ ဟိုရောက်ဒီရောက် အိမ်လဲ ပြန်ရောက်မိသည်။ ဒီပုံနှင့် သူ့သား သူပုန်လူတတ်ကြီးကို တွေ့လိုက်ရင် ဘယ်လိုများ ဖြစ်သွားမလဲ အမေရယ် ဟု ခပ်ဝေးဝေးက ကြယ်တွေကို ရေတွက်ယင်း စဉ်းစား မိနေသေးသည်။

တိုက်ပွဲတွေကြားထဲ လှုပ်ရှား သွားလာကြရင်းနှင့် စစ်ပွဲတွေ၏ အလေ့အထ၊ အမူအကျင့်၊ အအိပ်၊ အစားတွေက စစ်ပွဲတပွဲ ပြီးတိုင်း တိုက်ပွဲတပွဲ၏ ဖြစ်စဉ်တွေကို တကိုယ်စာ အိပ်၍ရသော စစ်ပုခက်ကလေးထဲ ယိမ်းထိုးပြီး အတွေး စိတ်ကူးတွေထဲမှ ရုပ်ရှင်ဇါတ်ကား တကား ပြန်ကြည့်နေရသလိုမျိုး ဆန့်ထုတ် မြင်ယောင်နေမိသည်။ လက်တွေ့ဆန်သည့် ဖြစ်ရပ်မို့ ပရုတ်ဆီနှင့် ကု၍မရသည့် ဒါဏ်ရာရသူတွေ၊ သေကြေ ပျက်စီးကြသူတွေဟာ ဇါတ်ညွှန်း ပြုလုပ်ဖန်တီးထား ယူထားရတဲ့ ရုပ်ရှင်ဇာတ်ကောင်တွေ မဟုတ်ခဲ့ပါလားလို့ နက်ရှိုင်းစွာ ခံစားတွေး နေမိသည်။

ဆရာကြီး ညောင်းညာ ကိုက်ခဲနေသလား၊ ကျနော် နှိပ်ပေးမယ်လေ၊ အားမနာနဲ့နော်။ ကျနော့် အိပ်ရာဘေးမှ ခပ်ယို့ယို့လေး ရပ်ပြီး သူ၏ဖြစ်လာမည့် ကံကြမ္မာကို မရိပ်မိလေဟန်၊ အမှတ်ထင်ထင် ရှိနေမိသည်။ သူကြုံတွေ့ရမည့် နိမိတ်ရိုင်းတွေက သူ့ဘဝ နေမဝင်သွားမီ သူခန္ဓာမှာ လှလှပပ ရေးဆွဲထားသော ကျားရုပ်ကြီးမှာ ဟန်ပါမာန်ပါနှင့် ခုန်အုပ်နေ သည့်ပုံကြောင့် သူ့ကို သေချာစွာ မှတ်မိနေမိသည်။ စစ်ကြောင်း ခေတ္တနားခိုက် သူတို့ အုပ်စုအတွင်း တိုးတိုးတိတ်တိတ် ပြဿနာ တက်နေ၏။ ဖြစ်ပုံက သူတို့အုပ်စုထဲမှ အငယ်ဆုံး ဖြစ်ဟန်တူသော လူတယောက်ကို “ငပွေး” ဟုခေါ်ကြသည်။ ငပွေးမှာ ရေတာရှည်ဘက်မှ ပါလာသည့် ပေါ်တာတယောက်။ ငပွေးကို ကျားကြီးမှ မာန်မဲဟိန်းဟောက် သမှုပြုနေပြီး ထမင်းချက်ဖို့ ရေသွားခပ်ခိုင်းသည်။ ထိုအချိန်တွင် ကျနော်က ကင်းစောင့်နေသည်။ ငပွေးမှာ ငှက်ဖျားစွဲနေသည့် ဒဏ်ကြောင့် မျက်နှာ ဖြူဖတ်ဖြူရော်လေးနှင့် သူမသွားနိုင်ကြောင်း တောင်းပန်စွာ ပြောနေ၏။ ကျနော့် ကင်းချိန်းအပြီး သူတို့ထံ ရောက်သွားပြီး အကျိုးအကြောင်း မေးမြန်နေမိသည်။ ထိုအခါ ကျားကြီးမှာ ချက်ချင်း မျက်နှာအမူအရာ ပုံစံပြောင်းသွားသည်။

ဟဲ ဟဲ ဘာမှ မဖြစ်ပါဘူး ဆရာကြီး ၊ ကျနော်တို့က ထမင်းချက်ဖို့ တိုင်ပင်နေတာပါ။ ကျနော့်စိတ်ထဲ ဒီလူ လိမ်ညာ၍ ပြောနေမှန်းသိသိနှင့် ဘာမျှပြန်လည် မတုံ့ပြန်မိခဲ့။ တောထဲ တောင်ထဲမှာလည်း ကြီးနိုင်ငယ်ညှင်း ဆိုသည့် ယဉ်ကျေးမှုက ရှင်သန် နေတုန်းပဲလားဟု စဉ်းစားနေမိသည်။ ထို့ထက် ကျနော် မမြင်ရနိုင်၊ မသိနိုင်သည့် ရပ်ဝန်းဒေသတွေ မှာလည်း ကြီးနိုင်ငယ်ညှင်း စိတ်တွေ ဘယ်လောက် အထိအောင်များ၊ ဘယ်ကာလ အထိတောင်များ ပေါင်းမြက်တွေ ထူနေလိမ့်ဦးမလဲဟု မကျေမချမ်း ခံစားရင်း-ဥပေက္ခာပြုခဲ့မိသည်။

စစ်ကြောင်း၌ အသက်အငယ်ဆုံး ရဲဘော်တွေအပေါ် အချို့ ရဲဘော်ဟောင်းကြီးများက ညှာတာမှု ရှိကြသည်။ တိုက်ပွဲတပွဲ ဖြစ်တော့မည်ဆိုလျှင် သူတို့က ရှေ့ဆုံးထွက်ပြီး ကျနော်တို့လို ငယ်ရွယ်သူ၊ တိုက်ပွဲ အတွေ့အကြုံ နုငယ်သူတို့ကို အရေးကြီးသည့် ရင်ဆိုင်တောင်ကုန်းများ၌ တာဝန် ပေးလေ့မရှိ။ သို့သော် ကျနော်က ထိုသို့ မစဉ်းစား တခြားလွဲမှားသည့် အသိတွေနှင့် ဒေါမနသ ဖြစ်နေမိသည်။ ငယ်စိတ်နှင့် သူတို့တိုက်နိုင်ရင် ငါလည်း ဘာ့ကြောင့် မတိုက်နိုင်ရမှာလဲ ! ဆိုသည့် အတ္တဒေါသခိုးတွေ တရှန်းရှန်း ဝေဆာနေမိသည်။ တကယ့် တကယ် တိုက်ပွဲတွင် ရန်သူနှင့် ရင်ဆိုင်တိုက်ပွဲ ဖြစ်ကြပြီဆိုတော့ ကိုယ့်ကိုကိုယ် ဘာလုပ်၍ ဘာလုပ်ရမှန်း မသိအောင် စိတ်ရှုတ်ထွေးမှု ဖြစ်ရသည်။ စစ်ပွဲတွေ ခေတ္တရပ်ပြီး ခေါင်းအေးအေးနှင့် စဉ်းစားနေမိတော့ သြော်- ငါတို့ အစ်ကိုတွေက ငါတို့ရဲ့ အနာဂါတ်ကို ကြိုတင်မြင်ပြီး မလိုအပ်ပဲ အသက်တွေ ဆုံးရှုံးမှာစိုး၍ သူတို့ပဲ ရှေ့မှာခါးကော့ပြီး ရန်သူကို ရင်ဆိုင်မယ်ပြောကြတာဟု တွေးမိသည်။

ရဲဘော်ကြီးတွေတချို့ တိုက်ပွဲမှာ ဒါဏ်ရာရသူ၊ ကျဆုံး သွားသူတွေကို တွေ့ရင် သူတို့ရဲ့ ရှင်သန်နေတုန်း ကာလ၌ သူတို့၏ တောက်ပရွှင်လန်းသည့် ရုပ်ပုံလွှာ ပန်းချီကားတွေကို နှမျှောတမ်းတစွာ ခံစားရပြီး လူမသိ၊ သူမသိ ကြိတ်ကြိတ်ပြီး ငိုကျွေးခဲ့ရသည့် ကျနော့်အဖြစ်တွေ ရှိခဲ့ဖူးသည်။ ငါဘာ့ကြောင့် ငိုနေရတာလဲ - ငါဘာလို့ ဒီစစ်ပွဲကြီးမှာ ရောက်လာခဲ့ရသလဲ - စစ်ပွဲကြီးဖြစ်ရင် လူတွေသေမယ်၊ ဒဏ်ရာရမယ်၊ အနာတရ ဖြစ်မယ်ဆိုတာ ငါ မစဉ်းစားခဲ့ဘူးလား။ အခု ငါ့ဘက်က ငါ့ရဲဘော် ကြီးတွေကျဆုံး၊ သေဆုံးတွေ စာအုပ်ထဲမှတ်ပြီး သူတို့ရဲ့ ဈာပနကို ခမ်းခမ်းနားနား တနေ့မှာ ပြုလုပ်ပေးရလိမ့်မယ်လို့ ထိုစဉ်ကပင် ကျနော်လေးနက်စွာ သိမှတ်ထားသည်။ ဘားတိုက် တတိုက်ထဲတွင် အတူနေ၊ ငှက်ပျောရွက်ပေါ်၊ အင်ဖက်ရွက်ပေါ် ထမင်းတွေ စုပုံပြီး အဆင့်အတန်း မခွဲခြားပဲ လက်ရည် တပြင်တည်း အညတရ ထမင်းဝိုင်းတွေကို ကျနော် လွမ်းနေဦးမည်။ စိတ် အခန့်မသင့်၍ တဦးနှင့်တဦး အယူအဆ ရေးရာတွေ ငြင်းခုံကြရင်း တယောက်နှင့် တယောက် ဘားတိုက် ပေါ်မှာ ထိုးကြိတ်ကြတဲ့ ကတောက်ကဆ နေရက်တွေ၊ ရန်ပွဲကို ပြန်စေ့စပ်ပြီး ကြေအေးခဲ့တဲ့ ရဲဘော် ရဲဘက်စိတ်ကို စိတ်တွေကို အလေးပြုနေဦးမည်။

ကျနော်တို့၏ စစ်အာဏာရှင် တော်လှန်ရေးဟာ ထူးးခြားသည့် ရုပ်ဘဝတွေရှိသည်။ ၁၉၈၈ခုနှစ်။ တနိုင်ငံလုံး အုံကြွဆန္ဒပြ သပိတ်မှောက်ကြသည်မှ - တောထဲတောင်ထဲသို့ လက်နက်ကိုင် တော်လှန်ရေးဆင်နွှဲမှ စစ်အာဏာရှင် စံနစ်ကို အောင်မြင်မှာ ဖြစ်သည်ဟု ယူဆသည့် အတွက်ကြောင့် ဖြစ်သည်။ ထိုသို့သာ စိတ်ဓာတ်တွေနှင့် ဖြစ်တည် လာခဲ့ကြပြီး လက်တွေ့ တော်လှန်ရေးရင်ပြင်ထဲ ကွင်းဆင်းကြသည်။ ကျနော်တို့အဖွဲ့ အစည်း ကျောင်းသားတပ်မတော်၌ လူမျိုးပေါင်းစုံ၊ ဘာသာပေါင်းစုံ၊ အရပ်ဒေသ အသီးသီး၊ အလွှာပေါင်းစုံမှ ရောက်လာခဲ့ကြ၍ ဖြစ်သည်။ ထိုအထဲတွင် အယူအဆ ပေါင်းစုံ၊ ပြဿနာပေါင်းစုံ ဖြစ်ခဲ့ကြရသည်။ အရာဝထ္တုတခုကို ကြည့်သည့် အမြင်ရှု့ ထောင့်ခြင်း မတူညီကြ။ ထို အခါအဖွဲ့အစည်း ဆန်ဆန်စုဖွဲ့ ကြသည်။ ဒီမိုကရေစီ ဆန်ဆန် ပြဿနာတွေကို ဖြေရှင်း ညှိနှိုင်းကြသည်။

သို့သော် ဒီမိုကရေစီဆန်ဆန် ဖြေရှင်းသော်လည်း အရာခပ်သိမ်း စည်းစနစ်ကျသည် လို့တော့ဖြင့် ပြော၍မရ။ တချို့က ပုဂ္ဂိုလ်ရေးဆန်ဆန် တွေးခေါ် လုပ်ကိုင်ကြသည်။ တချို့က ဗဟုစိတ်ဓာတ်ရှိသည်။ တချို့ လူတွေက ပညာတတ်ဆန်ဆန် နေထိုင်လုပ်ကိုင် ကြသည်။ အချို့ ပုဂ္ဂိုလ်များမှာ တော်လှန်ရေး အဖွဲ့အစည်းကို စည်းစနစ်ကျစွာ ဖွဲ့စည်းတည်ဆောက် လိုကြသည်။ တချို့ပုဂ္ဂိုလ်များက တော်လှန်ရေးကို တော်လှန်ရေးဆန်ဆန် တည်ဆောက်လိုသည်။ ထိုကဲ့သို့ မပြေမလည်၊ အကြေမလည်နှင့် တော်လှန်ရေး ရထားကြီး ခုတ်မောင်နေဆဲ အချိန်တွေမှာ အောက်ခြေ ရဲဘော်တွေက သူတို့၏စိတ်ထဲမှာ ထိုကိစ္စတွေစိတ်မဝင်စားကြ။ စစ်အာဏာရှင်ကို မည်ကဲ့သို့ အနိုင်တိုက်ရမလဲ။ မည်သည့်နေရာမှာ ရန်သူရှိသလဲ။ တိုက်မည့်ခိုက်မည့် စိတ်သာ ပြင်းပြနေကြသည်။ ထို့ကြောင့် ထိုအချိန် ကာလတွေ၌ ရန်သူကို ရန်သူလိုပဲ မြင်ပြီး တော်လှန်တိုက်ပွဲတွေနှင့် အတူတပျော်တပါး ခရီးထွက်ချီတက် တိုက်ပွဲတွေကို ဆင်နွှဲနေတော့သည်။

ကျနော်သည် ရှေ့တန်း စစ်မျက်နှာ၌ သုံးလခန့် မျှကြာသည်။ ရှေ့တန်း တာဝန်တွေ ထမ်းဆောင်ရင်း တပ်ရင်းမှူး ရဲဘော်ဆန်းလင်းမှ ကျနော်နှင့်အတူ ရဲဘော်ကြောင်နာကို နောက်တန်းသို့ ပြန်ပြီး တပ်တွင်း လုပ်ငန်းများလုပ်ရန် စေလွှတ်သည်။ ကျနော်တို့ နှစ်ယောက်နှင့်အတူ လက်နက်ခဲယမ်း တချို့တပါတည်း ထည့်ပေးလိုက်သည်။ သံလွင်မြစ်ရှိရာ ကမ်းစပ်သို့ သုံးနာရီခန့်မျှ ခြေလျှင်လျှောက်ရသည်။ သံလွင်ကမ်းဘေး၌ ဆေးရောင် အနီနှင့် အဖြူချယ်မှုန်းထားသည့် လှေတစင်း ဝမ်းဗိုက်ထဲတွင် တပ်ရင်း-၂ဝ၄၊ ၂ဝ၅၊ ၂၁၆-မှ ရဲဘော်အချို့ကို တွေ့ရသည်။

ထိုစဉ် အဖွဲ့၌ စစ်ကြောင်းမှူးဖြစ်သော ရဲဘော်ဥာဏ်ထွန်းမှာ စက်ငယ် ဖွင့်၍နေသည်။ ကျနော်တို့ နှစ်ယောက်မှာ ပစ္စည်းတွေက တနင့်တပိုးနှင့် ထိုလှေပေါ်သို့ ပြစ်တင်ကြပြီး လှေပေါ်တွင်ရှိသည့် ရဲဘော်တွေကို နှုတ်ဆက် စကားပြောရင်း စက်လှေက အစုန်သို့ ထွက်စပြုပြီ။ သုံးလကာလ တောင်ကုန်းပေါ်တွင် တာဝန်ကျနေတော့ ရေပုံမှန် မချိုးရ။ ရေကလည်း ရှားသည်။ လှေစီးရင်း ဖြူဖြူလွှလွှလေး ရှပ်ပြေးနေသည့် ရေမှုံကလေးများကို လက်ကလေးနှင့် ကျီးစယ်ပုတ်ခတ်ရင်း စိတ်ထဲ လန်းဆန်းနေမိသည်။ သံလွင် ရေကြည်လေးနှင့် မျက်နှာသစ် လိုက်သည်။ ဝတ်ထားသည့် ပြောက်ကျား ယူနီဖောင်းမှာ ဒူးနေရာတွင် စုတ်ပြဲ၍ မြေကြီးရောင် ထနေသည်။ လှေကလည်း တစထက် တစမြန်စ ပြုနေသည်။ တွေ့လိုက်သည့် အရာဝထ္တုတွေမှာ မျက်စေ့ရှေ့မှ ဖြတ်ကနဲ ဖြတ်ကနဲ ပျောက်ကွယ် သွားနေကြသည်။ ကျနော့်နောက် ကျောဘက်သို့ သတိတရ လှည့်ကြည့်မိသေးသည်၊ တိုက်ပွဲဖြစ်ခဲ့သည့် ပြာနှမ်းနှမ်း တောင်တန်းတွေကို ကြည့်ပြီး စိတ်ထဲတွင် အမည်ဖေါ်မပြနိုင်သော တအုံနွေးနွေး ခံစားချက်တွေ ဖြာဝေနေမိသည်။

အခုလောက်ဆို ရင်ဆိုင် တောင်ကုန်းပေါ်က ရဲဘော်တွေ - ကတုတ် ကျင်းတွေထဲမှာ ရန်သူကို သတိမလွတ်စတမ်း စောင်၍ ကြည့်နေရော့မည်။ တချို့ရဲဘော်တွေ ဝါးဘိုးဝါးကြီးနှင့် ထမင်းချက်ဖို့ ရေသွား ခပ်ရော့မည်။ တချို့ ကျဆုံးသွားသည့် ရဲဘော်တွေ ဝိဥာဉ်နှင့် စကားတွေပြောနေမည်ကို မြင်ယောင်ရင်း အလိုလို ကျလာသည့် မျက်ရည်တွေ စက်ရှိန်နှင့် တိုးဝှေ့လာသော ရေမှုံတွေနဲ့အတူ လိုက်လို့ သံလွင်မြစ်ထဲ ကျသွားတော့သည်။

ဌာနချုပ် ရောက်ပြီဟေ့ --

ဟု .... ရဲဘော်တယောက် အာလုပ်သံနှင့် ဝမ်းသာအားရနှင့် ပြောဆိုသံကြား၍ အတွေးက လွင့်စဉ်သွားသည်။ ဌာနချုပ်သို့ မိုးကြီးချုပ်မှ လှေက ဆိုက်သည်။ - အောင်မာ ငါတို့ ဌာနချုပ်ကြီးက လျှပ်စစ်မီးရောင်တွေ၊ ဘာတွေနဲ့ တယ်ဟုတ်ပါလား ကွ။ ရန်ကုန်ဆိပ်ကမ်းကြီး ကြနေတာပဲ။ ရန်ကုန် ဆိပ်ကမ်းက ဒီလိုပဲ မီးလာပါ့ဦးမလားလို့ စိတ်ထဲအောင်းမေ့မိသည်။ သံလွင်မြစ်ရေက စီးမျှောသံ တိတ်ဆိတ်ငြိမ်သက်စွာ ကြားနေရ၏။ ကမ်းဘေး၌ လျှပ်စစ်မီးတွေ ဟိုတပြောက်၊ ဒီတပြောက် စိတ်ထဲမယ် ကြည့်၍ အတော်ကြည်နူး နေမိသည်၊ မီးရောင်က သံလွင်ကမ်းဘက်သို့ ထိုးဖြာကျနေတော့ ရေ၏အရောင်မှာ ငွေရောင်လို တချက်တချက် ရိုက်ပုတ်ခတ်ခြင်းနှင့် အတူ ကမ်းခြေသို့ တဖြည်းဖြည်း ချဉ်းကပ်သွားသည်။ လှေဆိပ်တွင် လုံခြုံရေး တာဝန်ကျနေသော ရဲဘော်မှာ ကျနော်တို့ ထံသို့ သုံးတောင့်ထိုး ဓါတ်မီးရှည်ကြီးနှင့် ဝှေ့ဝိုက်ထိုးပြီး ဆင်းလာကြည့်သည်။

