Friday, August 19, 2011

“ ငြိမ်းချမ်းရေး မလုပ်လို့ မဖြစ်တော့ ”

“ ငြိမ်းချမ်းရေး မလုပ်လို့ မဖြစ်တော့ ”

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

                         ကိုလေး - အင်းဝ ဂုဏ်ရည်နှင့် အင်တာဗျူး


“လမ်းသစ်ကဗျာများ” ကဗျာစာအုပ်ဖြင့် အမျိုးသားစာပေဆုကို ၁၉၆၅ ခုနှစ်တွင် ရရှိခဲ့သူ ကဗျာဆရာကြီး ဦးကိုလေး (အင်းဝဂုဏ်ရည်က)၊ တိုင်းရင်းသားဒေသများတွင် တိုက်ပွဲများဖြစ်ပွားနေခြင်းကြောင့် ငြိမ်းချမ်းရေးဖေါ်ဆောင်နိုင်ရန် အစိုးရအပါအဝင်၊ လက်နက်ကိုင် အဖွဲ့အစည်းများ၊ ပြည်သူလူထုတို့ကို စေ့ဆော် တိုက်တွန်းသွားမည်ဖြစ်ကြောင်း သူ၏ ယခုလ ၁၁ ရက်နေ့တွင် ကျရောက်သည့် ၇၅ နှစ်မြောက် မွေးနေ့တွင် ပြောဆိုသည်။

ဆရာကြီး၏ ငြိမ်းချမ်းရေးရည်မှန်းချက်၊ ငြိမ်းချမ်းရေးအတွက် လက်လက် လုပ်ဆောင်သွားမည့် အစီအစဉ်များ၊ ငြိမ်းချမ်းရေး အောင်မြင်နိုင်မှု မအောင်မြင်နိုင်မှု အလားအလာ၊ စသည်တို့ကို မဇ္ဈိမ သတင်းထောက် မျိုးသန့်က မေးမြန်းထာသည်။

ထို့အပြင် ဆရာကြီး၏ စာပေရေးသားမှုအပေါ် သဘောထား၊ ကဗျာ စာပေ၏ သက်ရောက်မှု၊ ယခင် မီဒီယာနှင့် ယနေ့ခေတ် မီဒီယာအကြောင်း၊ သူ၏ စာပေများ ဖြတ်တောက်ခံရမှု၊ စာရေးသားခွင့် ပိတ်ပင်ခံရမှု၊ မီဒီယာများအပေါ် သဘောထား စသည်တို့ကိုလည်း ဤမေးမြန်းခန်းတွင် ဖတ်ရှုနိုင်ပါသည်။

ငြိမ်းချမ်းရေးနှင့် ပတ်သက်၍ စာရေးဆရာကြီး ဒဂုန်တာရာလည်း ငြိမ်းချမ်းရေး တည်ဆောက်ကြရန် ယခုလ
ပထမပတ် အတွင်း ပန်ကြားလွှာ တစောင် ထုတ်ပြန်ကာ တိုက်တွန်းခဲ့သေးသည်။ ယင်းအပြင် အစိုးရသစ်၏
ပြည်ထောင်စုအစိုးရအဖွဲ့မှလည်း “လက်နက်ကိုင် ပဋိပက္ခများ ဖြေရှင်းပြီး ငြိမ်းချမ်းရေး ဖော်ဆောင်လိုသော တိုင်းရင်းသား လက်နက်ကိုင် အဖွဲ့အစည်းများသည် မိမိတို့ တစ်ဖွဲ့ချင်း အလိုက် ပထမအဆင့် အနေဖြင့် ပဏာမ ဆောင်ရွက်ရန် လိုအပ်သော လုပ်ငန်းစဉ်များကို ဆောင်ရွက်နိုင်ရန် အတွက် သက်ဆိုင်ရာ ပြည်နယ်
နှင့် တိုင်းဒေသကြီး အစိုးရ အဖွဲ့နှင့်ဆက်သွယ် ဆောင်ရွက်နိုင်ကြောင်း”  ကြာသပတေးနေ့က ကြေညာချက် ထုတ်ပြန်ခဲ့သည်။

ဘဘရဲ့ အသက် ၇၅ နှစ်ပြည့်မွေးနေ့မှာ ငြိမ်းချမ်းရေးအတွက် လှုံ့ဆော်ထားတာတာကို ကြားသိရပါတယ် ဒီအခြေအနေမှာ ဘာ့ကြောင့် ငြိမ်းချမ်းရေးအတွက် တိုက်တွန်းနှိုးဆော်ရတာလဲခင်ဗျာ့။

“ကျနော် ကဗျာတပုဒ်ရေးခဲ့တယ်ဗျ။ ‘ခင်ဗျားနား ငါးလောင်း၊ ချောင်းဘေး လေးလောင်း၊ သင်္ချိုင်းကုန်း သုံးလောင်း အလောင်းချည်း ကျောင်းပျက်၊ တရက်လည်းမဟုတ် နှစ်ရက်လည်းမဟုတ်၊ ကျောင်းအုပ်ကြီးရဲ့ ကြိမ်ဒဏ်
ကျောကော့အောင်ခံခဲ့ရ၊ ဆရာမကလည်း နားရွက်ဆွဲ ထိုင်၊ထတဲ့ ဪ ကာလ ကာလ’ ဆိုပြီးတော့ ကျနော်ရေးခဲ့ဖူးတယ်။ ကျနော့်အသက် ၅ဝ ပြည့်တဲ့နေ့မှာ ကျနော် နောက်ကြောင်းပြန်ကြည့်တဲ့အခါ ဒါတွေ မြင်ခဲ့ရတာကိုးဗျ။ အဲဒါကြောင့်ပါ။”

kl751
ဦးကိုလေး (အလယ်) ၇၅ နှစ်ပြည့်မွေးနေ့တွင် သူ၏ မိတ်ဆွေများနှင့် ငြိမ်းချမ်းရေးလှုပ်ရှားမှုကြောင်း ဆွေးနွေးနေပုံ


အသက် ငါးဆယ်လောက်တည်းက စစ်ရဲ့ အနိဋ္ဌာရုံတွေ မြင်တွေ့ခဲ့ရတယ် အခု ၇၅ နှစ်ရောက်မှ ငြိမ်းချမ်းရေးအတွက် လှုံ့ဆော်ရတဲ့ ရည်ရွယ်ချက် ပြောပြပါဦးခင်ဗျာ့။


“ကျနော် ဒေါ်ဒေါ့် (လူထု ဒေါ်အမာ) ကို ပြောဖူးတယ်ဗျ။ ကျနော် အောင်ပန်းကို သွားမယ်၊ ဦးလေး (ဆရာကြီး ဒဂုန်တာရာ) ဆီသွားမယ်။ အဲဒီ (၁၉၉၆ ခုနှစ်) တုန်းက ကျနော် ငြိမ်းချမ်းရေး လှုပ်ရှားမှုလုပ်ဖို့ ပြောတော့
မောင်ကိုလေးရေ နည်းနည်း စောသေးတယ်ကွ။ ခဏ စောင့်ကြည့်ပါဦးဆိုတော့ ကျနော်တို့ စောင့်ထားတာဗျ။ အခုကျတော့ ဗြုန်းဆိုပြီးတော့ အရင်လို လက်နက် ပြန်ကိုင်လာတဲ့အခါကျတော့၊ ကျနော်တို့ မလုပ်လို့
မဖြစ်တော့ဘူး။ အရင်တုန်းက နည်းနည်း ငြိမ်နေတော့ ကျနော်တို့ ထလုပ်လို့ မတော်သေးဘူးပေါ့ဗျာ။ အခု
သေနတ်သံတွေ ပြန်ကြားရပြန်ပြီဗျ။ အဲဒါကြောင့် မလုပ်လို့မဖြစ်တော့ဘူး။”


