ကမ်းဝေး
- ချစရာလက်နက် မရှိပါဘူးဆိုတာတောင်မှ
အတင်းလာ လက်နက်ချခိုင်းနေပါလား ...
- မျိုးဆက်တူ
အသွင်တူကြတယ်ဆိုတဲ့
ယေဘုယျသတ်မှတ်ချက်တွေတောင်
တကယ်အဆုံးသတ်သွားခဲ့ပြီလား...
- ဘာကိုမှမသေချာခဲ့တဲ့ ဘ၀တွေဟာလည်း
ဘယ်တော့မှအနားသတ်မျဉ်းတွေနဲ့ 
မလွတ်ကင်းနိုင်ခဲ့ပါလား ...
- ဆင်တူဝတ်ရုံခြုံထားတဲ့  သဘောတရားတွေ
ခ၀ါချချိန်ရောက်လာပြီဆိုရင်တောင်
ငါ့ယဉ်ကျေးမှုရယ်၊ ငါ့ဂုဏ်သိက္ခာရယ်
အဖိနှိပ်ခံတွေရဲ့ 
ဝေသီအိုင်ဖွဲ့နေတဲ့ မျက်ရည်စက်တွေရယ်
ကျိန်စာသင့်အလွမ်းရှည်တွေရယ်
နောက် ...
အစွန်းချွတ်စရာမလိုတဲ့၊ ငါ့ယုံကြည်ရာတွေရယ်အတွက်
ငါ့ခြေထောက်တွေကို၊ ငါပြန်တပ်ရဦးမယ် ... ။
ရိုးဆက်
No comments:
Post a Comment