ပြီးတော့ ခင်ဗျားတို့ ရှေ့တန်းက ပြန်လာတဲ့ ရဲဘော်တွေကို ဒီည ဗဟိုဌာနချုပ်မှာ အိပ်ပြီး မနက်စာ စာသောက်ပြီးမှ သက်ဆိုင်ရာ တပ်ရင်းတွေပြန်ဖို့ အတွက် စစ်ဦးစီးက ညွှန်ကြားထားတယ်ဟု ပြော၍ ကျနော်တို့ ရှေ့တန်းပြန်အဖွဲ့ ထိုည ဋ္ဌာချုပ်မှာပဲ အိပ်စက်အနားယူ လိုက်ကြသည်။ တောထဲ၊ တောင်ထဲ၊ မီးမထွန်းပဲ အိပ်ခဲ့ရသည့် ရက်တွေနှင့် ကျင့်သားရထားသော မျက်လုံး ယခုလို မီးရောင်နှင့်ပြန်လည် ဆုံဆည်းမိတော့ မြို့ပြကို မသိမသာ လွမ်းနေမိ၏။ ဒီလိုဖန်မီးချောင်း၊ ဒီလိုမီးရောင်နှင့် မြို့ပြက လက်ဘက်ရည်ဆိုင်တွေမှာ ညဥ့်နက်အောင် ကျောင်းသားဘဝက အပျော်ကျူးခဲ့တာတွေ သတိရနေမိသည်။

နံနက်ခင်း ရောက်သောအခါ ဗဟိုဌာနချုပ်၏ ခမ်းနားထည်ဝါလှသော အဆောက်အဦးတွေကို လှည့်ပတ် ကြည့်ရှုပြီး လေးစားနေမိသည်။ တောင်ကမ်းပါးယံတွေကို ဘူဒိုဇာ စက်ကြီးတွေဖြင့် ဖြိုလှဲပြီး မြေပြင်ညီအောင် ညှိထားသည်။ ထိုမြေပြင်ညီ ကွင်းထဲတွင် ရဲဘော်တချို့ အလုပ် လုပ်နေကြသည်။ အချို့မှာ အချုပ်သားများ ဖြစ်ကြသည်။ ထိုမြေပြင်ညီ ကွင်းမှတဆင့် ဗဟိုရုံးကြီးပေါ်သို့ မြေပြင် လှေကားကလေး အတိုင်း တက်သွား၍ ညီလာခံခန်းမ သို့ဝင်မည်အပြု- အခန်းဝတွင် စာတန်းလေးတခုကို ဖတ်ကြည့်နေမိသည်။ - သတိ ! ရဲဘော် -အလေးပြုပြီးမှ ဝင်ရန် အခန်းထဲသို့ ကျနော် ညာခြေထောက် စုရပ်ပြီး ခွပ်ဒေါင်း အလံတော်ကို အလေးပြု လိုက်သည်။ ညီလာခံခန်းမ၏ သဘာပတိ ထိုင်ရန် ထိုင်ခုံ၏ အနောက်တည့်တည့်တွင် အနီရောင် ပိတ်စပေါ်တွင် ရွှေဝါရောင် ခွပ်ဒေါင်ကြီးက ဟန်ပါမာန်ပါ ကောင်းကင်တမွှတ် ကြယ်ကို ဆွတ်နေသည့်ပုံ။ ပန်းပဲဖိုမှ အကျအန ထုရိုက်ထားသော ပန်းဖွားလှံရှည်နှင့် ဓါးပုံမှာ ကြက်ခြေခတ် ပုံစံချိတ်ဆွဲ ထားသည်။

ထိုအခန်းမမှ တဆင့် ထမင်းစား အဆောင်သို့ သွားရာ စားပွဲပေါ်တွင် သံပန်းကန်ပြားများ အစီအရီ ချထားသည်။ ဝှိုက်ဘုတ်ပေါ်တွင် ရေးထားသည့် စာကိုဖတ်ကြည့် နေမိသည်။ နှစ်ယောက် တပန်းကန် စကေး -ဟု အတိအကျ ရေးထားသည်။ ကျနော်နှင့် ရဲဘော်ကြောင်နာ အတွက် တပန်းကန်ယူ၍ စားကြသည်။ ဟင်းအမယ်မှာ ဝက်သားဟင်းနှင့် ငါးပိရည် တို့စရာ ဖြစ်သည်။ ရှေ့တန်းမှ ပြန်လာ၍ ဌာနချုပ်မှ ဝက်တကောင်ပေါ် ကျွေးသည်။ ဝက်သားဟင်း မစားရသည်မှာ ကြာ၍လား မပြောတတ်။ နှစ်ပန်းကန်လောက်ကို လျှောကနဲ ကုန်သွားသည်။ ကျနော့်တို့မှာ ဝက်သားဟင်း စားရလျှင် အမြဲတမ်း မေးခွန်းထုတ်ရသည့် သာဓကရှိသည်။ ဝက်သားက စားရခဲပေခြင်း။ ဝက်သားဟင်းနှင့် အခြားဟင်း အမယ်တွေ မယ်မယ်ရ ရချက်ပြီဆို တခုခုဖြစ်၍ ကျွေးရမည်လို့ ပုံသေ တွက်ထားတတ် ကြသည်။ ဥပမာ - တိုက်ပွဲ၌ ရဲဘော်တယောက် ကျဆုံးသည့်အတွက် ဆွမ်းသွပ်ကြသည်။ ထိုအခါ ရဲဘော်များမှာ စိတ်မကောင်းကြ။ ကြာလာတော့ ဝက်သားဟင်းကို စားချင်ပါလျက် စိတ်နာမိသည်။ တချို့ ဝက်သားဟင်း မစားကြတော့။ ဝက်သား တခါစားရလျှင် ရဲဘော်တယောက် ကျဆုံးခွင့် ပေးရသလို ဖြစ်နေသည်။ ထို့ကြောင့် ဝက်သားမစားဘူး။ ရဲဘော်တွေ တိုက်ပွဲမှာ မကျဆုံးပါစေနဲ့ ဆိုသည့် အဓိဌာန် နှင့် ဝက်သားကို မစားတာပါလို့ ပြောပြရှာသူတွေ တကယ်ပင် ကျောင်းသားတပ်မတော် သမိုင်းမှာ ရှိခဲ့ဖူးသည်။

ကျနော်တို့ တပ်ရင်း ၂၁ဝ နှင့် ဗဟိုဌာနချုပ်မှ စက်လှေနှင့် (၁၅)မိနစ်ခန့် စီးလျှင် ရောက်သည်။ ဗဟိုမှ စက်လှေ တပ်ရင်း အရှေ့အထိပို့ပြီး ပြန်ထွက် သွားသည်။ လှေပေါ်မှ ဆင်းဆင်းခြင်း တပ်ရင်းကို ဝှေ့ဝိုက်ရှာနေမိသည်။ တော်တော်နှင့် မမှတ်မိ။ တပ်ရင်းမှာ ချုံနွယ်တွေ ပိတ်နေသည်။ သက်ငယ်ပင်တွေ၊ ကြံပင် အပင်မျိုးတွေက ရှည်လျားစွာ ပေါက်နေသည်။ တပ်ရင်း ဆိုင်းဘုတ်မှာ ချုံနွယ်တွေ ပိတ်ထား၍ သိပ်မပေါ်လွင်ပါ။ အော်ဟစ်ပြီး တပ်ကုန်းပေါ်သို့ ပြေးတက်သွားသည်။ စားဖိုချောင်ဘက်သို့ ကြည့်ရာ တယောက်မှမတွေ့။ တပ်ရင်း ထမင်းအိုးကြီး တလုံးတွေ့၍ အိုးကိုဖွင့်ကြည့်ရာ အိုးထဲတွင် ထမင်းဂျိုး သုံးခုတွေ့၍ တခု ယူစားလိုက်သည်။ ငါးပိရည်အိုးကြီးမှာ ငါးပိအဆီများ တက်နေသည်။ ဆေးခန်းဘက် ကြည့်မိတော့ ငြီးသံကြား၍ သွားကြည့်မိသည်။ ရဲဘော်ဂီပါလား။ ပိန်လိုက်တာ။ ပြန်ရောက်ကြောင်း ပြောရင်း သူ့အနားမှာ ဝင်ထိုင်လိုက်သည်။ သူက အမြဲတမ်း ကျမ္မာရေး ချူခြာသည်။ ငှက်ဖျားဒါဏ်ဖိစီး ထား၍ အသားအရောင်မှာ ဖြူဖတ်ဖြူရော် နိုင်လှသည်။ ကျနော့်စိတ်ထဲ စိတ်မကောင်း ဖြစ်သွားသည်။

တွန်း-တွန်း-မင်းဘက်က တွန်းထား။ ငါဒီဘက်က တုံးတတုံး ခုထားမယ်။ ဟုတ်ပြီ-ကျင်းဝ အထိရောက်ပြီ။ အနောက်နည်းနည်း ပြန်ဆုတ်၊ တွန်းတွန်း-အိုကေ ရပြီ-ကဲ-မြေဖို့တော့ကွာ၊ တယောက် တလှည့်စီတော့ ဖိုမပေါက်အောင် ကြည့်ရလိမ့်မယ်။ ကဲ- ကဲ ပေါက်တူးတွေ၊ လွှတွေသိမ်းတော့။ ပစ္စည်းတွေအားလုံး စတိုးထဲပြန်ထည့်။

တပ်ရင်းမှာ စီးပွားရေးဆို၍ မယ်မယ်ရရ မရှိ။ ထို့ကြောင့် ရဲဘော်တွေမှာ တောထဲမှ ပျဉ်းကတိုး သစ်မာခြောက်တွေကို လွှဖြင့် ဆွဲတိုက်ပြီး မီးသွေးဖုတ် ကြရသည်။ (၁၅)အိတ် အောက်ရလျှင် ငါးတန်ဟင်းလေးတော့ စားရ ကောင်းပါတယ်။ သုခိတာ စကေးနှစ်လိပ်ထက် ပိုသောက်ရသည်။ ဖုတ်၍ရသည့် မီးသွေးတွေကို သုံးတင်းဝင် ဂုန်နီအိတ်ကြီးတွေ ထဲထည့်၍ ထိုင်းဘတ်ငွေနှင့် တအိတ်ကို ထိုစဉ်က ဆယ့်ငါးဘတ် ရသည်။ ဘာပဲဖြစ်ဖြစ် တပ်ရင်းအတွက် ဆေးလိပ်ဖိုး၊ ငါးတန်ဖိုး၊ လူမမာ ဓာတ်စာဖိုးတော့ ရသည်။ မီးသွေးဖုတ်သည့် အဖွဲ့ကို ဦးဆောင်သူမှာ ရဲဘော်သန့်ဇင်၊ ထိုရဲဘော်မှာ တပ်ရေးဗိုလ် ဖြစ်သည်။ ၄င်းမှဦးဆောင်ပြီး မီးသွေးဖုတ်သည့် အစီအစဉ်ကို အကောင်အထည် ဖော်ဖြစ်သည်။ မိုးတွင်းဆိုလျှင် မိုးတွင်းအလျှောာက် ဝဥတွေ တူးပြီး ကမ်းနား၌ စုပုံထား။ မြွေခွံအိတ်နှင့် အခေါက်ခေါက် အခါအခါ တူးသယ်ပြီး ဝင်ငွေ ရှာကြရသည်။ ထိုအချိန် ဝဥ တကီလိုလျင် ငါးဘတ် ဈေးပေါက်သည်။ ဒါတောင် ကျေးဇူးရှင် အဝယ်သမားများက စိတ်မထင်လျှင် မထင်သလို ဈေးနှိမ်တတ်သည်။ ဖျားနာသည့် ရဲဘော်တွေကတော့ အလုပ်မလုပ်နိုင်၍ ဆေးနားပေးရသည်။

ဆောင်းတွင်းရောက်လာလျှင် ဆောင်းတွင်းနှင့် ကိုက်ညီသည့် အလုပ်ကလေးကို ကျေးဇူးရှင် တောကြီး တောင်ကြီးတွေနှင့် ဒိုးတူပေါင်ဘက် ရှာဖွေ စားသောက်ရသည်။ ဆောင်းတွင်းဆိုလျှင် အင်ဘက်တွေက ဝါညိုခြောက်သွေ့ ၍ ပင်မြင့်ပေါ်မှ ကြွေကျ၊ မြေခရသည်။ အင်ဘက်တွေ ကို ကျနော်တို့ အစောကြီး မိုးမလင်းခင် သွားရောက် ကောက်ယူကြသည်။ နောက်ကျ၍ မဖြစ်။ နောက်ကျလျှင် အင်ဘက် သိပ်မရတတ်။ ကိုယ်ထက်အလျင် စောအောင် ကောက်သည့်သူက ဦးသွားတတ်သည်။ ကောက်ရသည့် အင်ဘက်တွေကို တပ်ရင်း၌ အမိုးမိုးရန်အတွက် လည်းကောင်း၊ မိုးပြီး၍ ပိုလျှံသည့် အင်ဘက်တွေကို ရောင်းစားကြသည်။ မည်သို့မျှ မျှော်လင့်မထားသည့် အလုပ်တွေက တော်လှန်ရေးမှာ အသားကျလှသည်။ သို့သော် ကျနော်ပျော်သည်။ ကျေနပ်သည်။

ထိုအချိန်က ရဲဘော်တွေ၏ မျက်နှာမှာ ငယ်ရွယ်နုနှယ်သည် အခါမို့ ချစ်ဖို့ကောင်းလှသည်။ ရည်းစားမရှိ။ အပျိုအရွယ် မိန်းကလေးမရှိ။ တနေ့တနေ့ တပ်တွင်း လုပ်ငန်းတွေလုပ်။ ကျားကွက် ထိုးတမ်းကစား။ တော်လှန်ရေး စာအုပ်တွေဖတ်။ ဆောင်တော်ကူး သနပ်ခါး ဘဲကြားလူးပြီး ငေးမိငေးရာ ငေးနေမိသည်။ တခါတခါ တပ်ရင်း ဆွေးနွေးပွဲလုပ်ဖြစ်သည်။ ကျနော်သည် စိုက်ပျိုးရေး တာဝန်ကျ၍ တပ်ရင်း၌ ပဲတိုင်ထောင် အပင်များ၊ ခရမ်းပင်၊ ငရုတ်ပင်၊ ရုံးပတေသီးပင်များ စိုက်ရသည်။ ထိုသို့ စိုက်ပျိုး၍ ထွက်ရှိသည့်လာသော အသီးအနှံတွေက တပ်ရင်း ဟင်းအိုးအတွက် အထောက်အကူ ပြုသည်။ ညနေခင်း ရောက်လျှင် နိုင်ငံရေး သတင်းတွေကို နေရှင်နယ် ရေဒီယို အစုတ်တလုံးကို တဘားတိုက်လုံး ခေါင်းချင်းဆိုင် နားထောင်ခဲ့ရတဲ့နေ့တွေ မြင်ယောင်ရင်း အတိတ်တခိုက မြင်ကွင်းတွေကို တံခါး တချပ်ချင်း ဖွင့်ကြည့်နေမိသည်

ဘားတိုက်ပေါ်က ဇါတ်လမ်းတပုဒ်။

ဘားတိုက်တွင် ရဲဘော်ကျော်ဆန်းလွင်၊ ရဲဘော်ရဲနိုင်၊ (အဘ)၊ ရဲဘော်တင်ဆန်း၊ ရဲဘော်ဝင်းမောင်၊ ရဲဘော်ဇော်ဝမ်း၊ ရဲဘော်သန်းဌေး နှင့် ရဲဘော်စံမင်း တို့ရှိကြသည်။ တပ်ရေး ဗိုလ်ကြီးမှာ တပ်ရင်းမှူးရုံး၌ အိပ်သည်။ သူ့နေရာမှာ လက်နက်များထားသည့် ဂိုထောင်နှင့် တဆက်တည်းဖြစ်သည်။ ညမိုးချုပ်လျှင် သူသည်သရဲ ကြောက်တတ်သည်။ သရဲအကြောင်း အချင်းချင်းပြောလျှင် ထိုဗိုလ်ကြီးမှာ နားမထောင်ဘဲ တခြားနေရာသို့ ရှောင်ရှောင် သွားတတ်သည်။ သူ့ အားနည်းချက် သိသော ရဲဘော်ဆန်းလွင်က ကျနော်တို့ အားလုံးကို တိုင်ပင်ပြီး ဇာတ်လမ်းတခု လုပ်ရန်ပြောသည်။ ကျနော်တို့အားလုံး သူပြောသည့်အတိုင်း အတိုင်အဖောက် ညီစွာနှင့် ဇာတ်လမ်း စတင်တော့သည်။

ပထမ-ရဲဘော် ကျော်ဆန်းလွင်မှာ ခြင်ထောင်ထဲတွင် အိပ်နေသည်။ ညဘက် ဘီဘီစီ နားထောင်ချိန် အရောက်တွင် တပ်ရေးဗိုလ်ကြီး ရောက်ချလာသည်။ သတင်းနားထောင်ပြီး မကြာခင် ခြင်ထောင်ထဲတွင် ပြန်၍အိပ်နေသော ကျော်ဆန်းလွင်မှ ဗြုန်းကနဲ ထပြီး - ဟင်း-ဟင်း-ဟင်း ငါ့ကို ဘာကောင် အောင်းမေ့နေလဲ၊ ဒီနေရာဟာ ငါ့ပိုင်နက်ဆိုတာ မသိကြဘူးလား။ ထိုအချိန် ရဲဘော်တင်ဆန်း နှင့် ရဲဘော်ရဲနိုင်မှာ အတိုင်အဖေါက် ညီစွာ ပျာပျာသလဲနှင့်- အမိန့်ရှိပါ၊ အခု ဝင်လာတာ ဘာနတ်ပါလဲ ခင်ဗျ၊ ကျနော်တို့ ဘာအမှားများ လုပ်ခဲ့မိလို့ ပါလဲ။ ထိုအချိန် တပ်ရေးဗိုလ်ကြီး၏ မျက်နှာမှာ ဇီးကင်ရွက်ခန့်မျှ ရှိတော့သည်။

ဟေ့ - အဘ ဘာဖြစ်နေကြတာလဲကွ မင်းတို့ဟာက အဲဒါ ကျော်ဆန်းလွင်လေ၊ သူဘာဖြစ် နေတာလဲ။ ဟ ကျော်ဆန်းလွင်တော့ ဟုတ်တာပေါ့ တပ်ရေးဗိုလ်ကြီးရ ၊ အခုဟာက ကျော်ဆန်းလွင်ကို မကောင်းဆိုးဝါး ဝင်ပူး နေတာကွ။ ငါ့ အထင်တော့ ငါတို့ တပ်ရင်းနေရာက အလျင်တုန်းက ရန်သူ နေခဲ့တဲ့နေရာ ဖြစ်မယ်။ တိုက်ပွဲဖြစ်လို့ သေဆုံးသွားတဲ့ရန်သူ့ အလောင်းကို ငါတို့ ဘားတိုက်ဆောက်တဲ့ နေရာမှာ မြုတ်ထားလို့ သူ မကျေမနပ်ဖြစ်ပြီး လာပြောတာ ဖြစ်ရမယ်။ ထိုအခါ - တပ်ရေးဗိုလ်ကြီးက - ဒါ - ဒါဆို - ငါတို့ ဘာလုပ်ရင်ကောင်းမလဲ၊ တပ်ရင်းမှာလည်း အသက် အကြီးဆုံးဆိုလို့ ဘကြီးဇော်ဘွားပဲ ရှိတယ်။ အယောင်ဆောင် သရဲ ဝင်ပူးနေသော ကျော်ဆန်းလွင်မှာ မျက်စေ့ကို ပြူးပြဲပြီး တပ်ရေးဗိုလ်ကြီးပဲ စိမ်းစိမ်းကြီး ကြည့်နေ၏။

ထိုစဉ် တပ်ရေးဗိုလ်ကြီးမှာ အသံတုန်တုန် ရီရီဖြင့်ကြောက်နေ၏။ ဟေ - မင်းနာမည် ဘယ်လိုခေါ်သလဲကွ ၊ ဗျာ - ကျနော် အဲ … အဲ .. သန့်ဇင် ပါ …ခင်ဗျ၊ အေး -ကောင်းပြီ ဒါဆို မင်းငါ့ဆီလာခဲ့ ဂုတ်ချိုး စားပစ်မယ်။ ငါ့စကား နားမထောင်တဲ့ အကောင် - မနက်ခင်းရောက်ရင် ဟော့ ဟိုသစ်ပင်အောက်မှာ ငါ့ကို ပူဇော် ပသရမယ်၊ ကြားလား။ ကြားပါတယ် ခင်ဗျ၊ ဟို - ဟို ကျနော်တို့ဆီမှာ အသက်အကြီးဆုံး လူကြီး ရှိပါတယ်ခင်ဗျ။ အေး -သွားခေါ်ချေ။ တပ်ရေး ဗိုလ်ကြီးမှာ ကြောက်ကြောက်နှင့် ဟေ့ကောင်တွေ ငါ့နောက် တယောက် အဖော် လိုက်ခဲ့ဦးလေကွာဟု ငိုသံပါကြီးနှင့် ပြောပြီးသုတ်သီးသုတ်ပျာနှင့် အဘစော်ဘွားကို သွားခေါ်သည်။ အဖိုးကြီးမှာ ဘုမသိ၊ ဘမသိနှင့် ရောက်ချလာပြီ၊ ဘယ်မှာလဲကွ - သရဲပူးတယ် ဆိုတာ၊ စော်ဘွားတဲ့ကွ! တဘွားတည်း ရှိတယ်။ မကြောက်လို့ ဒီကို လာတာကွဟု ကြုံးဝါး၍ ဘားတိုက်ပေါ်သို့ အတင်း ပြေးတက်လာသည်နှင့် လက်မှာလည်း သစ်သားချောင်းကြီး တချောင်း ကောင်းကောင်းကို ကိုင်၍ တက်လာသည်။