ငြိမ်းချမ်းရေးပေါ်ပေါက်လာဖို့ ဘယ်လို ပုံစံမျိုးနဲ့ လုပ်သွားဖို့ရည်မှန်းထားလဲ။

“ကျနော်တို့မှာတော့ စာရေးတဲ့နေရာမှာ ပေါ်လစီရှိတယ်။ မြန်မာ့အသံပေါ်လစီလိုပေါ့ ‘ပြန်ကြားပေးရန် မြန်မာ့အသံ၊ ပညာပေးရန် မြန်မာ့အသံ၊ ဖျော်ဖြေပေးရန် မြန်မာ့အသံ။’ ကျနော်တို့ကတော့ လူထုကို လှုံ့ဆော်မယ်၊ စည်းရုံးမယ် ငြိမ်းချမ်းရေးလှုပ်ရှားမှုတွေမှာပါဝင်ဖို့။ ဒါတွေကိုတော့ ကျနော်တို့ ပေါ်လစီအနေနဲ့ မှန်းထားတယ်။”

ဒီအစီအစဉ်တွေ အကောင်အထည်ပေါ်လာဖို့ကျတော့ကော ဘယ်လိုလုပ်မလဲ။

“ကျနော်တို့ အခု စလှုပ်ရှားနေတာ ကမ်ပိန်းတွေပေါ့ဗျာ။ ကျနော်တို့ အဲဒါပဲ တတ်နိုင်မယ်ပေါ့၊။ မီဒီယာတွေက
ပြောမယ်ဗျာ။ အရင်တုန်းကလိုတော့ ကျနော်တို့ အသံတွေ မကြားရမှာ ဘာ့မှကြောင့်ကြ စရာမလိုတော့ဘူး။
ကျနော်တို့ မီဒီယာတွေကနေပြောမယ်။ အင်တာနက်တွေကပြောမယ် ကျနော်တို့ အဲဒီကနေစပြီးတော့ ပြောမယ်။”

ဘယ်အဆင့်လောက်အထိကို စည်းရုံးလှုံ့ဆော်သွားဖို့ အစီအစဉ်ရှိလဲခင်ဗျာ့။

“ကျနော်တို့ချင်း ကျနော်တို့ နားလည်ဖို့ ကျနော်တို့ချင်းဆိုတာ ဦးသိန်းစိန် အစိုးရအထိအောင် ပြောတာနော်။ ကျနော်တို့က ညီအကိုတွေ တယောက်နဲ့တယောက် အမျိုးတွေ။ အဲဒီတော့ တယောက်နဲ့ တယောက်ရန်မရှာကြေး။ အဲဒီတော့ သူတို့ မပါချင်ပါချင်အောင် ကျနော်တို့ စည်းရုံးမယ်။ စစ်ရဲ့ဆိုးကျိုးတွေ အပြစ်တွေ ကျနော်တို့ ပြောပြမယ် တိုးတိုးတိတ်တိတ် ပြောလို့ရရင် တိုးတိုးတိတ်တိတ် ပြောမယ်။ လက်တို့ ပြောလို့ရရင် လက်တို့ပြောမယ်။ အဲဒီဟာကို ကျနော်တို့ လုပ်မယ်။ အခု အုပ်ချုပ်နေတဲ့လူတွေကော အုပ်ချုပ်ခံ လူတန်းစားတွေကော ကျနော်တို့ စည်းရုံးမယ်။ လက်နက်ကိုင်ပြီးတော့ တိုက်ပွဲဝင်နေတဲ့ ပုဂ္ဂိုလ်တွေကော ကျနော်တို့ တတ်နိုင်သလောက် စည်းရုံးမယ်။ အသံတွေ
ပေးကြမယ်ပေါ့ဗျာ၊ ကျနော်တို့ အဲဒါတော့ မှန်းထားတယ်။”

အခုလိုမျိုး ငြိမ်းချမ်းရေး လှုပ်ရှားမှုတွေ လုပ်တဲ့နေရာမှာ လူငယ်တွေရဲ့ စိတ်ပါဝင်စားမှုကကော ဘယ်လိုရှိပါသလဲ။

“လူငယ်တွေကလည်း ကျနော့် မွေးနေ့မှာလာတယ်ဗျ။ သူတို့ကလည်း တအားတိုက်တွန်းတက်ဗျ။ ငြိမ်းချမ်းရေး
အတွက် ကလေးတွေလည်း ငြိမ်းချမ်းရေး လုပ်ရမယ်ဆိုတာ သိတယ်ဗျ။ သူတို့ သိပ်စိတ်ဝင်စားတယ်။ ကျနော် ၇၅ နှစ်ဗျ ငြိမ်ငြိမ် နေချင်တာလေ ဒါပေမယ့် မရဘူး အဲဒီကလေးတွေ သူတို့ စိတ်ဝင်စားတယ်ဗျ။ သူတို့ကတော့
ပေါ်လစီ ချမှတ်တဲ့သူတော့ မဟုတ်ဘူးပေါ့ဗျာ သူတို့ကတော့ ခိုင်းတာ အကုန်လုပ်မှာပဲ။ သူတို့ဘက်က တာဝန်
ကျေတယ်ဗျ။”

လက်နက်ကိုင် တိုက်ပွဲတွေက အဓိကအားဖြင့် တိုင်းရင်းသား ဒေသတွေမှာ ဖြစ်နေတာပေါ့လေ၊ မြေပြန့်က လူတွေက ဒို့အရေး မဟုတ်ပါဘူးလို့ ယူဆချက်တွေ ရှိနိုင်လား ငြိမ်းချမ်းရေးအတွက် အောင်မြင်နိုင်မှု အလားအလာကော ဘယ်လိုရှိနိုင်လဲ။

“ကျနော်တို့ မြေပြန့်ကလူတွေကလည်း စစ်ရဲ့ အနိဋ္ဌာရုံကို တွေ့နေရတာပဲဗျ။ မောင်စွမ်းရည် ကဗျာကို ကျနော် ခင်ဗျားကို ရွတ်ပြမယ် ‘တော်လှန်ရေးကြီး ဖြစ်စေသတည်းဟု ဖန်တီးယူ၍ မရပါ၊ တော်လှန်ရေးကြီး တန့်စေ
သတည်းဟု ဟန့်ဆီးယူ၍ မရပါ။ တော်လှန်ချိန်ကျ တော်လှန်ရသည် ဆန္ဒအခရာ ပြည်သူသာတည်း။ ပြည်သူ့
ဆန္ဒ အချက်ပြလျှင် မုချ တော်လှန်ရသည်သာ။’ ဆိုတော့ ကျနော်တို့ ပြည်သူ့ဆန္ဒ အချက်ပြရင် ကျနော်တို့ ကမ္ဘာ့ငြိမ်းချမ်းရေး၊ မြန်မာ့ ငြိမ်းချမ်းရေးဟာ  မရစရာအကြောင်းမရှိဘူးလို့ ကျနော် သူ့ကဗျာ ကိုးကားပြီး
ပြောပါရစေ။”

kl75
        အင်းဝဂုဏ်ရည် စာအုပ်တိုက်ရှေ့တွင်တွေ့ရသည့် ဆရာကြီး ဦးကိုလေး (အင်းဝဂုဏ်ရည်)