ကျနော်တို့လည်း ဇါတ်တော့ မထင်မှတ်ပဲ ရှုတ်ချေပြီ မဖြစ်ချေတော့ဘူး တွက်မိပြီး - ဟေ့ ကျော်ဆန်းလွင် သရဲကနေ ထွက်လိုက်တော့၊ ဟိုမှာ အဘိုးကြီး ဒုတ်ကြီးနဲ့ တကယ်လာနေပြီ အဘိုးကြီးက တကယ်တွယ်မယ့် ပုံကွ၊ မြန်မြန်လုပ်။ ဒါတောင် အဘိုးကြီး ဘားတိုက်ပေါ်လည်း ရောက်လာရော သရဲဝင်ပူးနေသည့် ကျော်ဆန်းလွင်မှာ သရဲကထွက်ပြီး - ငါဘာဖြစ်သွားတာလဲဟု အကယ်ဒမီရှော့ခ် လုပ်နေသေးသည်။ မင်း သရဲ ဝင်ပူးတာလေကွာ မသိဘူးလား။ ဟေ-ဟုတ်လား! ဘာတွေ ပြောသွားသေးလဲဟု ပြောတော့ ကျနော် ပါးစပ် ပိတ်ထား၍ မရတော့။ စောင်နှင့်ပါးစပ် ပိတ်ပြီး ရယ်နေတော့သည်။

အဘဦးစော်ဘွားမှာ - စိတ်ကြီးဝင်သွားပြီး - တွေ့လား ငါ့ကို ဘယ်လောက် ကြောက်သလဲဆိုတာ သိပြီလားကွ၊ ရွာမှာလည်း စော်ဘွားတို့ အရက်မူးပြီး ရွာရိုးကိုးပေါက် လျှောက်ဆဲနေတာ ဘယ်သူမှ မပြောရဲဘူး၊ ဟောဒီ ကျောကုန်းမှာ ကြည့်စမ်း ကောင်လေး၊ တွေ့လား အေး-အဲဒါ ဝက်ကုန်း ထိုးထားတာကွ၊ ဝက်ကုန်းက ဘယ်သူမှ ရိုက်သတ်လို့ မသေဘူးမှတ်ထား။ ထိုအခါ ကျော်ဆန်းလွင်မှာ အဘိုးကြီး၏ စကားပြောပုံ ကိုယ်ရေသွေပုံကို ကြည့်ပြီး ခေါင်းခါ လည်ခါနှင့် ခြင်ထောင်ထဲ ဝင်သွားတော့သည်။ ကျနော်တို့မှာ ထိုတည အချင်းချင်း တီးတိုး ကြိတ်ကြံသော အကြံတွေနှင့် သဘောကျပြီး ရယ်၍မဆုံး ဖြစ်ကြရသည်။ မနက်မိုးလင်းသော် တပ်ရေး ဗိုလ်ကြီးမှာ - ရဲဘော် ကျော်ဆန်းလွင်ကို ညက အဖြစ်တွေ စိတ်နာ၍လားမသိ အလုပ်တွေ ဖိခိုင်းနေတာ တွေ့ရသည်။ နောက်နေ့တွေ၌ ကျနော်တို့ တပ်ရေးဗိုလ်ကြီးကို ကြောက်တတ်မှန်း သိသော်လည်း မစကြရက်ကြတော့။

တပ်ရင်းတွင် မတူခြားနားသည့် ထူးခြားမှုလေးတွေ ရှိခဲ့ကြသည်။ ယင်း ထူးခြားမှုလေးတွေကို တော်လှန်ရေး တာဝန်ကျရာ အခန်းကဏ္ဍ ထမ်းဆောင်ကြရင်း မေ့၍မရသည့် အဖြစ်အပျက်တွေ ပြန်ပြောင်းအောက်မေ့မိသည်၊ ငေးမောရင်း စိတ်ထဲ ခံစားမှုလေးတွေ ရင်ထဲ ရောက်ရှိလာသည်။ ခံစားမှုတွေ ပြီးဆုံးသော နောက်ကွယ်တွင် သူတို့ ကျနော့်အနားမှာ မရှိကြတော့။ ထိုအခါ သူတို့၏ ရုပ်ပုံတွေ ပြန်ပြောင်းအောက်မေ့ မြင်ယောင်မိရသည်။

စစ်ကြောင်းက ကေအန်ယူ တပ်မဟာ(၂)၊ မုန်းခရိုင်၊ အင်တိုင်း တောစပ်များတွင် ရှေ့တန်း တာဝန်ယူနေရသည်။ သပြေတန်း၊ ဗရာဏသီ၊ သရက်တန်း၊ လှည်းလမ်းကူး၊ ဇရပ်ကြီး စသည့်ဒေသများနှင့် လေးနာရီဝေးသည့် အရှေ့တောင် တောစပ်တွင် လုံခြုံရေးအထူး သတိရှိစွာ လှုပ်ရှားမှုပြုရသည်။ ကျနော်တို့ စစ်ကြောင်းကို ဦးဆောင်သူမှာ တပ်ရင်းမှူး ရဲဘော်ဆန်းလင်း ဖြစ်သည်။ အောက်ကွင်း ယူဂျီ( မြေအောက် အလုပ်အဖွဲ့ ) ကိစ္စနှင့် တောင်ခြေသို့ လျှိ့ဝှက်ဆင်းသွားပြီး စစ်ကြောင်း၌ ရဲဘော်ရဲနိုင်ကို ယာယီ တာဝန်ယူထားရန် ညွှန်ကြားထားခဲ့သည်။ ကျနော်တို့ စစ်ကြောင်းနှင့်အတူ မဟာမိတ် စစ်ကြောင်းမှူးမှာ ဗိုလ်ဂျောမေ ဟုသိရသည်။ ကျနော်တို့နှင့် မဟာမိတ် ပူးပေါင်း စစ်ကြောင်းသည် ရှီဂိုလာ တောင်ကျောကုန်းပေါ်တွင် စခန်းချကြသည်။ ရှီဂိုလာတောင်၏ အနီးအနားပတ် ဝန်းကျင်တောင်များထက် စာလျှင် အမြင့်ဆုံးတောင်ဟု ခန့်မှန်းရသည်။ ရေကလည်း ရှားသည်။ စခန်းချသည့် နေရာ၏ညာဘက် မျက်စောင်းထိုးတွင် - ခဲတဲ - ဟုခေါ်သော ကရင်ရွာကလေး တရွာတွေ့ရသည်။ အနောက်ဘက် မျက်စောင်းထိုးတွင် တောင်ငူ၊ ထန်းတပင်၊ ဇရပ်ကြီး စသည့်မြို့ပြများကို မှိုင်းပြပြ မြင်နေရသည်။ ရှီဂိုလာနှင့် တံဘိုးထမ်း ခပ်လှမ်းလှမ်းတွင် တိပ်ပု ဆိုသည့်နတ်စား ကရင်ရွာလေး တရွာရှိသည်။ ညဘက်ရောက်သော အခါ တောခေါ်သံလားဟု ထင်ရလောက်သော လေတိုက်သံကြီးမှာ ကျောကို စိမ့်သွားမတတ် ခြောက်ခြားမိသည်။ အိပ်ဖန်စောင့် အဖြစ်တော့ ကင်းစောင့်ကြရသည်။

ခနော်နှီခနဲ့ ဆောက်ထားသော ဝါးတဲ ကိုယ်စီဆောက်ထားကြပြီး မြေကျင်းတူး၍ ထိုကျင်းထဲ ဝါးဆစ်ဗူးနှင့် ရေနွေးတည်၍ မအိပ်သေးခင် စကားစမြည် ပြောကြသည်။ စကားပြောကြရာတွင် ရဲဘော်ရဲနိုင်မှာ သရဲအကြောင်း၊ ရွာအကြောင်း အပြောကောင်း၍ ကျနော်တို့ မအိပ်နိုင်ပဲ နားထောင် ကောင်းကောင်းနှင့် နားထောင် နေမိ၏။ လာရောက် နားထောင်ကြသည့် အထဲတွင် ရဲဘော်သက်နိုင်ဝင်း(ဂေါက်ကြီး) လည်းပါသည်။ ဂေါက်ကြီးမှာ လူကောင်ကြီးသလောက် အကြောက်အလန့် သိပ်ကြီးသည်။ ရဲဘော်ရဲနိုင်မှ စုန်းမအကြောင်း၊ သရဲအကြောင်း ပြောရာတွင် ပုံသဏ္ဍာန်၊ မျက်နှာ အမူအယာ တထေရာတည်း ဖြစ်အောင် ပြောတတ်သည်။ ထိုအခါ ဂေါက်ကြီးမှာ နားရွက်မလှုပ်၊ အသက်ပြင်းပြင်း မရှုတမ်း နားထောင်နေသည်။ စကားဝိုင်း ကောင်းနေချိန်တွင် ရဲဘော်ရဲနိုင်က - တော်ပြီကွာ နောက်နေ့မှ ဆက်ပြောတာပေါ့ - ဟု ပြောပြီး ကိုယ့်တဲ ကိုယ်ပြန်ကြရသည်။ ဂေါက်ကြီး ကြောက်တတ်မှန်းသိ၍ အတည်ပေါက်နှင့် ပြောလိုက်သေးသည်။ မင်းတို့နဲ့ စကားပြောရင်း ငါ အပေါ့သွားတော့ ဂေါက်ကြီးတဲ ခြေရင်းက ဆံပင် ဖားယားကြီးလိုလို တွေ့လိုက်သလိုပဲ၊ ငါလည်း အပေါ့ မသွားရဲတာနဲ့ ဒီကိုပြန် လာတာဟု လှန့်ထားခဲ့သည်။

ဂေါက်ကြီးမှာ လူကလည်းများ ၊ ကြောက်လည်း ကြောက်၊ ဒီကြားထဲသူ့ကို ငကြောက်ဟု အပြောခံရမှာကို စိုး၍ မကြောက်ဘူး ဆိုသည့် ပုံစံနှင့် သူ့တဲသို့ ခြေသံ မကြားအောင် ပြန်လာပြီး အသက်ပြင်းပြင်းရှုပြီး မုဒုံစောင် ခပ်ပါးပါးကို ခေါင်းပူးခြုံ၍ အိပ်မပျော်ပဲ အကြောက်ကြီးနေ၏။ ပြီးတော့ မနေနိုင်၍ သူ၏တဲဘေးမှ ရဲဘော် တယောက်ကို ဘေးမှ လူတွေမကြားအောင် - ဟေ့ကောင် သန်းဌေး၊ ငါ့အနားလာ အိပ်ပါလားကွ၊ ဆေးလိပ်နှစ်လိပ် တိုက်မယ်။ - အောင်မာ မင်းဖာသာမင်း အိပ်ပါလားကွ ဆိုယင် ထိုည ဂေါက်ကြီးအဖြစ် သရဲကြောက် ရောဂါနှင့် ကမ္ဘာပျက်မတတ် ကြောက်နေသည်ကို ကျနော်တို့ ဟာသ ဖြစ်နေခဲ့ရသည်။ တရေးနိုးတော့ လူငြီးသလို ငိုရှိုက်သံလို ခပ်ညင်းညင်း နားထဲကြားနေရသည်။ ဘယ်သူကမှ ဒီလောက်အေးတဲ့ အချိန် လာနောက်မည်မဟုတ် တကယ် သရဲများလား၊ ဟုတ်သေးပါဘူး၊ နပ်ချေးရှုံ့သံ၊ ပြီးတော့ အမေရေ သားကိုကယ်ပါဦး အဟီး ဟီး ။ ကျနော် မနေတတ်တော့ - ထိုအခါ ရင်ထဲတွင် ခံစားမှု ဘယ်လိုမှ မကောင်း ဂေါက်ကြီးကဲ့သို့ ဝမ်းနည်းမှု ကူးစက်နေမိသည်။

သူအိပ်နေသည့် နေရာသို့ ကျနော်ရောက်သွားပြီး နှစ်သိမ့်ပေးရင်း ရွှေနှင်းဆီ ဆေးလိပ်ကို ခိုးရှိုက်ဖွာရင်း မီးခိုးတွေကို မှုတ်ထုတ်နေရင်း အတွေးတွေ ဝေစီနေမိသည်။ မနက်ရောက်တော့ တပ်ရင်းမှူး အောက်ကွင်းမှ ပြန်ရောက်လာသည်။ ထိုကိစ္စ သိသွား၍ ထိုသို့ ဆော့ နောက်၍ မလုပ်ကြရန် တပ်ရင်းမှူးမှ ပြောပြီး ဒိုက်ဆယ်ချက် ထိုးခိုင်း၍ ရဲဘော်ရဲနိုင် ဒိုက်ထိုး လိုက်ရသည်။

နောက်တခု ရှိသေး၏။ တပ်ရင်းတွင် ဖြစ်သည်။ တပ်ရင်းမှာ ထိုအချိန်က သံလွင်ကမ်းဘေး သောလဲထတွင် ဖြစ်သည်။ ရဲဘော်ဆွေဦး သံလွင်မြစ်၌ ရေနစ်၍ အလောင်းကို လိုက်ရှာရာတွင် သူ့မွဲထ ဂိတ်စခန်းတွင် ဆယ်ယူရ ရှိသည်။ သူ့မွဲထ ဂိတ်မှာ အများအားဖြင့် မူဆလင် ဘာသာဝင်များ နေထိုင်ကြသည်။ အလောင်းကို သွားယူကြသည့် သူများမှာ ရဲဘော်မုတ်ဆိတ်နှင့် ရဲဘော်မြင့်လွင်(ကော်လာသူး) ဖြစ်သည်။ ထိုနှစ်ယောက်မှာ မွတ်ဆလင်များနှင့် အလောင်းကို လုနေရသည်။ ရွာသားများ ရေနစ်သူမှာ မိမိတို့ မူဆလင်အမျိုး ဖြစ်၍ အစ္စလမ်ဘာသာ ထုံးတမ်းအရ သူတို့ ကိုယ်တိုင် သင်္ဂြိုလ်မည်ဟု ပြောကြသည်။ အလောင်း သွားယူသည် နှစ်ယောက်မှာလည်း မူဆလင် ရုပ်ပေါက်နေသည်။ ရေနစ်သေသူ ရဲဘော်ဆွေဦး၏ မျက်နှာပေါက် ကလည်း မူဆလင် ရုပ်ပေါက်သည်။ အမှန်က ရဲဘော်ဆွေဦးမှာ တောင်ငူဇာတိ ခပေါင်းတံတား အနီးတွင် နေသူဖြစ်သည်။ လူမျိုးမှာ ဗမာလူမျိုးဖြစ်သည်။ ထိုပြဿနာ အတော်ကလေး ဖြေရှင်း ယူလိုက်ရသည်။ အလောင်းကိုမနည်း တောင်းပန်ပြီး တပ်ရင်းသို့ ပြန်သယ် လာခဲ့ကြသည်။

အလောင်းက ကြာကြာထား၍ မရသောကြောင့် အာဇာနည် ဗိမ္မာန်တွင် သဂြိုလ် လိုက်ရသည်။ ရေနစ်သောသူ အိပ်သည့်နေရာ ဖြစ်သော ဘားတိုက်တွင် သူ့နေရာလေး၌ သူ့အင်္ကျီစလေး ခေါက်ထားပြီး ထမင်း တပန်းကန်၊ ရေတခွက်၊ ပန်းတအိုး၊ ဖယောင်းတိုင်များ ထွန်းညှိထားကြသည်။ ထိုည ဘားတိုက်ပေါ်တွင် ရဲဘော်တချို့ မအိပ်နိုင်ပဲ ဇယ်တောက်ခုံ၌ ရေအဝ သောက်ကြေး တောက် ကစားကြသည်။ ထိုအထဲတွင် ဂေါက်ကြီးလည်း ပါသည်။ ဂေါက်ကြီးမှာ ဇယ်တောက်တမ်း ကစား၍ မကြာခဏ ရေသောက်ရသည်။ နောက်ဆုံး လောင်ကြေးမှာ ရေအခွက်ပေါင်း နှစ်ဆယ့်ငါးခွက် ကြေးဖြစ်သည်။ တပ်ရေး ဗိုလ်ကြီးမှ - ဂေါက်ကြီးကွ တဂေါက်ထဲရှိတယ်၊ မင်းတို့ကို မကြောက်လို့ ဇယ်တောက်တာကွ ဟု မြောက်ပေးသည်။ ဂေါက်ကြီးကလည်း ရင်အုပ်ကြီးကို ဖွင့်ကော့ထားပြီး - ပေးစမ်းရေပုန်း ဟုဆိုပြီး ပုံးထဲမှ ရေတွေ တခွက်ပြီးတခွက် ရှုံးတိုင်း လှိုင်လှိုင် သောက်နေတော့သည်။

ဂေါက်ကြီးကြည့် လည်းလုပ်ဦး ဆွေဦးက ရေနစ်လို့ သေတယ်၊ မင်းကျမှ ရေသောက်လို့ ကျော်မကောင်း ၊ ကြားမကောင်း ဖြစ်ကုန်ဦးမယ်! ဟုဆိုတော့ ဂေါက်ကြီးက ခင်ဗျားတို့ ကျုပ် အခွင့်အရေးကို မချိုးဖောက်ပါနဲ့ ကျုပ်မှာ သောက်ဖို့ အခွင့်အရေးရှိတယ် ဟုဆိုပြီး ဆက်သောက် နေတော့၏။ ပုံးထဲမှ ရေမှာ သုံးပုံတပုံခန့် ကျန်တော့သည်။ ဂေါက်ကြီး၏ ဗိုက်မှာ ရေတွေ သောက်ထား၍ ဖောင်းကားနေ၏။ ရေအခွက်စေ့ သွားပြီး မကြာလိုက် ဂေါက်ကြီးမှာ အင်တင်တင်၊ ဂင်တင်တင် မအီမလည် ဖြစ်ကာထပြီး ဘားတိုက်ဘေး၌ ခါးဝက်သာသာ ကာရံထားသော ပျဉ်ကာပေါ်သို့ သူ၏ ဗိုက်အိုးကြီးတင်ပြီး ဖိချလိုက်ရာ ရေတံလျှောက်မှ ရေတွေ ကျနေသလား အောက်မေ့ရသည့် ရေတွေ အန်ချလိုက်ပုံ ဆည်ရေဖေါက်ချလို့ တမံတုတ် မမှီသည့်ပုံ၊ မကြာပါ ထိုနေရာတွင် အာဂ ဂေါက်ကြီး ပျော့ခွေသွားသည်။ ရဲဘော်များက သူ့အိပ်ရာရှိရာသို့ ရွေ့မ၍ပို့ပေးကြသည်။

တရေးနိုးလျှင် ဂေါက်ကြီး ထမင်းဆာတတ်မှန်း သိ၍ ရဲဘော်ဒဿက ၂မိနစ်ခန့် လျှောက်၍ သွားရသော ထမင်းစားဆောင် သွားရာလမ်းတွင် ကြိုတင်စောင့်နေ၏။ ဂေါက်ကြီး မှာ သုံးတောင်ထိုး ဓာတ်မီးကြီးထိုး၍ ဘားတိုက်ပေါ်မှ ငေါက်စိုက်ငေါက်စိုက်နှင့် စားဖိုသို့ဝင်စဉ် လမ်း၌ ရုတ်တရက် မြင်လိုက်ရသော မြင်ကွင်းကြောင့် ခေါင်းတွေကြီး၊ မျက်လုံးတွေ ကျယ်သွားသည်။ ဂေါက်ကြီး ကြောက်ကြောက်နှင့် ဓာတ်မီးထိုးကြည့်ရာ လူနှင့်လည်းမတူ၊ ခွေးနှင့်လည်းမတူ၊ ဇဝေဇဝါ ဖြစ်နေသော မျက်စေ့ကို သေချာပွတ်သပ်၍ ထပ်ကြည့်ပြန်ရာ ကိုယ့်ရို့ကားယား ပုံကြီးကိုကြည့်ပြီး ပါးစပ်ပြဲကြီးနှင့် အသံကုန်အော်ကာ အမေလေးဗျ - ကယ်ကြပါဦး- သ - သရဲ၊ အဲ…လေ ဟုတ်ဘူး-ဖင်ကြီး- ဖင်ကြီး။ ဂေါက်ကြီး အော်သံကြားရ၍ ဘားတိုက်ပေါ်မှ ဇယ်တောက် နေကြသော ရဲဘော်များ ပြေးဆင်းလာကြသည်။