ဘဘရဲ့ အယူအဆက အရင်တုန်းကတော့ ရန်သူထောက်ခံတာ ဆန့်ကျင်ရမယ်၊ ရန်သူဆန့်ကျင်တာ
ထောက်ခံရမယ် လို့ ယူဆချက် ရှိခဲ့တယ်လို့သိရပါတယ်။ အခုအချိန်မှာ အဲဒီ အယူအဆက ပြောင်းသွား
ပြီလား။ ဘာ့ကြောင့်ပါလဲ။


“ဟုတ်တယ်ဗျ။ ကျုပ်တို့ကြီးလာတာက ‘ရန်သူ ထောက်ခံတာ မှန်သမျှ ကျုပ်တို့ ဆန့်ကျင်ရမယ် ရန်သူ ဆန့်ကျင်
တာ မှန်သမျှ ထောက်ခံရမယ်’ ။ အဲဒါတွေကို ကျနော်တို့ကလည်း ရွတ်ဖတ်နေရင်းက ကြီးလာတဲ့ အခါကျတော့
နိုင်ငံရေး အာဏာဆိုတာ သေနတ်ပြောင်းဝက ထွက်လာတာ ဆိုတော့ ကျုပ်တို့က သိပ်ကြိုက်တာပေါ့ဗျာ။ အစက ကျုပ်က ဒေါ်အောင်ဆန်းစုကြည် ကြိုက်ကို မကြိုက်ဘူး။ ဒါပေမယ့် ဒေါ်စုက အကြမ်းမဖက်ရေးဝါဒ ဆိုပြီးတော့၊
သေနတ်ပြောင်းဝက ထွက်လာတဲ့ နိုင်ငံရေး အာဏာဆိုတာကြီးကို မျိုးဆက်သစ်တွေ အတွက် အမွေမပေးခဲ့ချင် ပါဘူးဆိုတော့။ ဒီစကားက ဘာတုန်း ဆိုပြီးတော့၊ ကျနော်တို့က မစုကို တဖြည်းဖြည်း ကြိုက်လာတာဗျ။”

အာဏာရှင်စနစ် ပတ်သက်ပြီးလည်း ဘဘရဲ့ အယူအဆကို နည်းနည်း ပြောပြပါဦး။

“အာဏာရှင်စနစ် သုံးခုရှိတယ်။ လူတယောက် အာဏာရှင်စနစ်။ တပါတီအာဏာရှင်စနစ်။ စစ်အာဏာရှင် စနစ် ဆိုပြီးတော့ အဲဒီမှာ ကျုပ်တို့က ဘာမှ မလိုချင်တော့ဘူး။ လူတယောက် အာဏာရှင်စနစ်လည်း No။ တပါတီ အာဏာရှင်စနစ်လည်း No။ စစ်အာဏာရှင်စနစ်ဆိုတာလည်း ဝေးသေးဗျာ။ အဲဒါတွေ ဆန့်ကျင်ရင်း ဆန့်ကျင်
ရင်းနဲ့ မစု(ဒေါ်အောင်ဆန်းစုကြည်) အတွေးအခေါ်ကို ကျုပ်တို့က လက်ခံသွားတာပဲ။”

NLD နဲ့ ဆက်စပ်မှုကြောင့်လည်း ဘဘရဲ့ စာမူတွေ မဂ္ဂဇင်းပေါ်မှာ ဖေါ်ပြခွင့် မရဘူးလို့ သိရပါတယ်။

“၁၉၉၉ ကနေပြီးတော့ စပြီးတော့ ကျနော့်စာမူတွေ ဖေါ်ပြမခံရတာဘဲ။ ဒေါ်အောင်ဆန်းစုကြည်က ကျနော်နဲ့ ကြည်အောင်ကို သူ့ ဌာနချုပ်ကိုဖိတ်ပြီးတော့ ဟောပြောပွဲ လုပ်တာဗျ။ ကျနော်တို့ သွားဟောတာပေါ့ အဲဒီကနေ စပြီးတော့ ကျနော် စာရေးခွင့် အပိတ်ခံရတာပဲဗျ။ ၁၂ နှစ်လောက် အပိတ်ခံလိုက်ရတယ် အခု ပြန်ရတာ နှစ်လ
လောက်ပဲ ရှိသေးတယ်။”

ဒီလို စာမူတွေ ပြန်ပြီးတော့ ဖေါ်ပြခံရတာမှာ အာဏာပိုင် အဖွဲ့အစည်း၊ ဒါမှမဟုတ် သက်ဆိုင်ရာနဲ့ သဘောတူညီချက် တခုခု သူတို့ဘက်က ကမ်းလှမ်းတာကို လက်ခံလိုက်လို့လား။

“ကျနော့်ကို ပြောကို မပြောဘူး။ သူတို့လာပြောလည်း ကျနော်က No ပေါ့။ ကျနော်ပြောချင်က ကျနော်သည် ကဗျာသမား၊ နိုင်ငံရေးသမားမဟုတ်ဘူး ကျနော့်ကို သမ္မတ လာလုပ်ခိုင်းလည်း ကျနော်မလုပ်ဘူး။ လုပ်လည်း မလုပ်တတ်ဘူး။ ကျနော်ကဗျာဆရာ လွတ်လပ်စွာစည်းရုံးခွင့်၊ လွတ်လပ်စွာ ဟောပြောခွင့်၊ လွတ်လပ်စွာ
ရေးသားခွင့်ရရင် တော်ပြီ။”

ပယ်ဖျက်ခံခဲ့ရတဲ့ စာမူတခုလောက် ပြန်ပြောပြပါလား။

“ဆိုပါတော့ဗျာ ကျနော့်အဖေက နေမကောင်းနေတာဗျ။ ဆောင်းတွင်းကြီး၊ သေခြင်းတရားက ကံ၊ စိတ်၊ ဥတု၊ အာဟာရဗျ ဥတုဖေါက်ရင် လူကြီးတွေ သေတတ်တယ်ဗျ။ အဲဒီတော့ ဆောင်းဥတုဆိုတာ တိမ်ကင်းစင်ပြီး
ကောင်းကင်ကြီးပြာနေမှ အဲဒီမှာ တိမ်က အဆုပ်အဆုပ် မဲမဲနဲ့ လာရှုပ်ရင် ဥတု ဖေါက်တယ်ခေါ်တယ်။ အဲဒီ ဥတုဖေါက်တဲ့ အထဲမှာ ကျနော့်အဖေ အသက်ပါသွားမှာ ကျနော်က စိုးတာ။”

‘ဆောင်းဥတု တိမ်စင်၊ တိမ်တမျှင် တိမ်တအုပ် တိမ်မရှုပ်တဲ့ လဟာ။ ကောင်းကင်ကြီးပြာပြာမှာ နေခြည်ဖြာ၍
နွေးစေသော်။ အလို တိမ်တအုပ် အဆုပ်အဆုပ်နဲ့ လာရှုပ်ပြန်ပြီ။ ရာသီကဖေါက် မြောက်လေကသွေး အေးချင်တိုင်း
အေးနေတဲ့ ဆေးကုနေတဲ့ လူမမာ။ အဖေ့ကို ညှာပါ အဖေ့ကို ညှာပါ နေခြည်ဖြာ၍ နွေးစေသော်။’

“အဲဒါကို ခင်ဗျားတို့က အဲဒီလို ဉာဏ်ရှိတိုင်း လုပ်လို့ရမလားတဲ့။ ခင်ဗျားအဖေဆိုတာ ဦးနေဝင်း စောင်းတာတဲ့ ဒီလို သောက်ပြစ်ရှာတာတွေဗျ။”

စာရေးခွင့် ရပြီဆိုတော့ ဘာစာတွေ ဆက်ရေးသွားဖို့ အစီအစဉ် ရှိလဲခင်ဗျာ့။

“ကျနော်ကတော့ ပညာပေးမယ်၊ စည်းရုံးမယ်၊ ဒီစာမျိုးတွေကိုပဲ ရေးသွားဖို့ရှိပါတယ်။ ဒီပေါ်လစီကတော့
မပြောင်းပါဘူး၊ ကျနော်တို့က အနုပညာဟာ အနုပညာအတွက် ဆိုတာမျိုး မဟုတ်ဘူး။ ကျနော်တို့က ရှင်းတယ် အနုပညာဟာ ပြည်သူ့အတွက်ပဲ။”

ကဗျာတပုဒ် ရဲ့ လူထုအပေါ် အကျိုးသက်ရောက်မှုကို သုံးသပ်ပေးပါဦး။

“ကျနော် ချွေးဆိုတဲ့ ကဗျာတပုဒ် ရေးခဲ့ဖူးတယ်။ ရှမ်းတွေက ကျနော့်ကို ဖက်နမ်းတယ်ဗျ။ သူတို့ မျက်ရည်တွေ စို့တယ်ဗျ။ ချွေးဆိုတာက ကျနော်တို့ အပူပိုင်းဇုန်က လူတွေကတော့ ချွေးထွက်တာ ဘယ်ဆန်းမလဲဗျ။ ရှမ်းပြည်မှာ
တော့ ရာသီဥတုက နှစ်ခုပဲရှိတယ်ဗျ အဲဒါ မိုးနဲ့ ဆောင်းပဲ။”


‘ချမ်းသည် ချမ်းသည် အိုရှမ်းပြည်ရယ်။ ရှမ်းများကိုယ်မှာ ချွေးဆိုတာမရှိ အအေးကိုသာ သိတာကိုးလို့။ ရှမ်းတွေမှာ
ချွေးမရှိဘူးလို့ အပေါ်ရံရှပ် စာစပ်သမားမှားပေါ့။ ကိုယ်တိုင်ကြည့်မှ ရှမ်းများကိုယ်မှာ ချွေးအိ ရွှဲစို အလို ချွေးတွေ
ချွေးတွေနဲ့နော်။’

“သူတို့ သိပ်သဘောပေါက်တာပေါ့ဗျ။ သူတို့ ခံစားတတ်တာဗျာ။ ကျနော့်ကို ဖက်ပြီးတော့ နမ်းဖူးတယ်ဗျ အဲဒီလိုမျိုး သြဇာ သက်ရောက်တယ်။”

ရသ စာပေနဲ့ ပတ်သက်ပြီးတော့ ဘဘ တို့ ခေတ်တုန်းက အရေးအသားမျိုး ရေးသားနိုင်တဲ့ စာရေး ဆရာတွေ ဒီဘက်ခေတ်မှာ မြင်မိလား။

“ရသထဲမှာ လေးခုရှိတယ်။ စကားလုံးရွေးချယ်မှု။ အာရုံခံစားမှု။ အတွေး။ နောက်ပြီးတော့ အလင်္ကာ ဥပမာ
ခင်ဗျားကို ကျနော်ပြောမယ် ခင်နှင်းယုရဲ့ မွှေး ကျုပ်တို့ တက္ကသိုလ်ကျောင်းသားဘဝတုန်းက စွဲလိုက်လေဗျာ။”

‘ဒီအချိန် ရောက်ပြီဆိုမှဖြင့် အတွတ်နှင့် မွှေးတို့ အတူတကွ မွေးဖွားကြီးပြင်းခဲ့ကြသော ဝါးခယ်မမြို့ပြင်ရှိ လယ်ကွင်း
ထဲမှ စပါးစေ့လေးများသည် အိပ်ပျော်ရာမှ နိုးကြပေတော့မည်။’


“သူ့ရဲ့ အာရုံခံစားမှုရယ်၊ စကားလုံး ရွေးချယ်မှုရယ်က ကျုပ်တို့ မစွဲခံနိုင်ပါ့မလားဗျ။ ရသစာပေဆိုတာ အဲဒါခေါ်
တာဗျ။ အဲဒါတွေက တကယ့်ပါရမီရှင်တွေမှ လုပ်လို့ရတာပါဗျာ။ ကမြောက်ကချောက်တွေ လုပ်လို့မရပါဘူး။
ဒါပေမယ့် ရှိပါတယ် မပူနဲ့ ခင်ဗျား ဒါတွေ ဖြစ်လာဦးမှာ နုနုရည် (အင်းဝ) ခင်နှင်းယု သမီးလောက်ရှိတာ သူပေါ် လာတာပဲ ဂျူးတို့ ဒါမျိုးတွေ ပေါ်လာသေးတာပဲ။”

ဘဘတို့ ဖြတ်သန်းခဲ့တဲ့ ကာလက နေ့စဉ်ထုတ် သတင်းစာတွေနဲ့ ဒီနေ့ခေတ် ဂျာနယ်တွေကကော ဘာကွာခြားမှုတွေဘာရှိလဲ။

“ကျနော်တို့ ကြီးခဲ့ရတာက အယ်ဒီတာကြီးတွေရဲ့ မျက်လုံးအောက်က ဖြတ်ပြီးတော့ ကျနော်တို့စာမူတွေ မဂ္ဂဇင်း
ထဲ ပါရတာဗျ။ အယ်ဒီတာဆိုတာ တည်းဖြတ်တာဗျ။ ဒီနေ့ အယ်ဒီတာဆိုတာက အယ်ဒီတောင်း တွေဗျ။ အယ်ဒီမဟုတ်က ဟုတ်က ကောင်တွေပဲ။ သူက စာမူတောင်းနိုင်ရင် အယ်ဒီတာဖြစ်တာပဲဗျာ။ Edit ဆိုတာကို နားမလည်တော့ဘူး ဘယ်သူမှလည်း မလုပ်ရဲဘူး၊ သူတို့က ဒီအစိုးရ မကြိုက်လောက်ဘူးဆိုရင် ဒါကို ပယ်လိုက် တာပဲဗျာ အယ်ဒီတုံးတွေ။”