ဘာဖြစ်တာလဲ - ဂေါက်ကြီး - ဆွေဦး (ရေနစ်သေဆုံးသူ) ကိုတွေ့လို့ လား?
ဟုတ်ဘူး - ဟ - ဟိုမှာ ဖင်ကြီး၊ အဲဟုတ်ဘူး - ဟုတ်ဘူး

နောက် လူများလာတော့ အကြောက်ကင်းပြီး အမြင်ရှင်းသွားပုံ ရသည် အေပေး ဒဿ ငါ့ကိုနောက်တယ်။

ဒဿမှာ ခွက်ထိုးခွက်လန် ရယ်၍ မဆုံးဖြစ်နေသည်။ ဂေါက်ကြီး ကြောက်တတ်မှန်း သိ၍ ဒဿမှ လန်ကွပ်တီနှင့် ဂေါက်ကြီးလာမည့် လမ်းဘက်သို့လေးဘက် ထောက်၍ အမှောင်ထဲမှ ပြထားသောကြောင့် ဂေါက်ကြီးအော်သံက သရဲဖြစ်လိုက် ဖင်ဖြစ်လိုက် ဖြစ်၍ နေတော့သည်။

ထိုဖြစ်ရပ်တွေကို စဉ်းစားရင်း ယခုဂေါက်ကြီး ဘယ်မှာများ ရောက်နေသလဲ စုံစမ်းမေးမြန်း ကြည့်တော့ သရဲကြောက်သူ သူဟာ တပ်မဟာ(၆) နယ်မြေက ရွာတရွာမှာ ခရစ်ယာန် ဓမ္မဆရာတယောက် ဖြစ်နေတယ်ဟု ကြားရ၍ အံ့သြ၍ မဆုံး ဖြစ်နေမိသည်။ တကယ် ဓမ္မဆရာ ဆိုရင်တော့ လေးစားနေမိမှာ အမှန်ပါ။ တကယ်မဖြစ်ပဲ သူဟာ မရှိတော့ဘူး ဆိုရင်တော့လည်း စာရေးသူတို့ သူ့ကို ယခင်က တိုင်းပြည်အတွက် စွန်လွှတ် စွန့်စားခဲ့ကြတဲ့ ရဲဘော်ရဲဘက် စိတ်တွေနဲ့ ဆက်လက် ရှာဖွေနေမိဦး မှာပါ။

ကျည်ဝေဖြိုး


Thursday, December 3, 2009

စောထဖောင်ဒေးရှင်းဖွဲ့ စည်းလိုက်နိုင်ခြင်း။


မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး

တပ်ရင်း ၂၁ဝ၊ ၂၁၄

(စောထစခန်း)

ထုတ်ပြန်ချက် ရက်စွဲ-၂၀၀၉/နိုဝင်ဘာ

ဤနေ့အခါသာမယသည် (တပ်ရင်း ၂၁ဝ၊ ၂၁၄ စောထစခန်း) ရှိရဲဘော်များအားလုံးအတွက်နှစ်စဉ် မမေ့နိုင်သော နေ့ထူးနေမြတ်ဖြစ် သည်။ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ကျောင်းသားတပ်မတော်) တပ်ရင်း၂၁ဝ၊၂၁၄ (စောထစခန်း) မှ အမိနိုင်ငံ တော်နှင့် ဒီမိုကရေစီရေးအတွက် ယုံကြည်ချက် ခိုင်မြဲစွာဆုပ်ကိုင် တိုက်ပွဲဝင်ရင်း စွန်လွှတ်အနစ်နာခံ အသက်သွေးပေးဆပ် ကျဆုးံခဲ့ကြရသော သူရဲကောင်း ရဲဘော်/ရဲမေ (၅၆) ယောက်အတွက် အောက်မေ့ဂုဏ်ပြု အလှူဒါနအမျှပေးဝေခြင်းကို ကျန်ရစ်သူ ရဲဘော် အပေါင်းမှ ၁၉၉၅ ခုနှစ်မှစ၍ နှစ်စဉ်နှစ်တိုင်း စုစည်းညီညွတ်စွာပြုလုပ်သော အခမ်းအနားနေ့ဖြစ်သည်။ ဒီမိုကရေစီအတွက် တိုက်ပွဲဝင်ရင်း ကျဆုံးသွားခဲ့ကြသည့် အခြားအခြား သော (မကဒတ) တပ်ရင်းအသီးသီးမှ ရဲဘော်/ရဲမေအပေါင်းနှင့် အာဇာနည် သံဃာတော်၊ ကျောင်းသား၊ ပြည်သူအပေါင်းတို့အား ဤအခမ်းအနား မှ တစ်ပေါင်းတည်းရည်စူး၍ ကောင်းမှုအလှူဒါနပေးဝေပါသည်။

ကျနော်တို့အတွင်း အမြင်သဘောထား ကွဲလွဲမှုများစွာ ရှိခဲ့သည်၊ ရှိနေသည်၊ ရှိနေမြဲ ဖြစ်သည်။ မည်သို့ဆိုစေ တစ်မိုးအောက်၊ တစ်ခရီး တည်း သွားကြသူများဖြစ်သည်။ မလွတ်မြောက်သေးသော နိုင်ငံတော်အတွက် ကျရာနေရာက တာဝန်ထမ်းဆောင်သောသူများအဖြစ် အနှစ် (၂ဝ) ကျော်လာသည့်တိုင် ရင်ထဲမှာ ခိုင်မြဲစွာတည်ရှိနေ၏။ ကျနော်တို့ ပိုရင့်ကျက် သဘောထားကြီးရမည်။ ညီညွတ်ရမည်။ ပေးဆပ်အနစ်နာခံခဲ့သော အာဇာနည်အပေါင်း၏ ကျေးဇူးတန်ဖိုးကို လေးစားပေးရမည်။ တိုက်ပွဲအရှိန် မြှင့်ရမည်။ သမိုင်းအမွေကို ဂုဏ်သိက္ခာရှိစွာ လက်ပြောင်းလွှဲအပ်ရမည်။ တိုတောင်းလွန်းသည့် ဘဝတို့၏ မနက်ဖြန်ကို ကောင်းခြင်းမင်္ဂလာနှင့် ပြည်စုံစေချင်သည်။

ကျနော်တို့ သမိုင်းတစ်လျှောက်လုံးတွင်လည်း အကြောက်တရား၊ ရက်စက်ယုတ်မာမှုများ၊ ခြိမ်းခြောက်လိမ်ညာမှုများ၊ အကျဉ်းချ သတ် ဖြတ်မှုများ၊ ငတ်မွတ်ဆင်းရဲမှုများဖြင့် သားစဉ်မြေးဆက် လူ့ဂုဏ်သိက္ခာရှိရှိ ရှင်သန်နေထိုင်ခွင့် ပြည့်ဝစွာနေခွင့်မရခဲ့ပါ။ ထို့အတွက် နည်းလမ်းမျိုးစုံ ဖြင့် တော်လှန်တိုက်ပွဲဝင်ခဲ့ကြပြီး မလွတ်မြောက်သရွေ့ ဆက်လက်တိုက်ပွဲဝင်သွားမည်ဖြစ်သည်။ ယုံကြည်ချက်တူသူများနှင့် လက်တွဲတိုက်ပွဲဝင် သွားမည်ဖြစ်သလို စိတ်ပျက်အားငယ်သူများကိုလည်း အားပေးလက်ကမ်းခေါ်သွားမည် ဖြစ်သည်။ အရေးကြီးလျှင် သွေးနီးရမည်။ ကျနော်တို့၏ သွေးထဲတွင် နိုင်ငံတော်၊ ဂုဏ်သိက္ခာ၊ စည်းကမ်းနှင့် တာဝန်တို့သည်အစဉ်မပြတ် စီးဆင်းလည်ပတ်နေသည်၊။ ရည်ရွယ်ရာအစပထမ ဘဝကိုမေ့လို့ မရပါ။ သမိုင်းပေးတာဝန်ကို ရှောင်ဖယ်၍ မရ။ ကျွန်ုပ်တို့မြန်မာနိုင်ငံမှ လာကြသူများဖြစ်သည်။ ဆင်းရဲမွဲတေ၍ လူတောမတိုးနိုင်သော နိုင်ငံတော် အတွက် ကယ်တင်တိုက်ပွဲ ဝင်ခြင်းမှာ ဂုဏ်ယူဝံ့ကြွားစရာ တိုက်ပွဲဝင်မှုမင်္ဂလာဖြစ်သည်။

စောထစခန်းရဲ့သုဿန်တစပြင်တွင် ကျနော်တို့၏ မျက်ရည်၊ သွေး၊ ချွေး၊ ရဲဘော်သူငယ်ချင်းဝိဥာဉ်တိုဖြင့် ၁၉၈၈ ခုနှစ်၊ စက်တင်ဘာလ (၂၁) ရက်နေ့တွင် တည်ထောင်ခဲ့သည်။ ထို့အတွက် ကျနော်တို့စောထဖောင်ဒေးရှင်းကို ၂ဝဝ၈ ခုနှစ်တွင် ရဲဘော်သူရဲကောင်းအပေါင်းအား တိုင် တည်၍ ကျန်ရှိနေသော (နည်းပေါင်းစုံဖြင့် လက်နက်ချအညံ့ခံသူများမှအပ) ရဲဘော်ညီအကိုတော်အပေါင်းမှ သံန္ဖေတည်၍ ၂ဝဝ၉ ခုနှစ် ဤအချိန် အခါသမယတွင် အောင်မြင်စွာမွေးဖွားလိုက်ပါသည် ဤစောထဖောင်ဒေးရှင်းမှ တပ်ရင်းမှစွန့်လွှတ်အနစ်နာခံ ကျဆုံးသွားသော ရဲဘော်/ရဲမေတို့၏ ကျန်ရစ်ခဲ့သည့် မိဘ၊ မောင်နှစ်မများ၏ အကြပ်အတည်းအခက်အခဲများကို အလှည့်ကျ တစ်နိုင်တစ်ပိုင်ပံ့ပိုးကူညီ ထောက်ပံ့ခြင်းနှင့် ပညာရေးဆိုင်ရာ၊ လူမှုရေးဆိုင်ရာ ထောက်ပံ့ဂုဏ်ပြမှုများ ပုံမှန်အကောင်အထည်ဖေါ်ဆောင်ရွက်သွားမည်ဖြစ်သည်။အသက်ခြင်းဆက်ခဲ့သော ဘဝများကို မမေ့ကြပါ။ ကျနော်တို့တွင် သမိုင်းကြွေးများစွာရှိပါသည်။ ထို့အတွက် ဤစောထရဲဘော် အားလုံးမှ တတ်စွမ်းသမျှ ပေးဆပ်သွားမည်ဖြစ်သည်။

ကျနော်တို့သည် ဒီမိုကရေစီရေးတိုက်ပွဲတွင် ကျဆုံးပျောက်ကွယ်သွားကြသော အာဇာနည်သူရဲကောင်း ရဲဘော်/ရဲမေများ၏ ကျေးဇူး ဂုဏ်သိက္ခာကို လေးစားစွာဦးညွတ် အလေးပြုပါ၏။ ထိုအာဇာနည်များ၏ လွှင့်ထူခဲ့သောအလံကို မျိုးဆက်သစ်များနှင့်အတူ မြဲမြဲဆုပ်ကိုင်ရင်း အမြင့် ဆုံးထိ လွှင့်ထူတိုက်ပွဲဝင်သွားမည်ဖြစ်သည်။ သန့်စင်မွန်မြတ်သော သမိုင်းမှော်ကွန်းကို ရေးထိုးသွားမည်ဖြစ်ပါသည်။

- ရှစ်ဆယ့်ရှစ် ဝိဥာဉ်များ ၏သစ္စာကိုစောင့်သိလျှက်

- ဒီမိုကရေစီအရေးတော်ပုံ အောင်ရမည်။

နိုင်ငံတကာရောက် တပ်ရင်း ၂၁ဝ၊၂၁၄

(စောထစခန်း) ရဲဘော်/ရဲမေ များ

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး




ဆက်သွယ်ရန်- ဒေါင်းနီ (၃၃ဝ) ၈၆၁ ၈၈၈၃

မောင်မောင်ဇင် (၅၁ဝ) ၆၈၄ ၅၃၇၁

Thursday, November 19, 2009

္နနှင်းဆီရောင် တော်လှန်ရေး ရုပ်ပုံလွှာ {၁}

ဆောင်းပါး သရုပ်ဖေါ် © သိန်းလှိုင် ( လှိုင်းဘွဲ့ )

တောင်ငူခရိုင်၊ ထန်းတပင်မြို့နယ် ၊ ဇရပ်ကြီး ဒိုင်နယ်။ အရှေ့တောင်ဖက် နှင့် အနီဆုံး ကျောင်းကုန်းရွာမှ ခါးဝတ် ခါးစားနှင့်ပင် ညအမှောင် အင်တိုင်းတောထဲ ကဆုန်စိုင်း ပြေးထွက် လာခဲ့ကြသည်။

ကျနော်က တောထဲ၊ တောင်ထဲ၊ တခါမျှ မရောက်ဖူးသေး။ အဖော် နှစ်ယောက်မှာ နယ်ခံ လူတွေဖြစ်သည့် အလျှောက် လမ်းမှားနိုင်စရာ အကြောင်းမရှိ။ လှမ်းနေသော ခြေလှမ်းတိုင်းကို ခပ်သုတ်သုတ် လှမ်းလိုက်ရင်း ကျနော့် စိတ် အတွေးများက တထင့်ထင့်။ သောက စိတ်တွေက အမျှင်မပြတ်သလို အတွဲလိုက်၊ အတွဲလိုက် ကပ်ပါ လာခဲ့သည်။

မိသားစုနှင့် မွေးကတည်းက ကြာကြာ ခွဲခွာသွားလေ့ မရှိ။ အခုလိုနှစ်ရှည် လများခွဲခွာဖို့ အကြောင်းက ဖန်လာတော့ ယုံကြည်ရာကို အကောင်အထည် ဖော်နိုင်ဖို့ အိပ်မက်တွေ အလီလီ မက်ခဲ့ရသည်။ မက်ခဲ့သည့် အိပ်မက်အတိုင်း သွားကို သွားရမှဖြစ်မည်။ ခြေလှမ်းတွေက တောင်တက် လမ်းလေးအတိုင်း လူမသိသူမသိ သူပုန်တယောက် ဖြစ်ဖို့။ ထို့ထက် မမြင်ရနိုင်သည့် ဟန့်တား နှောက်ယှက်မှုတွေကို ရင်ထဲမှ လူထုအတွက် ပေးဆပ်စွန့် လွှတ်ရမယ် ဆိုသည့် စိတ်ဓာတ်က အချိန်တိုင်း အလဲထိုး အနိုင်ယူရင်းနဲ့ပေါ့။

တော်လှန်ရေး နယ်မြေသို့ ရောက်ရှိခြင်း

မဲတင်းတိမ် တံတား ရောက်တော့ သုံးယောက်သား ညှိုနှိုင်း သဘောတူထားတဲ့ နိမိတ်ပြ သင်္ကေတတွေက ခြေလှမ်းအားလုံးကို ခေတ္တတုန့်ကနဲဖြင့် ရပ်လိုက်သည်။ လမ်းဘေး ခြုံစပ်အတွင်း။ ရှေ့မှာမြင်နေရသည့် တံတား ဘယ်လို ဖြတ်ရဆိုသည့် အသိကြောင့်။ စစ်တပ်မှ ထိုတံတားထိပ်တွင် မကြာခဏ ကင်း ထိုးတတ်သည်။ သုံးယောက်ထဲမှ တယောက်ထွက်၍ စစ်တပ်ရှိ မရှိစုံစမ်းရမည်။ ကုန်သည်တွေ စခန်းချမှု ရှိ မရှိစုံစမ်းရန်။ ထိုစဉ် ဗိုက်ပေါက်မှ သူသွားမည်ဟု ပြောသည်။ အကယ်၍ စစ်တပ်ရှိခဲ့လျှင် သူ့အတွက် မငဲ့ကွက်ပဲ လွှတ်ရာသို့ ပြေးဖို့ ကျနော်တို့ကို ပြောနေသည်။ သို့သော် ထိုည ထိုတံတား၌ စစ်တပ်မရှိ။ ရင်ထဲ စို့နေသည့် သောက အလုံးကြီး ခဏဖြုတ်ချ၍ ခရီးဆက်ကြပြန်သည်။

သုံးနာရီကျော် ဒုန်းစိုင်းလာတော့ ခြေထောက်က သွေးကျလာသလို။ ခြေဖဝါးတွေ နာကျင် ကျိန်းစပ်နေသလို ခံစားရသည်၊ ဗိုက်ထဲ ဟာလပ်ကာ ဆာလောင်နေမိသည်။ ထိုဆာလောင်မှုသည် ကျနော့အတွက် စိန်ခေါ်မှု နံပါတ်တစ် အဖြစ် သတ်မှတ်လိုက်သည်။ အဖော်နှစ်ယောက်မှာ သူတို့ ယုံကြည်ချက်နှင့် သူတို့ ဘဝအတွက် လက်မှတ် ဖြတ်လာကြဟန် တူသည်။ သို့သော် ဤခရီး၌ ကျနော်တို့ တူညီသော သဘောထားတွေ ကိုယ်စီ ရှိကြနေသည်။

တော ခပ်နက်နက်ထဲ ရောက်လာကြပြန်သည်။ ယခင်လို မြေညီလမ်း မဟုတ်တော့။ တောင်တန်းတွေ ကျော်ဖြတ်ဖို့ အတွက် တောင်တက် လမ်းစကို ခပ်ရေးရေး တွေ့စပြုပြီ။ လမ်းစ၏ ညာဘက် ရေတလျှောက်မှ စမ်းကျရေကို လက်ခုပ်နှင့်ခပ်ပြီး တဝ သောက်လိုက်သည်။ လက်မှ နာရီကြည့်လိုက်တော့ ညဆယ့်နှစ်နာရီ ထိုးပြီ။ ဆက်နား၍ မဖြစ်။ တောင်တက်စ လမ်းကြောင်းလေး အတိုင်း စကားတိုးတိုးပြော၍ တက်စဉ်။ ဟေ့! ရပ် ဘယ်သူလဲ ? ။ စူးရှသည့် နက်မှောင်းသည့် အသံနက်ကြီး။ တကိုယ်လုံး ပူထူသွားသည်။ ကြောက်ရွံ့ တုန်လှုပ်မှုများ နှင့်အတူ ဆွံ့ အ နေကြ။ လက်မြှောက်။ အမိန့်ပေးသံ အတိုင်း တသွေမတိမ်း နာခံလိုက်ကြရပြီ။ အတတ်နိုင်ဆုံး ထိန်းချုပ်ထားသည့် ဒူးနှစ်ဘက်က နတ်ပူးနေသည့် အလား သဏ္ဌာန်။ ခင်ဗျားတို့ ဘယ်သူတွေလဲ၊ ဘာလာ လုပ်တာလဲ၊ တောင်ပိတ်ထားတာ မသိကြဘူးလား၊ အမှောင်ထဲ ဘာလို့ ထွက်လာကြ သလဲ။ မေးခွန်းများက ဒလစပ်။

ကျနော်တို့ ဈေးသည်တွေပါ ဗိုလ်ကြီး၊ ဗိုလ်ကြီးတို့ တောင်ပိတ်ထားတာ မသိလို့ပါ။ ကျနော့ စူးစမ်းနေမှုက မီးစင်ကြည့်ပြီး ကဖို့ သက်သာနိုင်မယ့် အဖြေတခုပါ။ သေနတ်နှင့် လူက သူနှင့်အတူ လိုက်ခဲ့ဖို့ အမိန့်ပေးတယ်။ ချောင်ကျကျနေရာ တခုမှာ ခေါ်သွားထားတယ်။ ဝါးနွယ်ဝါးတွေ ထူထူထပ်ထပ် ပေါက်နေတဲ့ကြားထဲက ခနော်ခနဲ့ တဲတလုံးကို တွေ့ရသည်။