စာပေ စိစစ်ရေးကို ဖြတ်ပြီးမှ ပုံနှိပ်အဆင့်ကိုရောက်လာတဲ့ စာတွေရဲ့ အရည်အသွေးကျတော့ကော။

“ကျနော်တို့ကလည်း တော်တော် ဂွကျတယ်ဗျ။ ဒီစာပေကင်ပေတိုင်ဆိုတဲ့ တောင်ကြီးကျော်ရတာ တော်တော် ဂွကျတယ်ဗျ။ ကျနော်စာတွေ ငွေမင်နဲ့ ပိတ်၊ မင်မဲနဲ့ပိတ်၊ မင်နီနဲ့ပိတ် ဆုတ်ဖြဲခံရ အလကား အပြစ်မရှိ အပြစ်ရှာ၊ အဲဒီဟာတွေ ခံရတာပေါ့ဗျာ။ လွတ်လပ်စွာရေးသားခွင့် ရှိတဲ့ကာလနဲ့ လွတ်လပ်စွာရေးသားခွင့် မရှိတဲ့ကာလက
ခင်ဗျား စဉ်းစားသာကြည့်ပါတော့။ ပွတ်ကာ သီကာလေးနဲ့ ကျုပ်တို့ကလည်း အချိုကုန်နေရတာက ဒီနေရာလေး
တင် အချိုကုန်နေရတာ။”

စိစစ်ရေးကို ဖြတ်ပြီးမှလာရတဲ့ မီဒီယာရဲ့ အခန်းကဏ္ဍကို ဘယ်လို သုံးသပ်မိလဲခင်ဗျာ့။

“ကျနော်တို့ ငယ်ငယ်က အိမ်ရှေ့မှာ မီးနှစ်လုံးထွန်းရတယ်။ အဲဒါ ကျနော့် အဖိုးကို ဘာ့ကြောင့် ထွန်းရလဲလို့
မေးတဲ့အခါကျတော့ ငါ့သားရယ်တဲ့ မီးရှိတော့ လူတွေ အိမ်ရှေ့ သေးမပေါက်ဘူးပေါ့တဲ့။ ခရီးသွားတွေလည်း မီးလင်းတဲ့အခါကျတော့ မြွေပါး ကင်းပါး၊ အန္တရယ်ကင်းတာပေါ့တဲ့ အခုက အဲဒီ အလင်းရောင်ကို မှောင်ပစ် လိုက်တဲ့အခါကျတော့ အမှောင်ထဲမှာ ကြိုက်သလို လုပ်နေတာဗျ။ သေးပေါက်ရုံတင်မကဘူး ချေးပုံတွေလည်း ပွနေတာပဲဗျ။ မြွေကိုက် ကင်းကိုက်တဲ့လူတွေလည်း နည်းတာမဟုတ်ဘူးဗျ။ အဲဒီတော့ မီဒီယာဆိုတာ တကယ့်
Light ကြီးပဲဗျ၊ မီးမောင်းကြီးတွေရှိနေရင် လှုပ်ကို မလှုပ်ရဲဘူး။ လာဘ်စားတဲ့ကောင်တွေ မီဒီယာကနေ ပြော
လိုက်ရင် ဒီကောင့်ကို ဝိုင်းမျက်စောင်းထိုးတာနဲ့တင် ဒီကောင် ပြာကျလောက်တယ်။ မီဒီယာဆိုတာ စတုတ္ထမဏ္ဍိုင် ခင်ဗျား သိပါတယ်ဗျာ။”

Monday, August 15, 2011

ဧရာဝတီလှိုင်းတံပိုးများ

ဧရာဝတီလှိုင်းတံပိုးများ

မြစ်ဆုံကို
ချစ်ရုံ နဲ့  မရတော့ဘူးဟေ့။

အမေ့ရင်အုံ
မီးပုံမှာ ကင်နေပြီ။

အမေ့နှလုံးသား
ဝါးမျိုနေကြပြီ။

အမေ့သွေးသား
ဖောက်ကားရောင်းဝယ်နေကြပြီ။

အမေ့နို့ ရည်ကြည်
ပြည်ပပို့ မဲ့ ထွက်ကုန်တဲ့။

အမေနဲ့ ဗေဒါ ၊ အမေနဲ့ ဝမ်းစာ
အမေနဲ့  ရေဆန်၊ အမေနဲ့  လေထန်
အမေနဲ့  ကဗျာ၊ အမေနဲ့ အနုပညာ
အမေ့ရဲ့ ချစ်ခြင်းမေတာ
မိရိုးဖလာ ထုံးစဉ်လာလေ။

အမေ့သမိုင်း
ရာဇ၀င် အရိုင်းမခံဘူး။

အမေ့ကို
သွေး၊ တေး၊ ဓားလှံလေးမြားနဲ့ 
ရင်းနှီးရယူထားခဲ့တာ။

ကာကွယ်ကြ
ခုခံကြ၊ ပေးဆပ်ကြ
အမေ့ကျေးဇူး ဆပ်ဖူးကြ။

မဲခေါင်၊ ဗော်လဂါ
ဂင်္ဂါ၊ နိုင်း၊ ယန်စီ၊
နဒီမြစ်တွေ တွေ့ လေတိုင်း။

အမေ့အလောင်း
မြစ်ကြောင်းအတိုင်း
စစ်မောင်းသံချီ၊ မြားမိုးရွာမည်
ခေတ်ကို မြစ်ကပြဌာန်းမည်။

အမေ
ဧရာဝတီ
သွေးနှင်းဆီရဲ့ ညီညွတ်ရေး
ငြိမ်းချမ်းရေးကို လရောင်ဖြန်း
ရာစုသက်တမ်းရှည်စေအံ့။ ။

မောင်လွမ်းဏီ
၁၅ - ၈ -၂၀၁၁

Mya yaet La- Htoo Eain Thin

Mya yaet La- Htoo Eain Thin by komyoedesign

Wednesday, August 10, 2011

“ကျနော့်အမြင်ကတော့ စစ်ဖြစ်နေပြီ”

“ကျနော့်အမြင်ကတော့ စစ်ဖြစ်နေပြီ”


(ဒဂုန်တာရာနှင့် အင်တာဗျူး)
နယူးဒေလီ (မဇ္ဈိမ) ။ ။ မြန်မာပြည် ငြိမ်းချမ်းရေးအတွက် ပြည်သူများက ဒေသ အသီးသီး၌ နိုးနိုးကြားကြား၊ ကျယ်ကျယ်ပြန့်ပြန့် လုပ်ဆောင်ကြရန် စာရေးဆရာ ဒဂုန်တာရာက ပန်ကြားလိုက်သည်။
၂ဝ၁၁ ခုနှစ်မှစ၍ တိုင်းရင်းသားဒေသများတွင် တိုက်ပွဲများ များပြားပြင်းထန်နေသည့်အတွက် အသက်များစွာ ဆုံးရှုံးနေရကြောင်း၊ သေဆုံးသူများနှင့် ပျက်စီးဆုံးရှုံးမှုများမှာ မြန်မာပြည်ပိုင် ပစ္စည်းများသာ ဖြစ်ခြင်းကြောင့်
ပြည်သူအများက ဝိုင်းဝန်းလုပ်ဆောင်ကြရန် တိုက်တွန်းခြင်း ဖြစ်သည်။
ယင်းပန်ကြားလွှာကို ရန်ကုန်မြို့ရှိ မိတ်ဆွေတဦးမှတဆင့် နီးစပ်သူများကို ဖြန့်ဝေခဲ့သည်ဟု သိရသည်။
ဦးဌေးမြိုင် ခေါ် ဆရာကြီး ဒဂုန်တာရာမှာ ၁၉၅၃ ခုနှစ်တွင် သြစတြီးယားနိုင်ငံ ဗီယင်နာ၌ ကျင်းပခဲ့သည် “ကမ္ဘာ့ ငြိမ်းချမ်းရေးကောင်စီ”နှင့် ၁၉၆၁ တွင် ဆွီဒင်နိုင်ငံ စတော့ဟုမ်း၌ ကျင်းပခဲ့သည့် “ကမ္ဘာ့ငြိမ်းချမ်းရေး ကောင်စီ” အစည်းအဝေးများသို့ တက်ရောက်ခဲ့ကာ ၁၉၇၄ တွင် ကမ္ဘာ့ငြိမ်းချမ်းရေးကောင်စီ၏ သဘာပတိ အဖြစ် ငြိမ်းချမ်းရေး လှုပ်ရှားမှုများတွင် ပါဝင်ခဲ့သည်။
ပြည်တွင်းစစ်ကို အမြန်ဆုံး ရပ်စဲရန်နှင့် တွေ့ဆုံဆွေးနွေးကာ ငြိမ်းချမ်းရေး တည်ဆောက်ကြရန် အတွက်လည်း ငြိမ်းချမ်းရေး ပန်ကြားလွှာမှတဆင့် အသက် ၉၃ နှစ်အရွယ် ငြိမ်းချမ်းရေးစာရေးဆရာကြီးက တိုက်တွန်းထားသည်။
မဇ္ဈိမသတင်းထောက် ထွန်းထွန်းက ဆက်သွယ်မေးမြန်းထားပါသည်။
--------------------------------------------------------------------------------------------------------------------------------------
ငြိမ်းချမ်းရေးအတွက် ပြည်သူတွေ အနေနဲ့ အနယ်နယ် အရပ်ရပ်ကနေ ပါဝင်လုပ်ဆောင်ကြဖို့ ပန်ကြားလွှာ ထုတ်တယ် သိရပါတယ်ဗျ။ ဘယ်နေ့ကများ ထုတ်ခဲ့တာပါလဲ။
“ဟုတ်ပါတယ်။ ဘယ်နေ့ကလဲဆိုတာတော့ ပြန်စဉ်းစားမှ ရတော့မယ်ဗျ။ အကြာဆုံး ၄ ရက်ပဲ။ ရန်ကုန်မှာလည်း
ဝေတယ်။ ကျနော့်လူတယောက် ရှိတယ်လေ။ ဦးလှမောင်ဆိုတာ မုံရွာက လူ။ သူက တဆင့် နီးစပ်ရာကို ဝေတာ”
အခု ထုတ်ပြန်ချက်ထဲမှာကော ဘယ်အချက်တွေကို ထည့်သွင်းဖော်ပြထားလဲ။
“ငြိမ်းချမ်းရေးလုပ်ကြဖို့ တိုက်တွန်းထားတာပါ။ ကျနော်က ကိုယ်ရေးတာတွေ ကိုယ် မမှတ်မိဘူးဗျ။ “လူမသေ
ပြည်မပျက်” ဆိုတဲ့ စကားလေး ကျနော် လုပ်ချင်တယ်ဗျ။ အဲဒါ လူတွေ အများသဘောပေါက်အောင် လုပ်ချင်တယ်။ အခက်အခဲက ရှိလာရင် ရမယ်။ ရတော့ ရမှာပါ။ ငြိမ်းချမ်းရေး ရတော့မယ်။ ကျနော် မျှော်လင့်တာပေါ့ဗျာ”
ddy
ဆရာကြီး ဒဂုန်တာရာအား ဒူးထောက်စကားပြောနေသည့် ဒေါ်အောင်ဆန်းစုကြည်ကို ဖေဖော်ဝါရီ ၂ ရက် ၂ဝ၁၁ ခုနှစ် သခင်သိန်းမောင်၏ မွေးနေ့ပွဲတွင် တွေ့ရစဉ်။ (ဓာတ်ပုံ-မဇ္ဈိမ)
မြန်မာပြည်က ဒီလို ပန်ကြားလွှာထုတ်ဖို့ လိုအပ်နေပြီလားခင်ဗျ။
“ငြိမ်းချမ်းရေးပျက်ပြီလေ။ ဒီ စစ်သားတွေ အာဏာ အတင်းယူတာဗျ။ သူတို့ လုပ်တဲ့ရွေးကောက်ပွဲ (၂ဝ၁ဝ) ကို သူတို့တပ်က လုပ်တာလေ။ စစ်တပ်အစိုးရ တက်နေပြီလေ။ အရင်ဆုံး ငြိမ်းချမ်းရေးလုပ်သင့်တဲ့ အခါကျတော့ အဲဒီဟာကို တင်လိုက်တာပဲ။ တင်တော့ ပထမတော့ လက်ခံချင်မှ လက်ခံမှာပဲ။ သူတို့က မုန်းတဲ့စိတ်တွေ များပုံရတယ်။ ကျနော်က မုန်းပါဆိုတောင် မုန်းလို့မရလို့ ခက်နေတာ”
“အခုက ကျနော်တို့ နိုင်ငံမှာ ဗမာ၊ ဗမာလို့ ခေါ်နေတဲ့ ဗမာ့တပ်မတော် ပေါ့ဗျာ။ ကချင်တို့၊ ချင်းတို့၊ ကရင်တို့၊ မွန်တို့၊ ရှမ်းတို့၊ တိုင်းရင်းသားလူမျိုးစုတွေနဲ့ စစ်ဖြစ်နေကြတယ်။ ကျနော့်အမြင်ကတော့ စစ်ဖြစ်နေပြီ။ အဲဒါ သိပ်မကောင်းဘူး။ ဘာလို့ဆိုတော့ သူက မုန်းတဲ့စိတ်ပါတယ်။ ဟို တဖက်ကတော့ မမုန်းဘူး။ အစိုးရဘက်က လူ၊ စစ်သားတွေကတော့ မုန်းမှာပါ။ မုန်းပုံ ရတယ် ကြည့်ရတာ”
မြန်မာပြည်ရဲ့ အခြေအနေဟာ ဘယ်လောက်ထိ
လူထုက ငြိမ်းချမ်းရှိမှ ချမ်းသာမှာ။ ငြိမ်းချမ်းရေး
မရှိရင် ဘယ်လိုမှ မချမ်းသာနိုင်ဘူး။ အခု
စစ်လက်နက်ကို အားကိုးနေလို့ မရဘူး။ ငြိမ်းချမ်း တဲ့နည်းနဲ့ လုပ်မှ ရမှာ။ အဲဒါမှ လူမသေဘဲနဲ့လူတွေက တော်တော် သေတာပဲ
ဗျ။ အရှေ့အလယ်ပိုင်းမှာလို သေတယ်။ မြန်မာ
ပြည်မှာလည်း ဒီလိုသေတာပဲဗျ။ အတူတူပဲ
ဆိုးဝါးနေတယ်လို့ ထင်မြင်ထားပါသလဲ။
“ပြည်တွင်းစစ်က လူတွေ ထိခိုက်တယ်ဗျ။ သူက ပြန့်သွားရင် စားတဲ့သောက်တဲ့နေရာတွေမှာ ထိခိုက်တယ်။ ကျန်းမာရေး ထိခိုက်တယ်။ အသက်တိုတာပေါ့ဗျာ။ အဲဒီလို ဖြစ်မှာစိုးလို့ပါ။ ခင်ဗျားတို့ကို တကယ်အားကိုးတာ။ ခင်ဗျားတို့က လုပ်နိုင်တဲ့ စွမ်းအားလည်း ရှိတယ်။ လုပ်လည်း လုပ်နိုင်တယ်။ လုပ်လည်း လုပ်တတ်တဲ့သူတွေ။ ခင်ဗျားတို့ အသက်ရှည်လေလေ
ငြိမ်းချမ်းရေး ရနိုင်လေပဲ။ ငြိမ်းချမ်းရေးရနိုင်လေ တိုင်းပြည်က ကောင်းလေပဲ။ ငြိမ်းချမ်းရေးမရရင် ဘာမှ လုပ်လို့
မရဘူး”
“ဒီစစ်သမားတွေကလည်း သူတို့မှာလည်း သူတို့ပဲ။ တွယ်စရာ မရှိဘူးလေ။ သူတို့ သနားပါတယ်။ ရှမ်းစကားလို
ပြောရင် တွယ်စရာက ကိုရီးယား (ဇာတ်ကား) ပဲ ရှိတယ်”
“ကျနော်က ငြိမ်းချမ်းရေး၊ အေးဆေး နေချင်တာဗျ။ ကျနော့်ကို ဆန့်ကျင်တဲ့သူတွေက “ရန်သူမရှိဆိုတာ” ကို မကြိုက်တဲ့သူ ရှိတယ်လေ။ အခု အဲဒီလူတွေက ကျနော့်ကို ထောက်ခံနေပါပြီ။ တဝက်တော့ ထောက်ခံနေပြီ။ ကျနော့်ကို ထောက်ခံတယ်ဆိုရင် သူတို့က ဂုဏ်ရှိတယ်လို့ ထင်ပုံမရဘူးဗျ။ ကျနော်တွေးတဲ့ အတွေးပါ။ အဲဒီတော့