ဒီပုံနှင့် တညလုံး ဖြုတ်ကိုက်၊ ခြင်ကိုက် မိုးမြန်မြန် လင်းပါစေလို့သာ ဆုတောင်းနေမိ၏။ နံနက်ရောက်တော့ သေနတ်နှင့်လူက ထင်ထားတဲ့ စစ်တပ်မှ မဟုတ်ပဲ လက်နက်ကိုင် တော်လှန်ရေးမှ ရဲဘော်တယောက် ဖြစ်နေတာ သိရ၍ ကျနော်တို့ အားတက် ဝမ်းသာ နေမိသည်။ ကျနော်တို့က သူ့ကို အကျိုးအကြောင်း ရှင်းပြလိုက်၏။ တမုဟုတ်ချင်း ခင်မင်ရင်းနှီးမှု နှင့်အတူ မိတ်ဆွေ ဖြစ်သွားသည်။ ခဏအကြာ ခေါင်းဆောင် ဖြစ်ဟန်တူသူ တယောက် ရောက်လာသည်။ ပျူပျူငှာငှာ နှုတ်ဆက်ပြီး သိမ်သိမ်မွေ့မွေ့ စကားဆိုသည်။ လွန်ရော ကျနော့ထက် အသက် ငါးနှစ်ခန့် ကြီးမည် ထင်ရသည်။ မုတ်ဆိတ်မွှေး ညှင်းသိုးသိုးနှင့် ထိုရဲဘော်၏ ပါးစပ်တွင် ဆေးတံတချောင်း ကိုက်လျှက်။ ဆေးတံသောက်လိုက်၊ စကားပြောလိုက်နှင့် တခါတခါ သူမှုတ်ထုတ် လိုက်သည့် ဆေးတံမီးခိုးက ကျနော့ နှာခေါင်းထဲတိုးဝှေ့ ဝင်၍ အနေရကြပ်လှ၏။ လာရင်း အကြောင်းကို လေးလေးနက်နက် ဖွင့်ဆိုပြသည်။ တဘက်မှာတော့ ကြောက်စိတ်နှင့်။ ထိုခေါင်းဆောင်မှ ကျနော်တို့ကို ယခုလို အသိစိတ်ဓါတ် ရှိရှိနှင့် တော်လှန်ရေး တာဝန်ထမ်းဆောင်ဖို့ ရောက်လာကြသည့် အတွက် အထူး လေးစားကြောင်း၊ ဒီနေ့ စစ်အာဏာရှင်ကို ဘာကြောင့် တော်လှန်နေရသလဲ ? ဆိုသည့် သူတို့၏ ယုံကြည်ချက်ကို စိတ်ဝင်စားဘွယ် ရှင်းပြနေသည်။ ကျနော့် စိတ်ထဲမှ ထိုရဲဘော်ကို တိုးတိုးတိတ်တိတ် မှတ်ချက်ပြုနေမိ၏။

ချီဂိုလာတောင် အမြင့်ကြီးပေါ်သို့ ရဲဘော်တွေ နှင့်အတူ လိုက်ပါခဲ့ကြသည်။ ကရင်ရွာလေး တရွာ၌ အဖွဲ့တွေဆုံကြ၍ ရဲဘော်အချင်းချင်း စကြ၊ နောက်ကြ၊ တယောက် လက်မောင်း တယောက် ထိုးကြိတ် ကျီစယ်နေကြပုံ သားရင်းများနှယ်။ သူတို့ဝတ်ထားသော ယူနီဖောင်းတွေက ကျနော် ကြည့်ခဲ့ရသော စစ်ကားများထဲမှ ဝတ်ထားသည့် ပြောက်ကျား ယူနီဖောင်းများနှင့် တပုံစံတည်း။ တချို့ ရဲဘော်တွေက ဆံပင်ရှည်ပြီး တချို့ က တယ်လည်း သန့်သန့်ပြန့်ပြန့် ရုပ်ရည်တွေနဲ့ မိန်းမချော ချောပြီး ရဲဘော်တွေမှာ တောထဲတောင်ထဲ ကြီးမားလေးနက်သည့် တော်လှန်ရေး တာဝန်တွေ ထမ်းဆောင် နေကြပါလားဟု စိတ်ထဲက မှတ်ချက်ချ နေမိ၏။ လူနေမှု အဆင်အတန်းမြင့်သည့် မိသားစုမှ သားသမီးများ၊ တောင်သူလယ်သမား သားသမီးများ၊ အလုပ်သမား သားသမီးများ၊ ခေတ်ပညာတတ် သားသမီးများ အပြင် တိုင်းရင်သား လူမျိုးစုတွေထဲမှ အမျိုးအစားတို့ စုံလင်စွာနှင့်။

ကျနော်လည်း အဘယ်ကြောင့် တော်လှန်ရေးတာဝန် မထမ်းဆောင် နိုင်ရမှာလဲ ကိုယ့်ကို ကိုယ် မကျေမနပ် ဖြစ်နေမိ၏။ တောင်ထိပ် ရောက်လုနီး၊ "မဒယ်ဂါလဲ" ကရင်သံဝဲဝဲ နှင့်အော်သံ။ ရှေ့ ပွိုင့် ထွက်ရဲဘော်မှ "ကျိုးဖိုး" လို့ ကရင်လို ပြန်ပြောလိုက်သည်။ ထိုစကားလုံး ကို မှတ်ထားပြီး အိပ်ရာဘေးမှ ရဲဘော်ကို မေးကြည့်တော့ "ကျိုးဖိုး" ဆိုသည့် ဝေါဟာရ အဓိပ္ပါယ်မှာ ကျောင်းသား ဟု သိရသည်။ ကျနော့ အတွက် ထိုစကားလုံးသည် ထိုဒေသ၊ ထိုလူမျိုး၊ ထိုလူထုနှင့် တချိန်ချိန်မှာ ပေါင်းကူးတံတား ထိုးပေးနိုင်ခဲ့ လိမ့်မည်ဆိုတာ မတွေးမိခဲ့သေးချေ။

ရှေ့တန်း ဧရိယာမို့ ရဲဘော်တွေ ထမင်းစောစော ချက်ကြသည်။ နံနက် ငါးနာရီတွင် ရဲဘော်အားလုံး တန်းတူ ထကြရသည်။ ကျနော်တို့ က အရပ်ထဲမှာ အရပ်သားလို နေခဲ့ပြီး နေဖင်ထိုးမှ အိပ်ရာ ထတတ်သည့် အကျင့်ဆိုးကြောင့် ရဲဘော်တွေလို စောစောမထ နိုင်ခဲ့။ ဝါးနှင့်ခင်းထားသည့် ကွပ်ပျစ်ပေါ်၌ လှဲနေသည်။ နောက်ရက်များ၌ တပ်စိတ်မှူးမှ ထမင်းချက်ရန် ကျနော်တို့ကို အကူအညီ တောင်းသည်။ ထိုသို အကူအညီ တောင်းသည်ကို ဆံပင်ရှည်နှင့် ရဲဘော်မှ ကျနော်တို့သည် ရဲဘော်အသစ်များ ဖြစ်သည့်အတွက် ရေမခပ် ခိုင်းစေလို။ အကယ်၍ လျှပ်တပြက် တိုက်ပွဲဖြစ်ခဲ့လျှင် မိမိတို့မှာ တာဝန် ရှိကြောင်းထောက်ပြ ပြောဆို၏။ ကျနော်တို့မှ ရပါတယ်ဟု အားတက်သရောနှင့် ဝါးဘိုးဝါး ခပ်ထူထူ ဗူးကြီးကို ထမ်းပြီး တောင်အောက်သို့ ဆင်းလာခဲ့ကြသည်။ ကျနော်တို့ နှင့်အတူ ရေခပ်ဆင်းလာသည့် ရဲဘော်မှာ AK- မောင်းပြန်သေနတ်ကို စလွယ်သိုင်းပြီး ရေခပ်ဆင်းရာသို့ ဦးဆောင်သွားသည်။ ရေခပ်ဆိပ်မှာ စခန်းကုန်းမှ အတော်လေး ဆင်းရသည်။ ဝါးဗူးထဲ ရေဖြည့်ပြီးသောအခါ ဘယ်လိုထမ်း တက်ရမလဲ မေးတော့ ထိုရဲဘော်မှ ဝါးဗူးကို ကျောပြင်မှာကပ်ပြီး ခြေနှစ်ဘက်ကို တောင်ကွေး ကွေးထားရတယ်၊ လက်နှစ်ဘက်က ဝါးဘိုးဝါးကို နောက်ပြန်လက်အုပ်မိုးပြီး ကုန်းကုန်းကုန်းနှင့် တရွေ့ရွေ့တက် သွားသည်။

ကျနော်လည်း ထိုပုံစံလုပ်ပြီး ထမ်းတက် ကြည့်သည်။ တောင်တက်လမ်း တလျှောက် ကို့ရိုးကားယားနှင့် တကိုယ်လုံး ရေတွေစိုပြီး စခန်းကုန်းပေါ်သို့ အဆင်မပြေစွာနှင့် ရောက်ရှိသွားသည်။ စခန်းကုန်းပေါ်သို့ ပါလာသည့်ရေ နည်းနည်းမှ ကျန်တော့သည်။ နောက်ဆိုလျှင် တောင်ကုန်းပေါ် ရောက်သည့် ရေတွေကို ရိုရိုသေသေ သုံးစွဲရန် ကျနော့ကိုယ် ကျနော် စည်းကမ်းသတ်မှတ် လိုက်ရသည်။

ည အိပ်ချိန်ရောက်သည့် အခါ တချို့က ရေဒီယို နားထောင်နေကြ၊ တချို့ သရဲအကြောင်း ပြောနေကြသည်။ ကျနော့ ညာဘက်က အုပ်စုကတော့ သူတို့ ရည်းစားတွေ အကြောင်း ပြောဆို ရင်ဖွင့်သံတွေက ကျနော့ နားကို တချက် တချက် ကြားဖြစ်နေသည်။ ကျနော့ ကွပ်ပျစ်ပေါ်မှ အတော်ဝေးဝေး မှုန်ပျပျမှ လင်းလိုက်၊ မှိတ်လိုက် ဖြစ်နေသည့် မိုက်ကရိုဝေဗ့် ကြေးနန်းတိုင်မှ မီးနီလေး မြင်နေရသည်၊ ပိုစုန်းကြူး အလင်းရောင်လောက်နှင့် တအိအိ သွားနေကြသည့် မီးတန်းတွေက ကားတွေ ဖြစ်လိမ့်မည်ဟု ငေးမော ခန့်မှန်းရင်း။ မနေ့က မြို့ပြမှ ကျနော် ဒီနေ့ တောထဲ တောင်ထဲကို ဘယ်လိုရောက်ခဲ့သလဲ ဆိုသည့် နောက်ပြန်ငေးမော၊ တွေးကြည့် စဉ်းစားခန်းတွေ နှင့်။ မြို့ ပြကို မသိစိတ်က ရောက်နေသည်။ သိစိတ်၏ အချို့ အစိတ်အပိုင်း မှာတော့ ခန္ဓာကိုယ်က မှေးစက်အနားယူ သွားမှန်း မသိလိုက်မိတော့။

သင်တန်း ကာလ(၃) လ။

မိုးတွင်းဖြစ်၍ သက်လုံကောင်းစေဘို့ နံနက် ငါးနာရီ တန်းတူ ထကြ၊ ပီတီ ပြေးကြရသည်။ သံလွင်မြစ် ကမ်းနဘေး သဲသောင်ခုံမှာ စစ်ချီတေး သံပြိုင်သီဆိုသံများ ကတော့ (တိပ်၊နှိပ်၊သုံး၊လေး) ၂-ဘာလုပ်နေလဲ လေ့ကျင့်နေတယ်) ဘာလုပ်ဖို့လဲ (ဘာလုပ်ဖို့လဲ)- တိုက်ပွဲဝင်ဖို့၊- ဘယ်သူ့ အတွက်လဲ (ပြည်သူ့ အတွက်ပဲ) ၃။ သက်သာ အနေအထားနှင့် နေစေပြီး သင်တန်းမှူးမှ သြဝါဒ ချွေနေသည်။ ကျနော်က စိတ်မဝင်စား၊ မျက်စေ့ရှေ့ မှဖြတ်လာသည့် လှေကို မျက်စေ့တဆုံး ကြည့်မိ၍ မိကျောင်းတက် တက်ခိုင်း၍ ကျနော့မှာ ဒါဏ်ပေး ခံရသည်များ အမှတ်ရနေမိသည်။

မိုးရွာထဲ သင်တန်းတက်ရ၍ သင်တန်းသားအချို့ ပမ်းဖျား ဖျားနေကြသည်။ အိပ်ဆောင်မှာ ဆေးကို့စ် ယူထားရသည်။ ကွီနိုင်းက ငှက်ဖျားမဖြစ်ဖို့ အော့ကြောလန် ချင်စရာ ဖြစ်အောင် သောက်ရ၍ နားနှစ်ဘက်စလုံး အူသည်။ ဗိုက်ထဲ၌ အစာမရှိ၍ မကြာခဏ အန်၍ အားမရှိ။ မည်သည့် အစားအစာမှ မဝင်ပါ။ ဆေးကို့စ် ပြည့်သည့်နေ့  ထမင်း စစားသည်။ နာလန်ထ ဖြစ်၍ ဘာဟင်းနှင့် ဖြစ်ဖြစ်စား၍ အလွန်ကောင်းသည်။

တောတွင်း ရှာဖွေ စားသောက်နည်း။

အဖွဲ့နှစ်ဖွဲ့ ခွဲ၍ တောထဲလွှတ်သည်။ ဆန်နှစ်ဗူးဆီ ယူ၍ သွားရသည်။ တောထဲ၌ စခန်းချသည်။ ကင်းစောင့်တဲ့သူ စောင့်။ ကတုတ်ကျင်း တူးသည့်အဖွဲ့က တူးကြ။ ထမင်းချက်သူ ချက်နှင့်။ သင်တန်းမှူးမှာ ညမှောင်ရီ ပျိုးစ၌ သူ့ မိန်းမထံ ပြန်သွားသည်။ ကျနော်တို့အား ရိက္ခာ သွားထုတ်ဦးမည်ဟု လည်း ပြောသွားသည်။ (ပြန်လာတော့ လက်ထဲ ဘာရိက္ခာမှ ပါမလာ။ ဒါတောင် သင်တန်းမှူး ရိက္ခာယူ ပြန်လာကြောင်း အသေအခြာ ထောက်ခံသူရှိသည်။) သူပြန်မလာမှီ ကျနော်တို့က သူလာမည့် လမ်းကို တိုက်မိုင်းတွေ ဆင်ထားကြသည်။ (တိုက်မိုင်း ဆိုသည်မှာ တကယ်မိုင်း မဟုတ်ပါ။ လူသွား လမ်းဘေး၌ ပေါက်နေသည့် ကိုင်းမြက်ပင်ရှည်တွေ ၊ ဝါးရုံးပင် ငယ်လေးတွေ ဟိုဘက်သည်ဘက် စုစည်းချည်ပြီး ချည်ထားကြသည်။ ) အားလုံး အိုကေ လို့ ဆုံးဖြတ်ပြီးသည်နှင့် တပြိုင်တည်း ကျနော်တို့ နှစ်ဖွဲ့စလုံး ကင်းတယောက်မှ မစောင့်ကြပဲ ပင်ပန်းထားသမျှ အတိုးချပြီး တခေါခေါနှင့် အိပ်ပျော် သွားကြသည်။ အိပ်၍ ကောင်းနေတုန်း မှောင်ကြီးမဲမဲထဲ ဂျီသရီး သေနတ်သံက တဒိုင်းဒိုင်းနဲ့ အော်တို ကုတ်ပါလေရော့လား။ ကျနောလည်း ကမူးရှူးထိုးနှင့် အိပ်ယာထဲမှ ဝုန်းကနဲ အထွက် တဲရှေ့  သစ်ငုတ်တိုကြီးနှင့် အားရပါးရ တွဲဖက် မိတ်ဆက် မိသွားသေးသည်။ မျက်လုံးနှစ်လုံးသည် မီးပွင့် မတတ်ဖြစ်သွားသည်။ ကိုယ်တူးသည့် ကတုတ်ကျင်း ထဲသို့ ရောက်အောင် သွားသော်လည်း ကတုတ်ကျင်းက ဘယ်ဆီနေမှန်း မသိအောင် ဖြစ်နေပြန်သည်။

နီးစပ်ရာ ကျင်းထဲ ခုန်ချတော့ ကျနော့ အလျှင်ရောက်နေသည့် ရဲဘော်မှ မောင်းထုတ်၍ လန့်ပြေး ပြေးလိုက်တော့မှ ကိုယ့်ကျင်းထဲ အခန့်သား အံကျဝင်မိ ရက်သား ဖြစ်သွားသည်။ ကျင်းထဲ ငုတ်တုတ်ထိုင် မျက်စိမှိတ်ပြီး ကျောင်းသား တပ်မတော်ကွ ၊ အရှင်ဖမ်း၊ အရှင်ဖမ်း။ သူများတွေ အော်သလို လိုက်၍ အော်နေမိသည်။ နှစ်ဖွဲ့ စလုံး လူစုပြီး လူစစ်ကြတော့ တစ်ယောက် လိုနေသည်။ လိုက်ရှာကြည့်တော့ - "ကြောင်နာ" ဟု အမည်ပေးထားသော ရဲဘော်က သူများ ကမ္ဘာပျက်ချိန်မှာ သူက သူ့နေရာမှာ သိုးလို့ ကောင်းတုန်း။ အားလုံးမှာ တကိုယ်ရေ စစ်သုံးပစ္စည်းများ အိပ်ရာဘေး၌ အကုန် ကျန်ရစ်သည်။ ကျနော်တို့နှင့် ပါလာတာ ကတော့ လေ့ကျင့်ရေး သေနတ်များ (သစ်သားဖြင့်) ကျနော့လက်ထဲ ပါလာတာ ကတော့ သေနတ် မဟုတ်ပဲ ဝါးရင်းတုတ်ကြီး ဖြစ်နေသည်။ မနေ့က ကျောင်းသားတွေကနေ ဒီနေ့ အရှင်မွေးလို့ နေ့ချင်းကြီး တဲ့ စစ်သားတွေမို့လေ တွေးကြည့်ပေါ့။

တခါသား မှာတော့ ကျနော်တို့ အားလုံး နေပူကြီးထဲ တောတိုးနေရသည်။ တောတိုးသည် ဆိုရာ၌လည်း ဖြစ်ပုံက သစ်ပင် ကြီးကြီးမားမား မရှိသည့် နေရာ။ တံမြက်စည်းတော၊ သက်ငယ်(ကယ်)တော၊ ဂျာမဏီ ခြုံတွေ တိုးရလွန်း၍ မျက်နှာ၊ လည်ပင်း၊ လက်မောင်း၊ ခြေထောက်၊ တကိုယ်လုံး သက်ကယ်ကြောတွေ ရှထား၍ ပူစပ်ပူလောင် နှင့် ဒီကြားထဲ ချွေးတွေ စွဲစိုနေတော့ ခံရ အတော်ဆိုးသည်။ တောတိုးပြီးသည်နှင့် တပ်ရင်းသို့ ပြန်ကြရသည်။ အယင်ရောက်သည့် ရဲဘော်တွေက ရေချိုးဆိပ်တွင် သင်တန်းမှူးကို မကျေမနပ်နှင့် ကျိန်ဆဲ နေကြသည်။ ရဲဘော်-ဂီ-တယောက် ပြန်မရောက် လာနိုင်၍ ကျနော်တို့သူ့ကို အသံပေး အော်ခေါ်ကြသည်။ တနေရာ ရောက်တော့ ရဲဘော်ဂီမှာ- အသံသြသြနှင့် ငိုနေသည်ကို တွေ့ရသည်။ နေကလည်းပူ၊ မောကလည်းမော၊ မွန်းတက်ချိန် ဖြစ်သော ကြောင့်- ရဲဘော်ဂီမှာ ထမင်းဆာနေ၍လား မသိ။ စကားပြောလျှင် နွမ်းဟဟလေးပဲ စကားကိုဖွပြောသံ ကြားရသည်။ ဘဝမှာ မမေ့နိုင်ကောင်းသည့် နေ့ရက်တွေ ပါလားဟု ကျနော့ရင်ထဲ ထင်ကျန်၍ နေသည်။