အခု အဲဒီလူတွေက ကျနော့်ကို ထောက်ခံနေကြပြီ”
“အခု တော်တော်များများ ငြိမ်းချမ်းရေးစကား ပြောကြပြီ။ တကမ္ဘာလုံး ပြောကြတယ် ငြိမ်းချမ်းရေးစကားက။
လုပ်တာ၊ မလုပ်တာကတော့ မပြောလိုဘူးလေ။ တချို့က ပါးစပ်ပြောပေမယ့် လုပ်တာက တလွဲဗျ။ ငြိမ်းချမ်းရေး လုပ်တာမဟုတ်ဘူး။ ကျနော် ထင်တယ် နောက်လာမယ့် လှုပ်ရှားမှုက ငြိမ်းချမ်းရေးလှုပ်ရှားမှုပဲ”
လက်ရှိ မြန်မာနိုင်ငံရဲ့အခြေအနေအတွက် ငြိမ်းချမ်းရေးက ဘယ်လောက်တောင် အရေးကြီးနေလို့
မြင်ပါသလဲ။
“အရေးကြီးတာပေါ့။ သိပ်အရေးကြီးတာပေါ့။ မြန်မာပြည်မှာ ညှိနှိုင်းရေးက တပ်ကလူတွေ အာဏာမသိမ်းခင် အထိကတော့ သိပ်ကောင်းတယ်။ အခြေအနေက။ မြန်မာပြည်သူတွေက ပြောသာပြောတာ မုန်းတတ်တဲ့ စိတ် သိပ်မရှိဘူး။ အကုန် လူကောင်းတွေဗျ။ လူကောင်း၊ လူရိုး၊ အေးဆေးနေတဲ့ လူမျိုးတွေပဲ။ ငြိမ်းချမ်းရေးကို လုပ်ချင်ပေမယ့်လို့ အတင်းဖမ်းတယ်။ ဖမ်းတော့လည်း အတင်းရိုက်ဖမ်းတာဗျ။ အဲဒါ မလုပ်ရဘူးဗျ”
“ဒီ တိုက်တဲ့ခိုက်တဲ့စိတ်ပေါ့ဗျာ။ သူတို့က အခု ထင်နေတာက လက်နက်ကိုင်တဲ့သူတွေက လက်နက်နဲ့ လုပ်ရင်
ရမယ် ထင်နေတာ။ မရဘူး။ လက်နက်နဲ့ မရဘူး။ ကမ္ဘာမှာကို အခု ပိုဆိုးနေတယ်။ ကျနော်တော့ အဲဒီလို ဆိုးတယ်လို့ မြင်တာပဲ။ မြန်မာပြည်မှာလည်း ဆိုးတယ်။ အရှေ့အလယ်ပိုင်းတွေမှာလည်း ဆိုးတယ်”
ထုတ်ပြတ်ချက်မှာ “ကျည်ဆန်ခြုံ၍ မလုံ၊ မေတ္တာခြုံမှ လုံလိမ့်မည်” ဆိုတာကကော ဘာကို ရည်ညွှန်းချင်တာလဲ။
“အဲဒါ မေတ္တာဆိုတာ ကျနော်တို့ ဗုဒ္ဓဘာသာရဲ့အခြေခံပဲဗျ။ မေတ္တာက တော်တော်လေးနက်တယ်လို့ ယူဆ တယ်။ မေတ္တာထားရင်၊ မေတ္တာဓာတ် ကြီးကျယ်လာလေ၊ ခိုင်မာလာလေ ငြိမ်းချမ်းရေး နီးစပ်လေပဲ။ ဒါမှ ငြိမ်းချမ်ရေးလုပ်ကြမှာ”
စစ်ပွဲမှာပါဝင်နေတဲ့ တိုင်းရင်းသားတွေနဲ့ အစိုးရကိုကော ငြိမ်းချမ်းရေးအတွက် ဘာပြောချင်လဲ။
“အမှာကတော့ ငြိမ်းချမ်းရေးလုပ်ကြပါပဲ ပြောရမှာပဲလေ။ ဒီစကား ရိုးရိုးစကားပဲ။ တကယ်လုပ်ရင် ရတယ်”
“ဘာလို့ဆို လက်နက်သုံးရင် တဘက်ကလည်း လက်နက်
နယ်ခြားစောင့်တပ် ဆိုတာ စစ်အင်အား၊ လက်နက် အင်အားကို ဖြည့်တာ မဟုတ်ဘူးဗျ။ ခိုင်မာအောင် လုပ်တာပဲ။ အဲဒီဟာကို ခင်ဗျားတို့ ဖျက်နိုင်ရင် ကောင်းမယ်။ ဖျက်နိုင်ရင်ဆိုတာ ငြိမ်းချမ်းရေးနည်းနဲ့ လုပ်နိုင်ရင် ကောင်းတယ်။ အဲဒါပဲ ပြောချင်တယ်
သုံးနိုင်တဲ့အခွင့်ရှိတာပဲ။ ကျနော်က မျှော်လင့်ချက်တောင် သိပ်မထားချင်ဘူး။ အခု တော်တော်စုတ်ပြတ်နေပြီ။
မြန်မာပြည်က တော်တော် ပျက်သွားပြီ။ လူတွေ လည်း
အခု ကျနော်နေတဲ့နေရာလေ ရှမ်းပြည်။ တောက လူတွေ သနားပါတယ်ဗျာ။ စိုက်တော့ မဖြစ်ဘူး။ ဈေးတွေကလည်း တက်သထက် တက်နေတာ”
“လူထုက ငြိမ်းချမ်းရှိမှ ချမ်းသာမှာ။ ငြိမ်းချမ်းရေး မရှိရင် ဘယ်လိုမှ မချမ်းသာနိုင်ဘူး။ အခု စစ်လက်နက်ကို အားကိုးနေလို့ မရဘူး။ ငြိမ်းချမ်းတဲ့နည်းနဲ့ လုပ်မှ ရမှာ။ အဲဒါမှ လူမသေဘဲနဲ့ လူတွေက တော်တော် သေတာပဲဗျ။ အရှေ့အလယ်ပိုင်းမှာလို သေတယ်။ မြန်မာ ပြည်မှာလည်း ဒီလိုသေတာပဲဗျ။ အတူတူပဲ”
ပြည်သူထဲက ဘယ်လိုလူတွေကိုကော ငြိမ်းချမ်းရေးအတွက် မျှော်လင့်ထားလဲ။
“ငြိမ်းချမ်းရေးက ခင်ဗျားတို့ လုပ်ရင် ရတယ်။ ခင်ဗျားတို့အရွယ် (အသက် ၃ဝ ဝန်းကျင်) တွေက ဖျက်လတ်
တယ်ဗျာ။ ကျနော် အဲဒီအရွယ်ကတည်းက ငြိမ်းချမ်းရေးလုပ်ခဲ့တယ်။ ဒါပေမဲ့ ကိုယ်က မလုပ်တတ် ဘူးဗျ။ လှုပ်ရှားမှုထဲမှာ ပါတော့ ပါဖူးတယ်။ ပါတာက စကားအဖြစ်နဲ့သာ ပါတာ။ ကိုယ်တိုင်လုပ်တဲ့၊ စည်းရုံးတဲ့အချက် သိပ်မရှိဘူး။ လုပ်နိုင်လောက်တဲ့ အတွေ့အကြုံမရှိတဲ့ပုဂ္ဂိုလ်လို့ပဲ ကိုယ်တိုင် ဝန်ခံမိတယ်”
“လူငယ်ဆိုတာ ဖြတ်လတ်တယ်။ အတွေးကလည်း သန်တယ်ဗျ။ အတွေး မှန်တယ်။ ခင်ဗျားတို့ မလိမ်ဘူး။ ခင်ဗျားတို့ကို ကျနော် သိတယ်။ ခင်ဗျားတို့အရွယ်တွေက လိမ်တဲ့ဟာ မရှိဘူး။ လုပ်စမ်းပါ။ ကျနော် ဝမ်းသာ
ပါတယ်။ ၃ဝ ကျော်ဆိုတော့ တအားဖြစ်တယ်။ ကျနော်တို့က ကြီးပြီ၊ မလုပ်နိုင်ဘူးဗျ။ ကြီးလာတယ် ဆိုတော့ စိတ်အားနဲ့ မဆိုင်ဘူး၊ ရုပ်အားနဲ့ ဆိုင်မယ် ထင်တယ်။ ကျနော် ထင်တာလေ။ ရုပ်အားက သိပ်မကောင်းဘူး။
ကျနော် ကိုယ့်ကိုကိုယ် အားမရဘူးဗျ။ အတွေးအခေါ်ကတော့ ရှိကောင်းရှိမယ်။ ဒါပေမဲ့ လုပ်တဲ့အခါကျတော့ ခင်ဗျားတို့လောက်တော့ ဖြတ်လတ်မှာ မဟုတ်ဘူး။ အဲဒါကို ပြောချင်တာပါ”
“ခင်ဗျားတို့က ဖြတ်လတ်တယ်။ လုပ်အားလည်း ရှိတယ်။ နောက် စိတ်က ခိုင်တယ်။ ခိုင်ခိုင်မာမာ ရှိတယ်။ မပြောင်းဘူး။ တခုခု စွဲမြဲသွားရင် မပြောင်းတော့ဘူး။ ခင်ဗျားတို့ လုပ်ရင် ရမယ်။ ကျနော် အားပေးချင်တယ်”
ထပ်ပြီး ဖြည့်စွတ်ပြောချင်တာ ရှိပါသေးလား။
“နယ်ခြားစောင့်တပ်ဆိုတာ စစ်အင်အား၊ လက်နက်အင်အားကို ဖြည့်တာ မဟုတ်ဘူးဗျ။ ခိုင်မာအောင် လုပ်တာပဲ။ အဲဒီဟာကို ခင်ဗျားတို့ ဖျက်နိုင်ရင် ကောင်းမယ်။ ဖျက်နိုင်ရင်ဆိုတာ ငြိမ်းချမ်းရေးနည်းနဲ့ လုပ်နိုင်ရင် ကောင်းတယ်။ အဲဒါပဲ ပြောချင်တယ်။ မူရင်းကတော့ အဲဒါပဲ။ ခင်ဗျားတို့ သဘောပေါက်ပါတယ်။ ငြိမ်းချမ်းတဲ့နည်းနဲ့ အကောင်းဆုံးပဲ”