သင်တန်း ဆင်းသည့်နေ့

တပ်ရင်းမှူးမှ ပြောက်ကျားယူနီဖောင်း ဝတ်စုံတွေကို သူကိုယ်တိုင် ဝယ်ယူခဲ့သည်။ ကျနော်တို့ သင်တန်းသားတွေကို ဝတ်စေပြီး သင်တန်းဆင်းရန်။ စက်ပစ်ကွင်း နောက်ဆုံး မောပန်း ပစ်ခတ်စဉ် သင်ခန်းစာ အမှတ်ယူဖို့ အချိန်။ AR ဆယ့်ခြောက် မောင်းပြန်သေနတ်ကို အကြိမ်ကြိမ် တိုက်ချွတ် ။ပစ်မှတ်ကို ဝင်အောင် ပစ်နိုင်ပါ့မလား ဟု သံသယ စိတ်နှင့် ရင်ခုန်နေမိ။ သင်တန်းသား အချို့ ပစ်ပြီးကြ၍ တပ်မှူး အချို့က ပစ်မှတ်တွေ၏ ရမှတ်များ ပေါင်းနေကြ၏။ ကျနော်အား သေနတ်ပစ်လျှင် ဘယ်လိုပစ်ရမယ် သင်ပေးလိုက်သည့် ရဲဘော်မုတ်ဆိတ်၏ စကားတွေကို စက်ပစ်ကွင်းရှေ့မှာ မြင်ယောင်နေရင်း သေနတ်ကို မှောက်ပြီးပစ်မယ်ဆို သေနတ်ဒင်ကို မိမိရဲ့ ညာဘက် ပုခုံးအောက်ထောက်၊ ဘယ်ဖက် လက်ကို ထောက်ပြီး သေနတ်ရဲ့ရှေ့ ဖိုက်ဘာအဖုံးကို ကိုင်ရမယ်။ ကိုင်တဲ့နေရာမှာ ညာဘက်ပုခုံးကို အားပြုပေး။ ညာဘက် လက်က သေနတ် ခလုတ်ဂွင်းထဲ ထည့်ဖို့ လက်ညိုးကို နီးနီးကပ်ထားပါ။ ညာဘက် မျက်စေ့ကိုမှိတ်။ ရှေ့ပြောင်းဝထိပ်မှာ တပ်ထားသည့် ချိန်သီးနှင့် အညီယူ(ရေအိုးတင်) ပစ်မှတ်ကိုချိန်။ ပစ်တော့မယ်ဆို လက်ညိုးကို ဂွင်းထဲ ထည့် အသက်ကို မှန်မှန်ရှု။ ပစ်ပြီဆိုတာနဲ့ အသက်ကိုအောင့်ထား၊ လက်ညိုးကို အသာလေးကွေး။ ခလုတ်ကို ဖြုတ်ချလိုက်။ ဒိုင်း …. အဲဒီနေ့ သင်တန်း ဆင်းတော့ ကျနော် ဒုတိယ ပစ်မှတ်အများဆုံး ရကြောင်းသိရ၍ ဝမ်းသာမှုနှင့် အတူ သင်တန်းနေ့ ရက်တွေကို ယခုတိုင် လွမ်းသလိုလို ခံစားနေရသည်။

ရှေ့တန်း ထွက်ရမယ်။

အတိုင်းမသိ ဝမ်းသာမှုနှင့်အတူ မျက်ရည်များပင် စို့တက်သွားမိသည်။ သုံးမရသည့် အီကွစ်မင့်န် အပုံထဲမှ သုံးရမည့် ပစ္စည်းတွေဖြုတ်။ ခရီးသွား အဆင်ပြေအောင် အပ်ပြန်နှင့် ရေဗူးအိတ်၊ ဘောက်ချပ်အိပ်၊ စစ်ခါးပါတ်မှာ သီပြီးချုပ် ။ ကျည်ဘောက်နှင့် သေနတ်ကို သေနတ်တိုက် ဆီနှင့် တိုက်ချွတ် ဆေးကြော။ အပြန်ပြန် အလှန်လှန် တိုက်ချွတ်၍ စိတ်ချ ရလောက်ပြီဆိုမှ နေပူထဲ ထုတ်လှန်း ပြီး ခေါင်းရင်းနဘေး သံချောင်းမှာ ချိတ်ဆွဲထားသည်။ ကျောပိုးအိပ်ထဲ အဝတ်အစားတွေ ထည့်နေတုန်း ရဲဘော်တယောက်မှ အဝတ်အစား နှစ်စုံလောက် ထည့် လမ်းကျ မသယ်နိုင်လို့ ဒုက္ခရောက် နေဦးမယ်။ ပြောတဲ့စကားကို နားမထောင်အား။ ဆန်ကြိုး၊ အီကွစ်မင့်န်၊ ကျောပိုးအိပ်၊ နေရာတကျ ထား။ ခေါင်းအုံးအောက်မှ ခေါက်ရိုးကျိုးနေသည့် ယူနီဖောင်း အသစ်ကို စတိုင်ကျကျ ဝတ်ရင်း စိတ်ဓတ်တွေ တက်ကြွနေသည်။ ကျနော့်ကိုကြည့်ပြီး ပီတိဖြစ်နေသည့် ရဲဘော်မုတ်ဆိတ်ကို ကျနော်က ရှေ့တန်း ထွက်ခါနီး ကြည်စယ်ခဲ့သေးသည်။ ကျနော်တို့အဖွဲ့ လှေပေါ်တက်ကြသည်။ စုစုပေါင်း ခုနှစ်ယောက်။ တပ်စိတ်မှုး ရဲဘော်ရဲနိုင်(အဘ) ။ ဒုစိတ်မှုး ရဲဘော်မင်းအောင် (ကိုရင်) ။ အားလုံးကို လက်ပြ နှုတ်ဆက်၊ တပ်ရင်းမှုးကို အလေးပြုပြီး ထွက်လာသည့် ရဲဘော်ရဲနိုင် ကို လှေပေါ်သို့ ဆွဲတွဲကူရင်း။ သံလွင်မြစ်၏ ရေဆန်ခရီးကို အန်တု၍ စတင် မောင်းနှင်လေတော့သည်။

စေထရွာ အထိ လှေပို့ပေးသည်။ ကေအန်ယူ ခရိုင် တာဝန်ရှိသူတွေနှင့် နယ်မြေ ဖြတ်သန်းသွားလာခွင့် ကိစ္စညှိနှိုင်း၍ ခရီးဆက်ကြသည်။ ရှေ့တန်း စထွက်ရ၍လား မသိ ကျနော် အူမြူး နေသည်။ သင်တန်းမှ သင်ပေးလိုက်သော သင်ခန်းစာတွေထဲမှ အချို့ အစိတ်အပိုင်းတွေကို လက်တွေ့ လှုပ်ရှားမှု ဧရိယာ၌ အသုံးချ စသွားရင်း။ ကျနော် ရှေ့ဆုံးမှ ပွိုင့်ထွက်သည်။ မမျှော်လင့်ပဲ မိုးက ရွာပါလေရော၊ စစ်မိုးကာ ကိုယ်စီ ခြုံကြသည်။ ကျနော် တယောက်တည်း မိုးကာမခြုံ။ ကျနော်ကြည့်ဖူးသော စစ်ကားတွေ၌ စစ်သားတွေ မိုးကာခြုံတာ မတွေ့ရသည့် အတွက်ကြောင့် ကျနော့ စိတ်ထဲမလိုဟု ထင်နေမိသည်။ မိုးစက် မိုးပေါက်တို့က ကျောပိုးအိပ် ပေါ် ကျဖန်များတော့ ခရီးသွားရတာ အဆင်မပြေ။ တောင်တက်ဖိနပ်က အသစ်မို့လား မပြောတတ် အရေပြားတွေ ပေါက်ပြဲကုန်သည်။ ရေစိုထားသည့် ကျောပိုးအိပ် လေးသည်ထက် လေးလာသည်။ ရွာရောက်တော့ တွေ့သည့် မုန့်ဆိုင်တွင် အကျီင်္နှင့် မုန့် လဲစားလိုက်သည်။ ကေအန်ယူ တပ်မဟာ(၂) ဌာနချုပ်ရောက်တော့ အိပ်ထဲ အဝတ်အစား တစုံပဲကျန်တော့သည်။ ကျန်သည့် ကျောပိုးအိပ်မှာလည်း သိပ်အသုံးမဝင်တော့ မဟာမိတ်ရဲဘော် တယောက်ဆီမှ စစ် ဟားဗားဆိုက်နှင့် လဲလိုက်တော့မှ အတော် အဆင်ပြေ သွားသည်။

တောင်ငူ၊ ဇရပ်ကြီးဘက်မှ ရဲဘော်သစ်တွေ ရောက်လာမည်ဟု သတင်းရသည်။ သူတို့အတွက် ထမင်း၊ ဟင်း ချက်ပြုတ်ထားကြသည်။ ရဲဘော်သစ်တွေမှာ ကြောက်၍လား မပြောတတ် စကားပြောလျှင် ရိုကျိုး ခယစွာနှင့်။ ကျနော် တောခို စက ဤကဲ့သို့ ပုံစံမျိုးဖြစ်သည်၊ အခုတော့ သူတို့ထက်စာလျှင် အရေခွံထူလာပြီ၊ အဘနှင့် ရဲဘော်တွေ ဤကြေးနန်း ရရခြင်း နောက်တန်းဌာနချုပ်သို့ အမြန်ဆုံး တက်လာရန်။ အရေးတကြီး ကြေးနန်း ရိုက်ခေါ်တာကြောင့် ခရီးထွက်ဖို့ ပြင်ဆင်ကြရ ပြန်သည်။ ဆန်ကြိုးကို ဆန်ထပ်ဖြည့် အီကွစ်မင့်န်ကို ပြန်စစ်ဆေး၊ ရေဗူးထဲ ရေထပ်ဖြည့် ။ ရဲဘော် မင်းကိုအောင်မှ ရှေပွိုင့် ထွက်သည်။ သူပွိုင့်ထွက်ပုံမှာ ကြည့်၍ ကောင်းသည်။ အမှန်တကယ် ဤကဲ့သို့ ဖြစ်ရမည်ဟု သုံးသပ်မိသည်။ သေနတ်ကျည်ထိုး၍ ရန်သူကို တကယ်တွေ့နေသည့် အလား ပုံသဏ္ဍာန်နှင့် ဘေးဘယ်ညာသို့ သေနတ်ထိုးချိန်၍ မျက်လုံးအစုံမှာ သိမ်းငှက်ကဲ့သို့ စူးရဲဖြတ်လတ်နေသည်။ တောင်ကုန်း တခုအပေါ်သို့ ပေါ့ပါး လျှင်မြန်မှုနှင့်အတူ သူ၏ လှုပ်ရှား တက်သွားပုံမှာ ကျနော့အတွက် အစဉ်အမြဲ ရန်သူကို သတိရှိရှိ ရင်ဆိုင်နိုင်ဖို့ သတိပေးသလို ဖြစ်စေသည်။ တောချောင် တခုသို့ အဖြတ်၊ တောစပ်တခုသို့ အဝင် လူသံကြား၍ ရှေ့ပွိုင့်မှ အချက်ပြ သင်္ကေတ ပြုလိုက်တာနှင့် လမ်းဘေး ကျည်ကွယ်၊ မျက်ကွယ် နေရာကိုယ်စီ ယူလိုက်ကြသည်။ အတော်လေးကြာတော့ ရှေ့က လူသံမှာ ရွာသားဖြစ်နေတာ သိရသည်။ ထိုနေရာတွင် ရန်သူစစ်ကြောင်း အမြဲ အသုံးပြုနေသော လမ်းကြောင်းဖြစ်၍ သတိရှိစွာ ဖြတ်ကူးကြရသည်။

ဒီလိုနဲ့ ယာပလို တဲသို့ မိုးချုပ်မှ ရောက်ကြသည်။ တောင်ကြားထဲ လယ်ကျင်းတွေ ဖော်ပြီး လုပ်ကိုင် စားသောက်ရသော ကရင်ရွာသား တစုကို တွေ့ရသည်။ ထိုရွာမှ တပ်မဟာ-(၁)၊ (၂)၊ (၃)၊ ဒေသ အသီးသီးသို့ လမ်းခွဲ၍ သွားရသည်။ တော်လှန်ရေး အဖွဲ့အစည်းများ၊ ကုန်သည်များ၊ ရွာနီးခြောက်စပ်မှ ရွာများ ၊ အဝေးမှ ရွာများမှ မြို့ပြသို့ လည်းကောင်း၊ နယ်စပ်သို့ လည်းကောင်း၊ ကူးလူး ဆက်သွယ် အသုံးပြုကြသည်။ ကျနော်တို့ အဖွဲ့ အိမ်ခွဲ၍ ခေတ္တ တည်းခိုကြသည်။ အိမ်ရှင်မှ တောင်ယာက အသီးအရွက်များ ချက်စားရန် ပေးသည်။ ဧည့်ခန်းတွင် ကျနော်တို့ထက် စောပြီး တည်းခိုနေသည့် လူတယောက် ရှိနေသည်။ သူသည် တုန်ရီစွာ ငှက်ဆိုးထိုးသလို ငြီးငြူသော အသံဖြင့် ငှက်ဖျား တက်နေသည်။ ကျနော်တို့၌ ပါလာသည့် ဆေးနှင့် သူ့ကို ကုသတိုက်ကျွေး လိုက်သည်။ ခဏအကြာ ထိုသူမှာ အေဘီအက်စ်ဒီအက်ဖ် ရဲဘော်တယောက် ဖြစ်နေမှန်း သိရပြန်သည်။

အလံတော် တခုထဲအောက် အဖွဲ့အစည်း တခုတည်း ဖြစ်သော်လည်း တာဝန် ထမ်းဆောင်သည့် တပ်ရင်း၊ တပ်ဖွဲ့ မတူကြ။ ဒေသခြင်းလည်း မတူကြ။ သူက ကေအန်ယူ ထိန်းချုပ်ရာ တပ်မဟာ(၃) ဧရိယာတွင် ရှေ့တန်း တာဝန်များနှင့် ထီးမူးခီး တိုက်ပွဲ၌ ပါဝင်ခဲ့သူ။ ကျန်းမာရေး မကောင်းတာကြောင့် နောက်တန်း၌ ဆေးကုသမှု ခံယူရန် သူ၏တပ်မှူးမှ ပြန်လွှတ်တာကြောင့် ပြန်ခဲ့ရကြောင်း ရှင်းပြသည်။ သူ၏မျက်နှာမှာ ဖောယောင်နေသည်။ အဟာရ ချို့တဲ့မှုကြောင့်လား မသိ။ ထီးမူခီး တိုက်ပွဲအတွင်း ရိက္ခာပြတ်၍ ရဲဘော်တွေမှာ ဆားနှင့် ထမင်းစားရကြောင်း သိရ၍ စိတ်မကောင်း ဖြစ်ရပြန်သည်။ ကျနော် နောက်တန်းသို့ ပြန်ရောက်ချိန် ဗဟို စစ်သင်တန်းကွင်း၌ သူ ကျန်းမာစွာ နှင့် သင်တန်း တက်နေတာ သိရ၍ ဝမ်းသာအားရ ဖြစ်မိသည်။

လုံခြုံရေး စိတ်ချရတဲ့ ဒေသ။

စိတ်ပူပင်စရာ သိပ်မရှိ။ တခုတော့ သတိထားရမည်။ ဖားဆောင်း ဘက်မှ တခါတရံ ရန်သူ့ စစ်ကြောင်း လှည့်လျှင် ထိုနေရာသို့ ရုတ်ခြည်း ရောက် ရောက်လာတတ်သည်။ သံလွင်မြစ်ထဲ လှေဖြတ်စီးပြီး ထောင့်ဖြတ် တောင်ကြော မျဉ်းအတိုင်း ဖြတ်လျှောက်လျှင် ယခု ထိထာရွာသို့ ရောက်သည်။ သို့သော် ရန်သူ့စစ်ကြောင်း ထိထာ ရွာ၌ ကြာကြာ စခန်းချ၍ မရ။ အဘယ့်ကြောင့် ဆိုသော် စစ်ရေး အမြင်အရ ချောင်ပိတ် အခင်းအကျင်း ဖြစ်နေသောကြောင့် တည်း၊ ထိထာ ရွာတွင် ခေတ္တနားကြသည်။ အိမ်ခြေ လေးဆယ်ကျော်၊ ငါးဆယ်ခန့်ရှိမည်။ ကုန်သည်တွေ ဖြစ်ကြဟန် တူသည်။ တောင်ငူ၊ လွိုင်ကော်၊ မော်ချီး၊ ဖားဆောင်း၊ ဒေသများမှ ဖြစ်ကြ၍ အချို့ မှာ မြန်မာပြည်တွင်းက နွားများကို ဈေးကြီးပေးပြီး အရှေ့တာင် ထိုင်းနယ်စပ်သို့ မှောင်ခို ဈေးနှုန်းနှင့် ရောင်းဝယ်ကြသည်။ မြန်မာငွေနှင့် ဝယ်သူပြီး ထိုင်းဘတ်ငွေနှင့် ပြန်ရောင်းရသည်မှာ အတော်လေး ထွက်ခြေကိုက် ကြသည်။ ထိုင်း စီးပွားရေးသမား များမှ နွားတွေကို နွားသတ်ရုံထဲ မောင်းသွင်းပြီး ခေတ်မီ ကိရိယာများနဲ့  အမဲသားဗူး၊ အသားဗူး ထုတ်လုပ်ရောင်း ချကြသည်မှာ မြတ်သည်ဟု ကြားရသည်။

လမ်းတလျှောက်လုံး ယွန်းစလင်းချောင်း ဖြတ်လိုက်၊ ကျော်လိုက်နှင့် ခြေထောက်မှာ ရေစို၍ မခြောက်နိုင်အား။ ကရင် တိုင်းရင်းသားများ နောက်လွယ် ပလိုင်း ကိုယ်စီနှင့် စားသောက်စရာ ဝယ်သူပြီး ရွာသို့ ပြန်လာကြပုံ။ အဖွားအိုကြီး တယောက် ဆေးတံတို ကိုက်ပြီး တောင်ဝှေး တချောင်းနှင့် ကျနော်တို့ကို စူးစမ်းနေပုံ တစိမ့်စိမ့် ပြန်မြင်ယောင် နေမိသည်။ ယွန်းစလင်း ချောင်းမှ ရေမှာ ကြည်လင် စိမ်းမြနေသည်။ တံတားအောက်တွင် သူတို့၏ ရင်သွေးငယ်များကို ရေချိုးပေးနေသည့် သားသည်အမေ မိခင်ကို မြင်တော့ ကျနော် စိတ်တွင် ဖြတ်ကနဲ အမေ့ကို သတိရမိသည်။ တံတားဆိုသည်မှာ ထိုရွာမှ ရွာသားများ စုပေါင်းပြီး ခိုင်ခိုင်ခန့်ခန့် လုပ်ထားကြသည့် ဝါးတံတား။ ဤတံတားမှ ဖြတ်သွားလျှင် တအိအိ၊ တကျွိကျွိမြည်တွန် တတ်သည်၊ ကျနော့ စိတ်အလျဉ်လဲ အမေ့ကိုလွမ်းတဲ့ စိတ်နဲ့ အတိတ်အိမ်ကို ပြန်ကာ တကျွိကျွိ တအိအိ မြည်နေဆဲ။

တောတောင်ညို့ညို့ အုပ်ဆိုင်းဆိုင်းထဲ နေပြောက်တွေ ဟိုတကွက် သည်တကွက် ဖြာထွက်နေသည်မှာ ကြည့်၍ ကောင်းသည်။ သက်တမ်းရင့် သစ်ပင်ကြီးတွေ၏ လုံးပတ်မှာ ခန့်ခန့်ထည်ထည်နှင့် ဝံ့ကြွားကာ အရိပ်တွေ ကောင်းလှသည်။ အတော်မြင့်မြင့် သစ်ပင်များ၏ ခွကြားတွင် အလှယိုဖိတ် ကျလာသည့် သစ်ခွပန်းများမှာ အရောင်မျိုးစုံ၏။ ကျောင်းတုန်းက သင်ခဲ့ရသည့် ရှင်မဟာသီလဝံသ ၏ တောလား၊ တောင်လားတွေကို သတိရနေသည်၊ တချို့ပန်းက ခရမ်းနုအရောင် ခပ်ပါးပါး နှင့်။ တချို့ ပန်းကြတော့ ကြက်တူရွေး နှုတ်သီးကဲ့သို့ ရဲရဲရင့်ရင့် စွာငွင့်စွာ ပွင့်ပြနေကြသည်။ တော်လှန်ရေးကြီး အောင်မြင်သည့် တနေ့ အိမ်ပြန်ချိန် ဒီလို သစ်ခွပန်းမျိုး ခွာယူပြီး ကိုယ်ပိုင်အိမ်လေး တလုံးမှာ ယုယုယယ စိုက်ဦးမယ်လို့ စိတ်ကူးတွေ ဝေစီမိသည်။

တော်လှန်ရေး မြေကွက်တခု။

ရှေ့တန်းက ပြန်တော့ တပ်ရင်းက ယခင်နေရာတွင် မရှိတော့ပြီ။ ဒါးဂွင်သို့ ရွှေ့ ပြောင်းသွားခဲ့ပြီ၊ ကျနော်တို့အဖွဲ့ စခန်းဟောင်းမှာ တရက်၊ နှစ်ရက် နားနေလိုက် ကြသေးသည်။ လူမနေတော့သည့် ဘားတိုက်ကြီးမှာ ဖှုံမှုန့်၊ အမှိုက်များဖြင့် ပေကျံလျှက်၊ အမြဲစိုပြေနေသည့် ထမင်းစား အဆောင်လည်း တိတ်ဆိတ် ငြိမ်သက်လို့ နေသည်။ အိမ်ထောင်သည် နှစ်ဦးနေသည့် အိမ်ဖက်ကြည့်တော့လည်း နိုင်လွန်းကြိုး အဟောင်းနှင့် ရက်ထားသည့် ကလေးပုခက်လေး တလုံး လေတိုက်တိုင်း ယိမ်းနွဲ့လို့၊ ဝါးဆစ် ငြုပ်စုံဟောင်းလေး တခု။ ပန်းကန်ဆေးသည့် ရေဆိပ်မှ ရေတံလျှောက် ကတော့ တာဝန်ကျေပွန်စွာ ရေကျမြဲ ကျနေသည်။ ကျောက်ခဲတုံးကြီး ၃လုံးနှင့် ဖိုခနှောက် မီးဖိုက လေတိုက်တိုင်း ပြာမှုံတွေလွင့်လို့၊ စိုက်ထားသည့် ပဲပင် တိုင်ထောင် အပင်တွေက လဲသည့် အပင်ကလဲ ထူသူ မရှိတော့ပြီ၊ ပိုးစားသည့် အပင်ကစား။ ခြောက်သွေ့ ငြိမ်သက်သွားသည့် တပ်ရင်း အဟောင်းတခု။ ခုတော့ ------ ။

ဒါးဂွင်မှာ ယခင် တပ်ရင်းဟောင်း နေရာ၏ မြောက်ဘက် အတော်ဝေးသည်။ သံလွင်မြစ် အထက် သော်လဲထ ဈေးအပေါ်ဘက်မှာ ဖြစ်သည်။ စခန်းသစ်ကို ယခုမှ စ၍ ဆောက်ရမှာ ဖြစ်သည်။ ဝါးရုံပင်တွေ၊ သစ်ပင် ခြုံနွယ်တွေ၊ သစ်ငုတ်တိုတွေ ခုတ်ထွင်ရှင်းလင်း ဖော်ထုတ်ရသည်မှာ အတော် ပင်ပန်းသည်။ တပ်ခွဲ၊ တပ်စု၊ တပ်စိတ်အလိုက် လူစုခွဲကြပြီး တဖွဲ့က ဝါးခုတ်၊ တဖွဲ့က ထမင်းချက်၊ တဖွဲ့က အဆောက်အဦး မြေနေရာ ညှိကြရသည်။ တချို့က အဆောက်အဦး မိုးရန် အတွက် လေးဆယ့်ငါး မိနစ်ခန့် သွားရသည့် အင်တိုင်း တောအတွင်း ဖက် ကောက်သွားကြရသည်။ ကောက်ယူ၍ ရလာသော အင်ဖက်များကို အိမ်ထောင်သည် ရဲမေများက အင်ဖက် ပစ်(ယက်)ပေးကြသည်။ အလုပ်နားချိန်၊ ထမင်းစားချိန် ရောက်လျှင် ပန်းကန်က မလောက်၍ စောင့် နေရသည့် အဖွဲ့က စောင့်။ အရင် စားသည့်အဖွဲ့က စားကြနှင့် တမျိုးပဲ ပျော်စရာ ကောင်းလှသည်။ ထမင်းစားပြီးသည်နှင့် ဝါးရုံပင် ခြေရင်း၌တချို့ အရိပ်ကောင်းသည့် သစ်ပင်အောက်၌ တချို့ အနားယူ နေကြသည်။ တပ်ထောက် ရဲဘော်က သုခိတာ ဆေးလိပ် နှစ်လိပ်နှုန်းကျ စကေးကိုက် ဝေနေသည်။ ဒီလိုနှင့် စခန်းသစ်ကြီးကို အောင်အောင်မြင်မြင် တည်ဆောက် နိုင်ခဲ့ကြသည်။

တပ်ရင်း၌ တပ်ဖွဲ့ဝင် ရဲဘော်များကို ခေါ်၍ တိုင်ပင်စည်းဝေး ညှိနှိုင်းကြသည်။ တဦးချင်း အလိုက် ကိုယ်ယုံကြည်သည့် တပ်ဖွဲ့ဝင် ရဲဘော်ကို ဆန္ဒမဲ ပေးကြရသည်။ ဆန္ဒမဲများကို ကော်မရှင်မှ ရေတွက်ပြီး ဆန္ဒမဲ အများဆုံးရရှိသည့် ရဲဘော်၏အမည်နှင့် မဲအရေအတွက်ကို ဖတ်ကြားပြပြီး အားလုံး၏ အရှေ့ သင်ပုန်းပေါ်တွင် အစဉ်လိုက် ရေးပေးသည်။ ဒါ … ဒီမိုကရေစီ၏ အခြေခံ သက်ဝင်မှု တစိတ်တဒေသ၊ တပ်ရင်း၌ မဲအများဆုံးရသည့် ရဲဘော်မှာ ရဲဘော်ဆန်းလင်း ဖြစ်ကြောင်းသိရ၍ ဝမ်းပန်းတသာ ကြိုဆိုခြင်း လက်ခုတ်များ တီးကြသည်။ တပ်ရင်းတွင် ထိုအချိန်က အုပ်စုစွဲ၊ ပုဂ္ဂိုလ်စွဲ၊ ဒေသစွဲ မကင်းသေးသည့် ရဲဘော်များ ရှိကြသေးသည်။ တပ်ရင်း ရွေးကောက်ပွဲ ကိစ္စနှင့် သဘောမတွေ့သူတွေ မနှစ်မြို့သူတွေ ရှိကြသေးသည်၊ တပ်ရင်းတွင် အများအားဖြင့် တောင်ငူ၊ ကညွှတ်ကွင်း ၊ ကျောက်ကြီး၊ ဇေယျဝတီ စသည့် ဒေသမှ ရဲဘော်များ ဖြစ်ကြသည်။ သို့သော် တပ်ရင်းမှာ တောင်ငူမြို့ မှ ရဲဘော် အရေအတွက်မှာ အများဆုံးဖြစ်သည်။ ကညွှတ်ကွင်း၊ ကျောက်ကြီးဒေသမှ ရဲဘော် အတော်များများမှာ လက်တွေ့ လုပ်ဆောင်မှု၌ အားကောင်းမှုရှိသည်မှာ မငြင်းသာ။

တပ်ရင်းတွင် ရှေ့တန်း မထွက်ရသေးသည့် အချိန်ဖြစ်သောကြောင့် ရဲဘော်တွေမှာ တောထဲမှ ပျဉ်းကတိုး အခြောက်တုံးတွေကို လွှဖြင့် ဖြတ်တောက်ကြပြီး မီးသွေးဖိုကြီးများ လုပ်၍ မီးသွေးဖုတ် ကြရသည်။ ဖုတ်ပြီး ရရှိလာသည့် မီးသွေးများကို ဂုန်နီအိတ်ကြီးတွေထဲ ထည့်ပြီး သော်လဲထ ဈေးသို့ ရောင်းကြရသည်။ ထိုအချိန်က မီးသွေးအိပ်ကြီး တအိပ်ကို ထိုင်းငွေ ဘတ်၃၀ဖြင့် ရောင်းကြရသည်။ ရောင်းရသည့် ငွေကို မီးသွေးဖုတ်သည့် အဖွဲ့က တပ်ရင်း မီးဖိုချောင်တွင် ငါးတန် ကီလို လိုက်ဝယ်ပြီး အားလုံး စားကြရသည်။ လွမ်းလောက် စရာတွေပေါ့၊ သူတို့လုပ်အားနှင့် ရလာသည့် ငွေစလေး အချို့ကို ဆေးလိပ်ဝယ်သောက်၊ ဆောင်တော်ကူး သနပ်ခါးဝယ်နှင့် အဖတ် မတင်ကြ။ ကြပ်ကြပ်တည်းတည်းနှင့် ချွေတာ စားသောက် နေကြရသည်။ တပ်ရင်း စီးပွားရေးဆိုလို့ ပန်းပဲဖိုလေးတခု တည်ထောင်ထားသည်။ ဆင်သမား၊ တောင်ယာ သမားတွေမှ ဓါး လာအပ်ကြ၍ ငွေဝင်ပေါက်မှာ မဆိုးလှ။ ထိုအလုပ်ရုံမှ ရရှိသည့်ငွေကို ရှေ့တန်း စစ်မျက်နှာ၌ တာဝန်ကျနေသည့် ရဲဘော်များအတွက် သွားတိုက်ဆေး၊ ခြေအိပ်၊ ဆေးလိပ်၊ စသည်တို့ ဝယ်နိုင်သလောက် ဝယ်ပြီး ပို့ပေးကြသည်။ ထို ပန်းပဲဖိုမှာလည်း ကြာကြာမခံ။ အခြေအနေ အကြောင်း အမျိုးမျိုးကြောင့် နောင် … အလုပ် မဖြစ်တော့ချေ။

သီတင်းကျွတ်လ စောထ တိုက်ပွဲ။ (၁၉၉၁-၉၂)

ဗဟို - အမိန့်စာကြောင့် ကျနော်တို့ တပ်ရင်း၊ ရှေ့တန်း ထွက်ရမည်။ အားလုံးပြင်ဆင် ထားကြဖို့ တပ်ရင်မှူးမှ ညွှန်ကြားသည်။ ဘယ်ဒေသကို ထွက်ရပါ့မလဲ။ ဘယ်နေရာမှာလဲ။ ကျနော် သိပ်သိချင်နေသည်။ ရှေ့တန်း ထွက်ခါနီး တပ်ကို တပ်ထွက်မိန့်ခွန်း ပြောသည့် အချိန်ကျမှ သိရသည်။ ထွက်ရမည့်ဒေသမှာ စောထ။ သေနတ်၊ အီကွစ်မန့် ရေဗူး၊ ကျည်ဆံ၊ စစ်ဘိနပ်၊ ကျည်ဘောက်၊ ရှေ့ထွက် ရဲဘော်မျက်နှာများ ရွှင်လန်းတက်ကြွမှု များနှင့် လှေကြီးပေါ်သို့ တက်စဉ် နောက်တန်း၌ ကျန်ရစ်ခဲ့မည့် ရဲဘော်များ၊ ရှေ့ တန်းသို့ သွားရတော့မည့် ရဲဘော်များ၊ မှာလိုက်သည့် အမှာတော် စကားများ သွေးမတော် သားမစပ် သိပ်ရင်းနှီးလှသည်။ ဟေ့- အရာ ရာ သတိဝိရိယ ရှိကြကွနော်၊ ငါ မင်းတို့ အတွက် ဘီဘီစီမှာ သီချင်း တောင်းပေးမယ်။ စိတ်ချ စမ်းပါကွ၊ မင်းသိတယ် မဟုတ်လား- တချက် တကောင်ပစ်တာ- ကြိုးတုတ်ထားတဲ့ ဝက်ကိုလေ-ဟား-ဟား-ဟား။ ဒါနဲ့ မင်းသီချင်းတောင်ရင် ငါတို့ အားလုံးအတွက် ကိုမွန်းအောင်ရဲ့ ငြိမ်းချမ်းရေး တိုက်ပွဲ အခွေထဲက သီချင်း တောင်းပေးကွာ၊ ကျမ္မာရေးလည်း ဂရုစိုက်ဦး။ ငါ့-- ဆေးလိပ်အကြွေး သုံးဘတ် ကရင်မ ဆိုင်ကို မဆပ်ရသေးဘူး။ အဲဒါ မင်း ဆပ်ပေးပါဦး။ တောင်တောင်အီအီ စကားသံတွေ ဝေစီလှသည်။

လှေကြီးက တရွေ့ရွေ့ ထွက်စအပြု--သူတို့ ပြုံးပြ၊ နှုတ်ဆက်၊ ဒါပေမယ့် ရင်ထဲ၊ အသဲထဲ၊ မျက်ဝန်းအိမ်ထဲ ထိန်းသိမ်းရင်း ကျလာတော့မယ့် မျက်ရည်တွေကိုယ်စီ ရှိကြနေသည် ကိုတော့-------။ ဒီတုန်းက ဘာရယ်ကြောင့်မှန်း မသိခဲ့ချေ၊ စာရေး လကွာ -- လက်ကလေးတွေ ဝှေ့ယမ်း နှုတ်ဆက် ပုံရိပ်များ။ ကမ်းစပ်၌ ကျန်ရစ်ခဲ့သူ ရင်ထဲမှာတော့ - ဝမ်းနည်းစို့တက် မျက်ရည်စတွေနှင့် ။ သူ သိပ်ချစ်တဲ့ ရဲဘော်များ တရားသော စစ်အောင်မြင်ပါစေလို့ ဆုတောင်းယုံက လွဲပြီး ဘာများ တတ်နိုင်ဦးမှာလဲ။

မြန်ပြည်သစ်ရဲ့ သားကောင်း ဒေါင်း စစ်သည်တွေ။ ဒေါကြီးမောကြီးနဲ့ မောင်းအားပြင်းတဲ့ စက်လှေအသံ။ စက်မောင်းသမား ဘေးတွင် ဆေးတံ ကိုက်၍ တောတောင်တွေ၏ ပထဝီ အနေအထား တည်နေပုံကို ကြည့်ရင်း စဉ်းစားနေသော ရဲဘော်ဆန်းလင်း။ လှေကြီးပေါ်တွင် တချို့ ငိုက်မြည်းနေကြ။ တချို့ ကင်းစောင့်နေကြ။ ဝဲကြီး ဂိတ်စခန်းသို့ ရောက်၏။ ရန်သူ့တပ် လှုပ်ရှားမှု ၊ ထူးရှားမှု၊ ရှိမရှိကို စုံစမ်းစမ်းပြီး ခရီးဆက်လက် ထွက်ခွာ လာကြသည်။ စောထသို့ ညနေ ငါးနာရီထိုးတွင် လှေစိုက်သည်။ ရွာသူရွာသားများ တအံ့တသြ ငေးမော ကြည့်ရှု့ နေကြသည်။ စေးမူဝါးများ အထမ်းအပိုး ကိုယ်စီဖြင့် တစုံတခုကို ကြိုသိထားသည့် အလား စိုးရိမ် သောကများနှင့်။

မဟာမိတ် ရုံးကြီးပေါ်သို့ စစ်ကြောင်းရောက်ပြီ ဖြစ်ကြောင်း တာဝန်ရှိသူအား သတင်းပို့ခိုင်းသည်။ စစ်ကြောင်းအသင့် နေရာယူနိုင်ရန် စောထရွာ အပြင်ဘက် တောင်ကုန်းများ ပေါ်တွင် လုံခြုံရေး စီစဉ်ထားကြပြီး ရဲဘော်များကို နေရာအသင့် ယူစေသည်။ ရွာသားများသည် သူတို့ ပိုင်ဆိုင်ရာ အိုးခွက်ပစ္စည်းများ ၊ ကြက်၊ ဝက်၊ ဆိတ်များကို ခြင်းတောင်းကြီးတွေထဲ ထည့်ပြီး ရွှေ့ပြောင်း နေကြသည်။ သူတို့ ရွှေ့ပြောင်းကြသည့် နေရာမှာ သံလွင်မြစ် တဘက်ကမ်း (ထိုင်း နယ်နိမိတ်) အတော်ဝေးသည့် နေရာသို့ ဖြစ်သည်။ တချို့က သယ်ယူ၍ မကုန်နိုင်သေး။

အချိန်ကား - မိုးချုပ် မှောင်ရီပျိုးစ။ ခြောက်နာရီ ထိုးပြီးလောက်တွင်။ - ရန်သူ- ဟု စူးရှ ပြတ်တောင်းသော အသံကြီးနှင့် အတူ အတွဲလိုက် အတွဲလိုက် ကုတ်ချလိုက်သော AK-သေနတ်သံက တတောလုံး၊ တတောင်လုံးကို မြည်ဟည်း ဟိန်းထွက်သွားစေသည်။ တိုက်ပွဲစပြီ လို့ သိလိုက် ရသည်နှင့် အတိုင်းမသိ ဆောင့်တက်လာသည့် ရင်ခုန်သံက ရင်ဝမှာ အောင့်ကနဲ ဖြစ်သွားသလို။ တကိုယ်စာ လုံခြုံဖို့ တူးထားသည့် ဝပ်ကျင်းထဲ၌ ကိုယ်ဟန် အနေအထား အမျိုးမျိုးပြင်ပြီး အလုပ်ရှုတ်ကာ ရန်သူကို ကျီးကန်းတောင်းမှောက် မျက်လုံးများနှင့် ရှာဖွေနေမိသည်။ ကိုယ်က ရန်သူကိုမတွေ့ နိုင်သေးသော်လည်း ကိုယ့်ရဲ့ ညာဘက်က တိုက်ပွဲဝင်နေတဲ့ ရဲဘော်တွေရဲ့ သေနတ်သံ တွေကတော့ ပေါက်ပေါက် ဖောက်သလို တရစပ် ပစ်ခတ်နေသည်။ လက်နက်ငယ်တွေ ပစ်ခတ်လို့ ခေတ္တ အသံတိတ်ချိန် မရှေးမနှောင်းမှာပဲ - အာပီဂျီ - သေနတ်အသံကြီးက တိုက်ပွဲ တခုလုံးကို လွှမ်းမိုး နေလေတော့သည်။

ဟေ့ … ဟိုမှာ- ဟိုမှာ- သစ်ပင်နား ပြေးကပ်ပြီ။ ငါ့ကိုပေး-ငါ့ကိုပေး-ဆော်ထည့်လိုက်မယ်။ ထုတ်---ဂျိမ်း။ သစ်ပင်နား ပြေးကပ်သည့် ရန်သူနှင့် အပေါ်စီးမှ ပစ်ချလိုက်သည့် လက်နက်ကြီး လုံးထွေး မဲမှောင်သွားသည်။ ထိုနေရာမှ ရန်သူအသံ မကြားရတော့။ -ကျောင်းသား တပ်မတော်ကွ- ဘာမှတ်သလဲ-တက်ရဲ တက်ခဲ့စမ်း- ရဲဘော် များမှာ အော်ဟစ် ဆူညံသံများ နှင့်အတူ ကြားနေရသည်။ တိုက်ပွဲ အတွေ့အကြုံရှိသည့် ရဲဘော်များနှင့် အတွေ့အကြုံ နုသေးသည့် ရဲဘော်များ တွဲထားပေးသည်။ ရန်သူပစ်သည့် ကျည်ဆံလမ်းကြောင်းကို ကြည့်ရသေးသည်။ ကျည်လမ်းကြောင်း အတော်မြင့်မြင့်မှ ဖြစ်နေလျှင် ထိုအခွင့်အရေးကို အမိအရ လှုပ်ရှားပြီး ကိုယ့်ရဲဘော်များ စိတ်ဓါတ်ရေးရာ မကျဆင်းဖို့  တဖက်ကလည်း အားပေးမှု လုပ်ရသည်။

မဲကနဲ- မဲကနဲ -အတင်း ထိုးတက်လာသော ရန်သူများ။ ကျွဲအုပ်ကြီး မောင်းသွင်း လိုက်သလိုမျိုး။ ထိုသို့ အတင်းဖိပြီး ထိုး၍ တက်လာသည့် ရန်သူများကို ကျနော်တို့ ဘက်ကလည်း အတွဲလိုက်၊ အတွဲလိုက်၊ တရဟော ပစ်ခတ် ဖျော်ဖြေသည်၊ မျက်စေ့မှိတ်၍ ပစ်ဦးတော့ အနည်းဆုံး အုပ်စုလိုက် တက်လာသည့် ရန်သူကြားထဲ ကျည် ရောက်သွားသည်နှင့် တယောက်၊ နှစ်ယောက် ကတော့ ထိစမြဲ။ ရန်သူ့ဘက်မှ ကျည်ပစ်အား ကလည်း မသေးလှပါ။ ရှေ့က ဖိတက်လာသည့် အဖွဲ့က ဖိတက်သလို ၊ အနောက်မှ လက်နက်ကြီးနှင့် ပစ်ကူပေးသည့် လက်နက်ကြီး အသံကလည်း နားထောင်၍ ကိုယ့်ဆီလာမှာ ကြောက်ရသေး၏။ ရန်သူသည် သူ၏ တပ်သားများ အတုံးအရုန်း ကျဆုံးနေသည်ကို ဂရုမစိုက်။ အထက်က ညွှန်ကြား ထားသည့်အတိုင်း - စောထရွာကို ယနေ့ မဖြစ်မနေ ရအောင် သိမ်းရမည်ဆိုသည့် အမိန့်အတိုင်း မျက်ကန်း တစ္ဆေမကြောက် လုပ်ဆောင်သည်။