Friday, August 5, 2011

ဘဝ၈၈ ဂါရဝ

ဘဝ၈၈ ဂါရဝ
အိပ်မက်ဒီရေတွေ တရွေ့ ရွေ့  အောင်မြင်စွာ ခွဲခွာ
ဒေါသရင်ကျိုးအင်းတွေသာ တစ်ခုပြီးတစ်ခု ဖြစ်တည်
ဆနမြိုးမခတောမှာ ပဥဏမံမြွေတွေ မြူးကခုန်နေကြ။

သူရဲကောင်း ကြယ်စင်တွေ အတိတ်ပြန်တူးဖော်ဆွ
အာဂ မဟာ လူထုအရေးတော်ပုံ မေ့ချန်ဖုံးမရ
အခါအခါ သိက္ခာရှိစွာ ရှင်သန် ထမြောက်လာရ။

ဂတိသွေးကျိန်စာ အကြွေးဟောင်း နှစ်ကာလကြာ
ငါတို့ တာဝန် မပြီးဆုံးတဲ့ လက်ကျန် အာရုံလမ်းတွေ
ခေတ်ရဲ့  မျိုးဆက်သစ်တွေနဲ့  ယုံကြည်စွာ အာခံ ပျံသန်းနေမြဲသာပ ၊ ၊

ဒေါင်းနီ
ဝ၃-ဝ၈-၂ဝ၁၁