ဂျိုင်း - ဂျိမ်း ဆိုးရွားသည့် အသံနက်ကြီး ကျကွဲသံ ကပ်ပြီးကြားသည်နှင့် ကျနော်သည် ပစ်ကျင်းထဲ၌ ဒူးနှင့် နဖူးကပ်ပြီး ဝပ်နေရ၏။ အသံကြီး ငြိမ်သွားသည့်အခါ လူသံများ ထွက်ပေါ်လာသည်။ ဒီတင် - ငါ့ထိသွားပြီ-။ ဘယ်ကို ထိသွားတာလဲ။ ငြိမ်ငြိမ်နေ၊ ငါလာမယ်။ ကျနော်တို့ ဖက်မှ ရဲဘော်နှစ်ယောက်မှာ-တစ်ရာ့နှစ်ဆယ် မမ လက်နက်ကြီး အစထိ၍ သူတို့၏ဦးခေါင်း ၊ ပေါင်၊ နေရာများ၌ သွေးစများ နီရဲပေကျံ၍ နေသည်။ ထိုအချိန် တပ်ရင်းမှူးဖြစ်သူ ရဲဘော်ဆန်းလင်းသည် တဘက်တောင်ကုန်း၌ ရဲဘော်များနှင့်အတူ ကြီးကြပ် ကွပ်ကဲနေသည်။ အိုင်ကွန် ဆက်သွယ်ရေး စက်ငယ်ကို အချိန်ပြည့် ဖွင့်ထားသောကြောင့် စက်နာမည် ခေါ်သံသူကြား နေရ၏။

(ဆီးကျိုလောကွား)၂-ကြားလား(အကြောင်းပြန်)၂ ဒါပဲ။

(ကြားတယ်)၂ ဘာရှိမလဲ ဒါပဲ။

(ဒေါင်းနှစ်ကောင် ခွေးကိုက်ခံရတယ် ရလား ဒါပဲ)

(ရတယ်)၂ (တူးသရီး လုပ်မယ် ရထားဖြစ်လား ဒါပဲ)

တိုက်ပွဲမှာ လက်နက်ကြီး၊ လက်နက်ငယ် အသံများ ပျောက်သွားလိုက်၊ ပြန်ပေါ်လိုက်နှင့် ဤတိုက်ပွဲကား ညတိုက်ပွဲ။ မဟာမိတ် ကေအန်ယူ ဘက်မှလည်း အော်၍ ပစ်နေကြသည်။ တပ်ရင်းမှူး ရဲဘော်ဆန်းလင်းသည် သူ့ ရဲဘော် ကျည်ထိသွားတာသိ၍ ရန်သူ၏ ပစ်ခတ်နေသည့် ကျည်များ ပလူ ပျံသလို ဖြစ်နေသည့် ကြားထဲ ဂရုမစိုက်အားပဲ ဒဏ်ရာရ ရဲဘော်နှစ်ဦးထံသို့ အရောက်သွားသည်။ (ဘယ်ထိ သွားလဲ၊ များလား။ အစ ထိသွားသော် ရဲဘော်မှာ ဒဿ(တင်ထွန်း) ဖြစ်သည်။ ခေါင်း၌ လက်နက်ကြီး အစထိ၍ သွေးများ ပန်းထွက်နေ သည့်အထဲ သူ၏မျက်နှာ ပြုံးထားလျှက် တပ်ရင်းမှူးကို ပြောလိုက်သေး၏ - ဘာမှမဖြစ်ပါဘူး၊ ဆော်ကျည် ဒဏ်ရာ လောက်ပါပဲ-ဟဲဟဲ။ ဆေးမှူးရဲဘော်မှ သူတို့နှစ်ဦးအား သွေးတိတ် ပတ်တီးများ စည်းထားပေးပြီး အရေးပေါ်ဆေးများ တလုံးပြီး တလုံး ထိုးနေပုံမှာ ကျွမ်းကျင် ပိုင်နိုင်လှသည်။ တပ်ရင်းမှူးက ဆေးမှူး ရဲဘော်အား ထိုရဲဘော် နှစ်ဦးအား နောက်တန်း ဌာနချုပ်သို့ အမြန်ဆုံး ပြန်ပို့နိုင်ရန် ညွှန်ကြားနေသည်။

ရန်သူက တဘက်၊ ကျနော်တို့နှင့်အတူ မဟာမိတ် ကေအန်ယူ က တဘက်။ အပြင်းအထန် တိုက်ပွဲ ဝင်နေကြသည်။ ကျနော်တို့၏ နောကိတန်း ဗျူဟာမှူး ရုံးမှ တိုက်ပွဲဝင်နေသော ရဲဘော်များအတွက် ရိက္ခာခြောက်ထုတ်များ တထုတ်စီ ပို့ပေးသည့် အပြင် အခြား လက်နက်ကြီး ကျည်ဆံများ၊ လက် နက်ငယ် ကျည်ဆံများပါ အကန့်အသတ်နှင့် ပို့ပေးသည်။ မဟာမိတ် ကေအန်ယူ ရဲဘော်များမှလည်း - ဗမာအသံ မပီတပီ နှင့် - "ကျောသား တပ်မတော်ကွ" ဟု အသံပြု၍ ပစ်ခတ်နေကြသည်။ ရန်သူစစ်ကြောင်းမှာ သတင်းအရ ဗျူဟာ သုံးခုပေါင်းပြီး ထိုးစစ်ဆင်ခြင်း ဖြစ်သည်။ ထို စစ်ဆင်ရေး အမည်မှာ နဂါးမင်း စစ်ဆင်ရေး ဟု သိရသည်။ ရန်သူသည် ၄င်းတို့ ရည်မှန်းချက်ကို အင်အား အတုံးအရုန်း အဆုံးအရှုံးခံပြီး နယ်မြေစိုးမိုးရန် အတွက် ကျားကုတ် ကျားခဲ မိုက်မဲပြနေ၏။

ပြန်ဆုတ်ဟု အထက်မှ ညွှန်ကြားသောကြောင့် ကျနော်တို့ စစ်ကြောင်း ပြန်ဆုတ်ကြသည်။ ရန်သူသည်-ထီးမူးခီး-တိုက်ပွဲ၌ ၄င်းတို့ ခံထား ရသောကြောင့် ယခုအခါ အခဲမကျေပဲ ပြန်လည်ပြီး စောထ ရွာကို စစ်ရေးအရ စိုးမိုးရန်အတွက် လက်နက်ကြီးများကို မိုးကြိုးပစ်သလို တဝုန်းဝုန်း၊ တဂျိမ်း ဂျိမ်း ဖြင့် ရွာထဲသို့ ပစ်သွင်းနေတော့သည်။ သံယောဇဉ် မပြတ်၍ ကြွက်ချောက်၊ ကျီးမောင်း နေခဲ့သော ကရင် အဖိုးအို၊ အဖွားအို ၊ ကလေးတွဲလောင်းနှင့် မိခင်၊ ငိုသံများ၊ သေနတ်သံများ ဤလောကကြီး တခုလုံး အကုသိုလ် လှိုင်းလုံးကြီး ကမ္ဘာမြေသို့ ပြိုဆင်းလာသည့် အလား။ ကျနော်တို့ စစ်ကြောင်းသည် ရွာသားများ၊ ရွာများ ထိုထက် အထိနာမည် စိုးသည့်အတွက် က တကြောင်း၊ ရန်သူ့ သတင်းက အချိန်တိုအတွင်း သိရသောကြောင့် ချက်ချင်း စစ်ပြင်ဆင်နေချိန် အတွင်း မမျှော်လင့်ပဲ ရွာအနီးစပ်တွင် ကပ်၍ တိုက်ပွဲ ဖြစ်ပွားခဲ့ရသည်။ စစ်ရေး အခင်းအကျင်း မကောင်းတာက တကြောင်း ။ ကျနော်တို့ ဆုတ်လမ်းမှာ သံလွင်မြစ်ခံနေ၍ အချိန်မှီ အလျှင်အမြန် ဆုံးဖြတ်ချက်ချပြီး ခွာစစ်ဖြင့် စံနစ်တကျ ဆုတ်ခွာ နိုင်ခဲ့ကြသည်။ တချို့ အဖွဲ့မှာ ညမှောင်မဲ၍ လူစုကွဲ သွားကြသည်။ အိုင်ကွန် ( Icon ) ဆက်သွယ်ရေး စက်ငယ်များ ဖွင့်၍ ပြန်လည် ဆက်သွယ်မှု လုပ်ယူကြရ ပြန်သည်။

ရန်သူနှင့် ကျနော်တို့မှာ ကိုက်ခြောက်ရာ အကွာအဝေးသို့ ကပ်၍ ရောက်ရှိ လာခဲ့ကြသည်။ သို့သော် ရန်သူ၏ - နာတိုး စက်သေနတ်သံကြီးမှာ ဒုတ်-ဒုတ်-ဒုတ်-ဒုန်းဒုန်းဒုန်း-ဟူသော အသံများ မကြာခဏ ပစ်ခတ်နေသည်။ မှောင်မဲနက်သော ည၌ ကောင်းကင်ယံတွင် မီးကျည်သေနတ်များ ပစ်ဖောက်နေသည် ကိုများလည်း တွေ့ရှိရ၏။ သူတို့လည်း လူစုကွဲကြ၍ ဤကဲ့သို့ အချက်ပြ သေနတ် ပစ်ဖောက်တာ ဖြစ်လိမ့်မည်ဟု ထင်နေမိ၏။ အားလုံးမှာ ပင်ပန်းနွမ်းဟိုက်၍ အနားယူသူက ယူကြ၏။ ကင်းစောင့်ကြရာတွင် မဟာမိတ် တပ်မှူးများနှင့် ညှိနှိုင်း ဆွေးနွေး နေရသေးသည်။ တချို့ ဟန်းကောဖြင့် ရေနွေးတည်နေသည်။ တချို့ ရဲဘော်များ သေနတ်တိုက်နေသည်။ တချို့ ညာသိုလ် (ပွတ်ချွန်း) ဆေးလိပ် လိပ်သောက် နေကြသည်။ တချို့ မှာ မှတ်တမ်းရေးမှတ် နေသည်။

မနက် မိုးလင်း၍ ကျနော်တို့ ရောက်နေသည့်နေရာမှာ သံလွင်ကမ်းနဘေး (ရာထာ) ဆိုသည့် ရွာပျက်ကြီး တရွာ ဖြစ်နေသည်။ စိုက်ခင်းခြံကြီးထဲ ၌ ကြံခင်း၊ ကန်စွန်း၊ ခရမ်းသီးပင်များ၊ ပြောင်းဖူးပင်များ စိုက်ပျိုးထားသည်။ ရွာသားများ တယောက်မျှ မရှိတော့ပါ။ ထိုနေ့ ထိုတည။ ရန်သူနှင့် စစ်တလင်းပြင် ၌ ပွဲဦးထွက် ထိပ်တိုက် ရင်ဆိုင်တိုက်ပွဲ ပါလေတကား။ ရာထာ ရွာပျက်ကြီး အတွင်း စစ်ကြောင်းများ အဖွဲ့လိုက်၊ အဖွဲ့လိုက် စုစည်းနေကြသည်။ အေဘီအက်စ်ဒီအက်ဖ် မှ တပ်ရင်း စုစုပေါင်း (၆)ရင်းခန့် ရှိမည်။ ထိုစစ်ကြောင်းကို ရဲဘော်ဆန်းလင်းနှင့် အခြားတပ်ရင်းမှ ခေါင်းဆောင်များ ညီညီညွှတ်ညွှတ် လက်တွဲပြီး တန်ပြန်တိုက်ပွဲ ဆင်ကြ သည်။ မဟာမိတ်များ ဖြစ်ကြသည့် ကေအန်ယူ၊ က.လ.လ.တ( ကယားပြည်သူ လူမျိုးပေါင်းစုံ လွတ်မြောက်ရေး တပ်) စသည့်အဖွဲ့ များမှလည်း လိုသလောက် အင်းအားများ ထုတ်၍ စုပေါင်းညှိနှိုင်း သဘောတူချက် များနှင့် လက်နက်အင်အား လိုသလောက် မှာယူ၍ တိုက်ကွက်များ တကွက်ပြီး တကွက် ဖော်နေကြသည့် အချိန်ဖြစ်သည်။

ရွာထဲ၌ အဖွဲ့များခွဲ၍ မိမိတာဝန် ကျသည့် တောင်ကုန်း နံပါတ်များအလိုက် နေရာယူကြသည်။ ကျနော်တို့ စစ်ကြောင်းတွင် မဟာမိတ် နယ်မြေခံ ရဲဘော်များ တွဲပေးထား၍ အခက်အခဲ သိပ်မရှိပါ။ ဘူဒိုဇာဖြင့် ဖောက်ထားသည့် သစ်ဆွဲ လမ်းမကြီး အတိုင်း စတင် ချီတက်သည်။ စစ်ကြောင်းမှာ လူများ၍ ခမ်းလှမ်းလှမ်း (ငါးလှမ်းကျော်)မှ လျှောက်ရသည်မှာ အချိန်ကြာသလို ထင်ရ၏။ ရှေ့ဆုံးပွိုင့်မှ ထူးခြားသည့် လက္ခဏာ ဖြစ်လျှင် အနောက်သို့ တယောက်ပြီး တယောက် သတင်းပို့ ဆက်သွယ်ရသည်။ နေ့လည်တွင် စပါးပင်များ စိုက်ထားသည့် တောင်ကြားသို့ ရောက်၍ စခန်းချကြသည်။ ကျနော်တို့ စခန်းချသည့် ဘယ်ဖက်တွင် ကျောက်တောင် အ မြင့်ကြီး တလုံးရှိသည်။ ညနေစောင်း လောက်တော့ ဗျူဟာရုံးမှ သတ်မှတ် ပေးထားသည့် တောင်ကုန်းများတွင် နေရာကိုယ်စီ ယူထားကြဖို့ အမိန့့် လှမ်းပေးသည်။

မူးကနော်လေး -

မူးကနော်လေး ဆိုသည်မှာ ဗမာလို-အပျိုမလေး-ဟု အဓိပ္ပါယ်ရသည်။ ထိုတောင်ကုန်းတွင် ကျနော်တို့ အဖွဲ့မှ တပ်စိတ် နှစ်စိတ် နေရာ တက်ယူကြသည်။ ကျနော်က ထိုကုန်းပေါ်သို့ မပါသွားဖြစ်။

(ညနေ-၁၇-နာရီ ထိုးချိန်)

ဒိုင်း-ဒိုင်း-ဒိုင်း --- သေနတ်သံများ စတင်ကြားရသည်။ တိုက်ပွဲဖြစ်လျှင် ဖြစ်ချင်း ရဲဘော် ဆန်းလင်း၏ စက်ငယ် ဖွင့်သံကို နားစွင့် နေမိသည်။ ရန်သူတွေ အဖွဲ့ခွဲပြီး တောင်းကုန်းပေါ်ကို ကမ်းပါးယံက တက်နေတယ်။ စိုးရိမ်စရာ သိပ်မရှိဘူး။ တိုက်ပွဲ ထပ်မံဖြစ်လိမ့် နိုးနှင့် တညလုံး မအိပ်နိုင်ပဲ သစ်ပင်ကြီးအောက်၌ ငုတ်တုတ် ထိုင်နေရသည်။ အိပ်ချင်သည့် မျက်လုံးနှစ်လုံးမှာ အိပ်ရေးပျက် ဖန်များ၍လား မသိ တခါတခါ သတိထားရက်က ငိုက်ကနဲ ငိုက်ကနဲ ခပ်စပ်စပ် စိုက်ဆင်းသလို ခေါင်းက ဖြစ်သွားရသည်။ မနက်ကျရင် တိုက်ပွဲဖြစ်မှာပဲလို့ တွေးတော သုံးသပ်ရင်း အရုဏ်တက် လာခဲ့သည်။

နံနက်(ဝ၅းဝဝ)နာရီ အချိန်။ ---- တိုက်ပွဲ စချေပြီ။ စက်ငယ်ထဲ၌ စက် စကားပြောသံ နှင့်အတူ အော်သံများ၊ ကြုံးဝါး ဆဲဆိုသံများ ညံနေ၏။ အပြင်မှာလည်း သေနတ်သံက အတော်လေး ကြားနေရ၏။ မကြာပါ ခဏအကြာတွင် ကျနော်တို့ အဖွဲ့မှ ရဲဘော်တယောက် ပျာယီးပျာယာနှင့် ရောက်လာသည်။ တပ်ရင်းမှူးကို ခပ်လှမ်းလှမ်းသို့ ခေါ်သွားပြီး တီးတိုး ပြောနေကြ၏။ မကြာပါ ကျနော့်ကို ပြင်ဆင်ခိုင်းပြီး သူနှင့်အတူ လိုက်ခဲ့ရန် ရဲဘော်ဆန်းလင်းမှ ခေါ်သည်။ လိုက်သွားတော့။

ကျွန်းပင်ကြီးမှာ လူသုံးယောက် ဖက်ခန့်ရှိမည်။ ထိုအပင်ကြီး ခြေရင်း၌ မြေကျင်းးတူးနေကြသည့် ရဲဘော်အချို့ တွေ့ရသည်။ ဘယ်သူ ထိသွားပါ လိမ့်၊ ဘယ်အဖွဲ့ ကလဲ။ တို့အဖွဲက ဖြစ်နေမလား မသိဘူး။ ဘုရား-ဘုရား-မဖြစ်ပါစေနဲ့လို့ ဆုတောင်းရင်း။ လူလေးယောက် စစ်ပုခက်ဖြင့် ထမ်းထွက်လာတာ မြင်ရ၍ သောက စိတ်နှင့် မည်သူများ ဖြစ်နေမလဲဟု ကြည့်လိုက်သော အခါ ကျနော့်ရင်ထဲ မယုံကြည်နိုင်သည့် မြင်ကွင်း အသစ်စက်စက် ကို တွေ့ရ၏။ ဒုတိယအကြိမ် သေခြာသွားအောင် ထပ်မံ၍ ကြည့်မိသည်။ သွေးနီ၊ သွေးစက်များ ပုခက်မှာ စွန်းထင်းပြီး ဘယ်ဖက် နားထင်သို့ ကျည်ဖြတ်မှန် သွားသော ဒါဏ်ရာမှာ ဟင်းလင်းပွင့်၍ နေချေပြီ ။ သူကား အသက် မရှိတော့ပြီ။ ကျဆုံးတယ် ဆိုတာ ဒါကို ခေါ်တာလား ဟု ကြီးမား လေးနက်စွာ ငေးမော တွေးနေမိသည်။ ထိုရဲဘော်မှာ ရဲဘော် ဇော်ဝင်းလှိုင်ပင် ဖြစ်တော့သည်။ ကျနော်နှင့် သင်တန်း တပါတ်စဉ်တည်း တက်ခဲ့ရသူ။ သင်တန်းသား အားလုံးထဲမှာ အသက်အငယ်ဆုံး ရဲဘော်။ အရိုး အ အဆုံးရဲဘော်။ တာဝန်အကျေဆုံး ရဲဘော်။ အနစ်နာအခံဆုံး ရဲဘော်။ ခုတော့ ဝိဥာဉ်မဲ့ချေပြီ။

သူ၏ တော်လှန်ရေး ရုပ်ပုံတွေကို ကျနော့် မျက်စေ့ထဲ မြင်ယောင်ရင်း ။ တပ်ရင်းမှူး ရဲဘော်ဆန်းလင်း၏ အက်ကွဲ ကြေကွဲသံက - ရဲဘော်ဇော်ဝင်းလှိုင် ရဲဘော်ဟာ တော်လှန်ရေး တာဝန်ကို ကျေပြွန်စွာ ထမ်းဆောင် သွားခဲ့ပြီ၊ ရဲဘော် သင်သွားလိုရာ သွားနိုင်ပြီ။ နောက်ထပ် သူ့အတွက် ထပ်ထွက် လာတော့မည့် စကားအသံကို ကျနော် မကြားရက် နိုင်တော့ပါ။ မကြားလဲ မကြားချင်တော့ပါ။ နောက်ဆုံး သေနတ်မြောက် အလေးပြုနေချိန်မှာ ကျနော့ တကိုယ်လုံးကို ကိုင်လှုပ်နေသလို ဘယ်တော့မှ အရှုံးမပေးနဲ့ ဆိုသည့် အားပေး အသံက ကျနော့ နားထဲသို့ သံမှိုစွဲသလို ခိုင်ကျည်စွာ စူးစူးနစ်နစ် ကြားနေရသည်။

ဒိုင်း-ဒိုင်း-ဒိုင်း- ဆိုသော သေနတ်သံ သုံးချက်မှာ သူက ကျနော်တို့ကို ခွဲခွာသွားပြီ ဖြစ်သလို။ အမိမြန်မာပြည် လွတ်မြောက်ရေး အတွက် ကျူးရင့်တဲ့ ဒီမိုကရေစီ ဥဒါန်းမှာ ကျနော်တို့က သူ့ကို ဂုဏ်ပြုတဲ့ တေးသံတွေလည်း ဖြစ်နေတယ် မဟုတ်ပါလား။။

( ကျည်ဝေဖြိုး )